কমলাবাৰী বনভোজস্থলী, গেলেকী
| এই প্ৰবন্ধটো ৱিকিপিডিয়াৰ ৰচনাশৈলী অনুসৰি ৱিকিফাইড কৰাৰ প্ৰয়োজন আছে। অনুগ্ৰহ কৰি সম্পৰ্কীয় আন্তঃৱিকি সংযোগ অথবা প্ৰবন্ধৰ গঠনশৈলী পৰিবৰ্তন কৰি এই প্ৰবন্ধৰ বিকাশ কৰাত সহায় কৰক। অধিক জানিবৰ বাবে সোঁফালে থকা [দেখুৱাওক] লিংকটোত ক্লিক কৰক।
এই প্ৰবন্ধত ৱিকিফাই কৰিব লগা সংক্ৰান্তিয় একো কাৰণ দিয়া হোৱা নাই।
|
| এই প্ৰবন্ধটোত কোনো কোনো স্থানত তথ্যসূত্ৰ বা প্ৰসংগৰ উল্লেখ প্ৰয়োজন। অনুগ্ৰহ কৰি বিশ্বাসযোগ্য উৎস দেখুৱাই এই প্ৰবন্ধটো উন্নত কৰাত সহায় কৰক। বিশ্বাসযোগ্য তথ্য উৎসৰ উল্লেখ নথকা প্ৰবন্ধৰ বিশ্বাসযোগ্যতা কমে আৰু অনেক ক্ষেত্ৰত ই ইয়াক বিশ্বাস কৰি লোৱা পঢ়ুৱৈৰ ক্ষতি সাধনো কৰিব পাৰে। সেয়ে তথ্য-উৎসৰ উল্লেখ নথকা প্ৰবন্ধক প্ৰত্যাহ্বান জনোৱা হ'ব পাৰে। আনহাতে পঢ়ুৱৈসকলেও প্ৰবন্ধটোত য’ত প্ৰয়োজন যেন দেখে সেই বাক্যৰ পাছত {{উদ্ধৃতিৰ প্ৰয়োজন}} বুলি লিখি ৰাখিও ৱিকিপিডিয়াত উৎসৰ উল্লেখৰ ক্ষেত্ৰত ৰাইজক সজাগ কৰিব পাৰে। |
অসমৰ শিৱসাগৰ জিলাৰ নাজিৰা মহকুমাৰ গেলেকী আৰক্ষী থানাৰ অন্তৰ্গত আঠখেল গ্ৰাণ্টত কমলাবাৰী বনভোজস্থলী অৱস্থিত। বৰ্তমান কমলাবাৰী এক জনপ্ৰিয় বনভোজস্থলী। দেশ-বিদেশৰ পৰ্যটকৰ লগতে বিভিন্ন শিক্ষানুষ্ঠানৰ শিক্ষামূলক ভ্ৰমণৰ বাবে কমলাবাৰী এখন উৎকৃষ্ট ঠাই।
৩৭ নং ৰাষ্ট্ৰীয় ঘাইপথৰ পৰা জাজীৰ পৰা আমগুৰি হালোৱাটিং, বৰচিলা দেওপানী হৈ কমলাবাৰীলৈ আহিব পাৰি। শিৱসাগৰ নগৰৰ পৰা জয়সাগৰ নামতি চাৰিআলি দেওপানী হৈ কমলাবাৰীলৈ মাত্ৰ ২৫ কিঃমিঃ। সোণাৰীৰ দিশৰ পৰা বালিঘাটৰ পৰা নাজিৰা, গেলেকী আঠখেল হৈ সুগম ৰাস্তা।
বিৰল প্ৰজাতিৰ অসংখ্য গছ-গছনিৰ লগতে বৃহৎ এলেকাৰ বৃক্ষৰোপণ আৰু পাহাৰীয়া নান্দনিক পৰিৱেশে সকলোকে মোহিত কৰে। মেজাংকৰী, বৰহমথুৰি, মাধৈমালতী আদি গছ ইয়াত সহজলভ্য। ইয়াৰ এলেকাত থকা এশ বিঘামাটিৰ চোমনিত উজনি অসমৰ বিভিন্ন ঠাইৰ খেতিয়ক আহি মূগা পোহি লাভবান হৈছে। প্ৰায় চাৰিশ বিঘা মাটিকালিৰ তিতাছপা গছ, এহেজাৰ বিঘা উন্নত প্ৰজাতিৰ বাঁহগছ, দুশ বিঘা ঔটেঙা, পঞ্চাছ বিঘা সাচিঁ গছ আছে। মনোমোহা স্থাপত্যৰে খেলা সামগ্ৰীৰ সৈতে এখন শিশু উদ্যান আকৰ্ষণৰ কেন্দ্ৰবিন্দু। স্কুল-কলেজৰ ছাত্ৰ-ছাত্ৰীৰ সুবিধা হোৱাকৈ বিভিন্ন আপুৰুগীয়া গছৰ সমাহাৰেৰে সাহিত্য মনিষি উপবন নামেৰে এখন জৈৱ বৈচিত্ৰ্য উদ্যান আৰু অৰণ্যম নামৰ এটা বেচৰকাৰী সংস্থাই প্ৰতিষ্ঠা কৰা অসমীয়া থলুৱা কবিৰাজৰ এখন ঔষধি বাগিছা আছে কমলাবাৰীত। কমলাবাৰী শিশু উদ্যানৰ ভিতৰত থকা ডাঙৰীয়া পুখুৰী কাছ সংৰক্ষণ প্ৰকল্প হিচাপে উন্নীত কৰা হৈছে। কাছৰ খাদ্য দি বিভিন্ন প্ৰজাতিৰ সৰু-বৰ কাছ প্ৰত্যক্ষ কৰিব পাৰি। অসম পৰ্যটন উন্নয়ন নিগমৰ দ্বাৰা নিৰ্মিত সুউচ্চ নিৰীক্ষণ স্তম্ভৰ পৰা সমগ্ৰ কমলাবাৰী এলেকা ওপৰৰ পৰা চাব পাৰি। কমলাবাৰী শৰপহু, হৰিণাপহুৰ বিচৰণস্থলী।
শেহতীয়াকৈ কমলাবাৰীত নিৰ্মিয়মান অসম আৰক্ষীৰ চতুৰ্থ কামাণ্ডো বেটেলিয়ানৰ মুখ্য কাৰ্যালয় স্থাপনৰ কাম অব্যাহত আছে। যাৰ বাবে নিৰাপত্তাৰ ক্ষেত্ৰতো নিশ্চিন্ত হ"ব পাৰি।