অ

অ(IPA:ɔ) অসমীয়া লিপিৰ স্বৰবৰ্ণৰ প্ৰথম আখৰ। যি ধ্বনি মুখৰ কোনো অংশতে বাধা নোপোৱাকৈ উচ্চাৰিত হয়, সেয়ে স্বৰধ্বনি। 'অ'ও এটি স্বৰধ্বনি, সেয়েহে 'অ' উচ্চাৰণ কৰোতেও মুখৰ কোনো অংশৰে বাধা দিয়া নহয়। ব্ৰেইল্ত 'অ'-ক এনেদৰে লিখা যায়।

ব্যঞ্জন বৰ্ণৰ লগত যোগ হ'লে

যিহেতু ব্যঞ্জন বৰ্ণ স্বতন্ত্ৰকৈ উচ্চাৰণ কৰিব নোৱাৰি, সেয়ে ব্যঞ্জনবৰ্ণৰ লগত কোনো স্বৰবৰ্ণ যোগ কৰা হয়। সাধাৰণতে, যেতিয়া কোনো ব্যঞ্জনবৰ্ণৰ লগত কোনো 'কাৰ' যোগ কৰা নহয়, ব্যঞ্জন বৰ্ণটোৰ লগত 'অ' যোগ কৰা হয়। যেনে ক=ক্+অ আদি। 'অ'ৰ কোনো গৌণ চিন বা 'কাৰ' নাই।

ইউনিক’ড

ৰূপ	চিহ্ন	ইউনিক’ড	ক’ড নম্বৰ	ইউনিক’ডত বিৱৰণ
স্বতন্ত্ৰ ৰূপ	অ	অU+0985	U+0985	BENGALI LETTER A

'অ' পৰা আৰম্ভ হোৱা শব্দ

কিছু উদাহৰণ হ'ল-

• অসম
• অমৰ
• অৱশ্যে
• অমিতাভ
• অৰুণাচল প্ৰদেশ
• অনন্য
• অন্ন
• অজয়
• অচিনাকি
• অন্ধ্ৰপ্ৰদেশ
• অমৰা
• অমিতা
• অলংকাৰ
• অগ্নি
• অলকানন্দা আদি।