|
* ৱিকিপিডিয়া বা ৱিকিউৎসত কাম কৰা দেখি বহুতেই মোক প্ৰায়ে প্ৰশ্ন কৰিছিল, যে ৱিকিপিডিয়াত কাম কৰিলে অৰ্থাৎ লিখিলে কিবা মাননি পোৱা যায় নেকি? এই প্ৰশ্নটোৰ মুখামুখি বহুবাৰ হৈছিলোঁ, যদিও সকলোকে কথাটো বুজাই কৈছিলোঁ যে জীৱনত কিছুমান এনে কাম কৰা হয় যাক মূল্যৰে জুখিব নোৱাৰি। অসম আৰু অসমীয়াক প্ৰকৃততে যদিহে ভাল পোৱা যায়, তেনেহলে নিজৰ গাঁঠিৰ ধন ভাঙি হলেও কাম কৰাত মাদকতা আছে। মোৰো তেনে অনুভৱ হয়। মই এটা কথাই বুজিছিলোঁ, জীৱনত আন একো কৰিব নোৱাৰিলেও অসম আৰু অসমীয়াৰ বাবে নীৰৱে কিবা কৰাৰ এয়াই মোৰ বাবে সোণালী সুযোগ, এই সুযোগ হেৰুৱাবলৈ মই নিবিচাৰোঁ। - [[User:Boranitul|নিতুল বৰা]] (মাৰ্চ, ২০১৬)
<!--
*"প্ৰতিদিন ৰাতিপুৱা যেতিয়া আমি চকু মেলোঁ, মানুহৰ বাহিৰে, বিভিন্ন প্ৰজাতিৰ পশু-পক্ষী আৰু বিবিধ প্ৰকৃতিৰ বিচিত্ৰ দৃশ্য আমাৰ দৃষ্টিৰ সীমাত আৱদ্ধ হয়। অলপ সচেতন হ'লেই আমি শুনিবলৈ পাওঁ মানুহ আৰু প্ৰকৃতি জগতৰ বিভিন্ন ভাষাৰ আদান প্ৰদান। দৰাচলতে, মানুহৰ অস্তিত্বত ভাষা যেনেকে বিদ্যমান, প্ৰকৃতিৰ অস্তিত্বতো একেদৰেই বিৰাজমান। কোৱা হয় যে পৃথিৱীখন ইমান জীৱন্ত, প্ৰাণচঞ্চল আৰু আনন্দময়, তাৰ কাৰণ হ’ল ভাষা। এই পৃথিৱীত বহুতৰ ওচৰত বহুতো সম্পদ নাই, কিন্তু সকলোৰে এটা সম্পদ আছে - সেয়া হʼল "মাতৃভাষা।" "
_[[User:ড॰ জোনালী বৰুৱা|ড॰ জোনালী বৰুৱা]]<br/>
*"ৱিকিত কিয় লিখোঁ বুলি লগৰবিলাকে কেতিয়াবা কেতিয়াবা প্ৰশ্ন কৰাত মই কওঁ যে নৱ প্ৰজন্মৰ বাবে লিখোঁ, যাতে বৰ্তমানৰ লগতে ভৱিষ্যতেও কিবা এটা বিষয়ৰ তথ্যসমৃদ্ধ লিখনিৰ অভাৱ তেওঁলোকে নকৰে, সেয়ে লিখোঁ। অৱশ্যে ৱিকিত লিখিবলৈ গৈ ময়ো ব্যক্তিগতভাৱে লাভান্বিত হৈছোঁ। কাৰণ ৱিকিপিডিয়াত নতুন প্ৰবন্ধ সৃষ্টি কৰিবলৈ হ'লে যথেষ্ট কিতাপপত্ৰ পঢ়িব লগা হয় বিভিন্ন তথ্যপাতিৰ বাবে।"
_[[User:ড° ৰবীন জামান|ড° ৰবীন জামান]]
<br/>
*"অসমীয়া ৱিকিমিডিয়ান এটা তেনেই সৰু কমিউনিটি। সদস্যৰ সংখ্যা কম কাৰণে অসমীয়া ভাষাত মাত্ৰ দুটা ৱিকি প্ৰকল্পৰ কামহে চলি আছে। অসমৰ বহু মানুহে অসমীয়া ৱিকি প্ৰকল্পৰ বিষয়ে বেছি নাজানেই। জনাসকলৰো বহুতেই আকৌ ৱিকিত সম্পাদনা কৰাটো বা অৱদান আগবঢ়োৱা জটিল বিষয় বুলি ওচৰেই নাচাপে। কিন্তু আমাক বিভিন্ন ক্ষেত্ৰৰ বিভিন্ন দিশত পাৰদৰ্শী মানুহৰ প্ৰয়োজন; সকলো ব্যক্তি সকলো দিশত সমানে পাৰদৰ্শী হ’ব লাগিব বুলি কথা নাই। প্ৰতিজন মানুহে