চনু নিগম
চনু নিগম (ইংৰাজী: Sonu Nigam, ৩০ জুলাই ১৯৭৩-)[1] এজন ভাৰতীয় কণ্ঠশিল্পী। তেওঁ মূলতঃ হিন্দী আৰু কন্নড় ভাষাত গীত গাইছে। তদুপৰি তেওঁ উৰ্দু, তামিল, অসমীয়া, পঞ্জাবী, বঙালী মালয়ালম, মাৰাঠী, তেলুগু, আৰু নেপালী ভাষাৰ বোলছবিৰ গীততো কণ্ঠ নিগৰাইছে। তেওঁ কেইবাটাও ইণ্ডিপপ্ এলবাম মুকলি কৰিছে আৰু বোলছবিতো অভিনয় কৰিছে। সংখ্যাতত্ত্বৰ আধাৰত তেওঁ নিজৰ উপাধিৰ বানানটো 'Nigam' ৰপৰা 'Niigaam' কৰিছিল কিন্তু পিছত পূৰ্বৰ শব্দটোকে ব্যৱহাৰ কৰিবলৈ লয়।[2]
| চনু নিগম | |
|---|---|
 ২০১৩ চনত চনু নিগম | |
| প্ৰাথমিক তথ্য | |
| জন্ম | ৩০ জুলাই, ১৯৭৩ (৪৯ বছৰ) ফৰিদাবাদ, হাৰিয়ানা, ভাৰত |
| সংগীতৰ প্ৰকাৰ | পপ সংগীত, পাৰ্শ্ব গায়কী |
| পেচা | গায়ক, অভিনেতা, সংগীত পৰিচালক, টেলিভিজনৰ আঁত ধৰোঁতা |
| বাদ্যযন্ত্ৰ | কণ্ঠশিল্পী |
| ৰেকৰ্ড লেবেল | -- |
| সহযোগী কাৰ্য | -- |
| ৱেবছাইট | sonunigam.in |
প্ৰাৰম্ভিক জীৱনসম্পাদনা কৰক
চনু নিগমে চাৰিবছৰ বয়সতে দেউতাকৰ লগত মঞ্চত উঠি মহম্মদ ৰফিৰ "ক্যা হুৱা তেৰা ৱাদা" গীতত কণ্ঠ নিগৰায়। তেতিয়াৰে পৰা তেওঁ বিবাহ আৰু ভোজৰ সংগীতানুষ্ঠানবোৰত দেউতাকক সংগ দিবলৈ লয়। কৈশোৰ অৱস্থাত সংগীতৰ শিক্ষা গ্ৰহণ কৰি তেওঁ ১৯ বছৰ বয়সত বোলছবিৰ নেপথ্য গায়ক হ'বলৈ মুম্বাইলৈ ঢাপলি মেলে।[3] তেওঁ শাস্ত্ৰীয় গায়ক ওস্তাদ গুলাম মুস্তাফা খানৰ ওচৰত সংগীতৰ শিক্ষা লৈছিল।
পেচাগত জীৱনসম্পাদনা কৰক
পাৰ্শ্ব গায়কীসম্পাদনা কৰক
প্ৰথম অৱস্থাত চনু নিগমে মুম্বাইত সুযোগৰ বাবে কষ্ট কৰিবলগীয়া হৈছিল। টি-চিৰিজৰ বেনাৰত তেওঁ মহম্মদ ৰফিৰ গানৰ এলবাম "ৰফি কি য়াদে"ত কণ্ঠ দিবলৈ সুবিধা পায়। সেই সময়ত চনু নিগমৰ গায়কীক কোনো কোনোৱে "ৰফিৰ ক্ল'ন" আখ্যা দিছিল। ১৯৯২ চনত "জানম" বোলছবিত চনু নিগমে পাৰ্শ্ব গায়ক হিচাপে সুযোগ পায়। বোলছবিখনে অৱশ্যে কেতিয়াও মুক্তি লাভ নকৰিলে। তাৰ পিছত তেওঁ ৰে'ডিঅ' বিজ্ঞানপৰ বাবে গাবলৈ লয়।