কিবা নহয়, কিবা এটা দিশত অৱদান আগবঢ়াব পাৰে। আমাক প্ৰবন্ধ লিখিব পৰা, অনুবাদ কৰিব পৰা, ভাষাগত ভুলবোৰ শুধৰাব পৰা, অসমীয়া ভাষাত টাইপ কৰিব পৰা, বিশ্বকোষৰ উপযোগী ফটো তুলিব পৰা, বিভিন্ন পুথিভঁৰাল-সংগ্ৰহালয় আদিত সঞ্চিত হৈ থকা অসমৰ আপুৰগীয়া সমলৰসমূহৰ ডকুমেণ্টেচন কৰিব পৰা, কাৰিকৰী বা কপিৰাইটৰ কাম-কাজ চোৱা-চিতা কৰিব পৰা আদি বিভিন্ন ব্যক্তিৰ প্ৰয়োজন। সেয়েহে সংকোচ আঁতৰাই থৈ সকলো আগবাঢ়ি আহক।"
_[[User:বাবুল বৈশ্য|বাবুল বৈশ্য]]<br/>
*"মই আগতে গুৰুত্ব নিদিয়া ৱিকিপিডিয়াৰ এটা লিংক হল ‘যিকোনো এটা পৃষ্ঠা’। ই ৰেডিঅ’ত গান শুনি থকাৰ দৰে কেনি লৈ যায় প্ৰথমে জনা নাযায়। পঢ়িও ভাল লাগে, সম্পূৰ্ণ অজ্ঞাত বিষয়লৈ নিব পাৰে। কিছুমান জনা বিষয়ো দেখুৱায় ই। এইবোৰত কিছুমান সৰুসুৰা ভুল থাকি যায় যিবোৰ শুদ্ধ কৰিও ৱিকিলৈ অৱদান আগবঢ়াব পাৰি, নতুন কথা সংযোগ কৰিব পাৰি, পুৰণি প্ৰবন্ধ আপডেট কৰিব পাৰি। বহুত বহুত প্ৰবন্ধ লিখা সকলোৰে পক্ষে সম্ভৱ নহয় কিন্তু সকলোৱে এনেদৰে অলপ অলপ বৰঙণি আগবঢ়াব পাৰে ৱিকিজগতলৈ। আৰু এনেকৈয়ে অসমীয়া ৱিকি বহুদূৰ আগবাঢ়ি যাব বুলি মই বিশ্বাস কৰোঁ।"
_[[User:নিৰঞ্জন বড়া|নিৰঞ্জন বড়া]]<br/>
*"অসম আৰু অসমীয়া ভাষা বুলিলেই আমাৰ আৱেগ উথলি উঠে। পিছে আৱেগৰ সঠিক ব্যৱহাৰ কৰিব নজনা জাতি হিচাপে আমি (কু)খ্যাত। সম্প্ৰতি মোবাইল বা লেপটপত অসমীয়া লিপি সকলোৰে বাবে সহজলভ্য। গণমাধ্যমত অসমীয়া লিখা-মেলাবোৰ দেখিলেই তাৰ উমান পোৱা যায়। তৎসত্ত্বেও কিন্তু অসমীয়া ৱিকিৰ সক্ৰিয় সদস্য এমুঠি মানহে। তদুপৰি বাংলা ভাষাই তাহানিতে লগোৱা গ্ৰহণৰ দাগ আজিকোপতি বৰ্তি থকাৰ দৰে এতিয়াও গুগলত 'ৰ' নিদিয়াকৈ কৰা বেছিভাগ বিচাৰ-খোচাৰৰ প্ৰথম ফলাফল বাংলা ৱিকিপিডিয়া বা বাংলা ৱেবচাইটত আহে। অসমৰ মানুহখিনিক একগোটে বান্ধি ৰাখিবলৈ ভাষাটোৱেই আটাইতকৈ সুদৃঢ় জৰী। সম্ভৱতঃ 'ৰ'টো অসমীয়া মানুহৰ আটাইতকৈ প্ৰিয় আখৰ। জাতীয়তাবাদৰ এক ভেঁটি হিচাপে গঢ় লৈ উঠা আমাৰ আদৰৰ ভাষাটোৰ বিশ্বজোৰা প্ৰতিপত্তি বজাই ৰাখিবলৈ কোনো প্ৰতিবন্ধকতা নোহোৱাকৈ ভাষাটো ওচৰতে পোৱাটো অতীৱ প্ৰয়োজনীয়। এই ক্ষেত্ৰত অসমীয়া ৱিকিপিডিয়াই ভাষাটোৰ একনিষ্ঠ সেৱক হোৱাৰ সুযোগৰ সদ্ব্যৱহাৰ কৰিব লাগে। অসম বিষয়ক তথ্যসমৃদ্ধ প্ৰবন্ধ সৃষ্টি কৰাত আমি সদায়ে গুৰুত্ব দিব লাগে। "
_[[User:Drnayanjyoti|নয়নজ্যোতি শৰ্মা]]<br/> -->
| 