১৯৯৫ চনৰ ১ মে'ৰ পৰা সম্প্ৰচাৰ হোৱা টিভি শ্ব' "চা ৰে গা মা পা"ত চনু নিগমে আঁত ধৰোঁতাৰূপে কাম কৰিবলৈ আৰম্ভ কৰে। গায়কৰ প্ৰতিভা সন্ধানী প্ৰতিযোগিতাখন অচিৰেই টেলিভিজন জগতত অতি জনপ্ৰিয় হৈ পৰে। ইয়াৰ পিছতে তেওঁ "বেৱফা চনম" (১৯৯৫) বোলছবিত "আচ্ছা ছিলা দিয়া" গীতটো গাবলৈ পায়।[3] তেওঁৰ প্ৰথম গুৰুত্বপূৰ্ণ সফলতা আছিল ১৯৯৭ চনৰ "ব'ৰ্ডাৰ" বোলছবিত অনু মালিকে সৃষ্টি কৰা গীত "ছন্দেছে আতে হেই"। ১৯৯৯ চনত মুক্তি লাভ কৰা ছাজিদ-ৱাজিদৰ সংগীতেৰে চনু নিগমৰ একক এলবাম "দিৱানা"ই অতীব জনপ্ৰিয়তা লাভ কৰে আৰু ভাৰতীয় ইণ্ডিপপ জগতত ই এক অন্যতম সফল এলবাম। নাদীম-শ্ৰাৱনৰ সংগীতেৰে সজোৱা "পৰদেচ" ছবিত চনুৰ "য়েহ দিল দিৱানা" গীতটোৱে 'ৰফি ক্ল'ন' ইমেজ আঁতৰাত সহায় কৰে। তেতিয়াৰে পৰা তেওঁ নিজস্ব এটা শৈলীৰে গোৱা গীতবোৰ শ্ৰোতাই আদৰ লৈছে আৰু ন-প্ৰজন্মৰ গায়কৰ বাবে তেওঁ আদৰ্শস্বৰূপ হৈ পৰিছে।[3]
মূলতঃ হিন্দী ভাষাত ৰোমাণ্টিক, ৰক্, দুখৰ, দেশপ্ৰেম আদি বিষয়ক গীত গাই চনু নিগমে বহুতো বঁটা লাভ কৰিছে। হিন্দীৰ বাহিৰেও তেওঁ অসমীয়া, বঙালী, কন্নড়, ভোজপুৰী, মাৰাঠী, তামিল, তেলুগু, পঞ্জাবী, নেপালী আদি ভাষাত গীত গাইছে।[3] দুই দশকৰো অধিকঁকাল জোৰা কেৰিয়াৰত নিগমে এ. আৰ. ৰহমান, ইলিয়াৰাজা, অনু মালিক, প্ৰীতম, যতীন-ললিত, নাদিম-শ্ৰাৱন, বিশাল-শেখৰ, আদেশ শ্ৰীবাস্তৱ, আনন্দ মিলিন, ছাজিদ-ৱাজিদ আদি সংগীতকাৰৰ অধীনত কাম কৰিছে।
তথ্যসূত্ৰসম্পাদনা কৰক
- ↑ "Sonu Nigam Biography". http://www.4to40.com/legends/print.asp?p=Sonu_Nigam। আহৰণ কৰা হৈছে: 20 January 2012.
- ↑ "It's Nigam, not Niigaam, Says Sonu". The Times of India. 8 September 2010. http://articles.timesofindia.indiatimes.com/2010-09-08/news-and-interviews/28225350_1_sonu-nigam-change-phase। আহৰণ কৰা হৈছে: 3 April 2012.
- ↑ 3.0 3.1 3.2 3.3 "Sonu Nigam". http://www.sonuniigaam.in/aboutme.php। আহৰণ কৰা হৈছে: 25 July 2008.
বহিঃ সংযোগসম্পাদনা কৰক
| ৱিকিমিডিয়া কমন্সত চনু নিগম সম্পৰ্কীয় মিডিয়া ফাইল আছে। |
- চনু নিগম সম্পৰ্কে ইণ্টাৰনেট মুভি ডাটাবেছত থকা তথ্য।
- Official site
- Sonu Nigam collaborates with Britney Spears