পূণেৰী পাগুৰী (ইংৰাজী: Puneri Pagadi) মহাৰাষ্ট্ৰৰ পূণে নগৰীৰ গৌৰৱ আৰু সন্মানৰ প্ৰতীক হিচাপে গণ্য কৰা এক প্ৰকাৰৰ পাগুৰী।[1] দুই শতিকাৰ আগতে ইয়াৰ প্ৰচলন আৰম্ভ হৈছিল।[2] এই পাগুৰী সন্মানৰ প্ৰতীক হ'লেও আজি কালি মহাবিদ্যালয় বোৰত পাৰম্পাৰিক দিনসমূহতো ব্যৱহাৰ কৰা দেখা যায়।[3] এই পাগুৰীৰ সুকীয়া পৰিচয় ৰক্ষা কৰিবলৈ স্থানীয় লোকসকলে "ভৌগোলিক পৰিচায়ক"ৰ মৰ্যাদা দাবী কৰিছিল।[3] ২০০৯ চনৰ ৪ ছেপ্তেম্বৰত তেওঁলোকৰ বহুদিনৰ দাবী পূৰণ হ’ল আৰু এই পাগুৰী এক বৌদ্ধিক সম্পদৰূপে পৰিগণিত হ’ল।[1][3][4][5][6]

পূণেৰী পাগুৰী পিন্ধি থকা অৱস্থাত মহাদেৱ গোবিন্দ ৰাণাডে

ইতিহাস সম্পাদনা কৰক

 
পূণেৰ টাৰ্বান ফিতাৰ্চ, ১৮৯০

১৯ শতিকাৰ এজন সমাজ-সংঘঠক মহাদেৱ গোবিন্দ ৰাণাডে পোন-প্ৰথমে এই পাগুৰীৰ প্ৰচলন কৰিছিল। পিছলৈ কেইবাজনো বিখ্যাত নেতা লোকমান্য তিলক, জে.এছ. কৰণদিকাৰ, দি.দি. চাথে, তাতিয়াচাহেব কেলকাৰ আৰু দাত্তু বামন পটদাৰে এই পাগুৰী পিন্ধিছিল।[2] ১৯৭৩ চনৰ মাৰাঠী ভাষাৰ নাটক "ঘাচীৰাম কটৱাল"ৰ পৰা ই আৰু অধিক জনপ্ৰিয় হৈ পৰিল।[3]

ব্যৱহাৰ সম্পাদনা কৰক

এই পাগুৰী সাধাৰণতে কিছুমান বিশেষ অনুষ্ঠান যেনে বিয়া-বাৰু আৰু বিদ্যালয়-মহাবিদ্যালয়ৰ পাৰম্পাৰিক দিৱসত ব্যৱহাৰ কৰা হয়। যুৱসকলে "গন্ধাল" কলা প্ৰদৰ্শন কৰোঁতে এই পাগুৰী মাৰে। তদুপৰি ঐতিহাসিক বোলছবি আৰু থিয়েটাৰত ইয়াক ব্যৱহাৰ কৰা হয়।[3]

বৌদ্ধিক সম্পত্তিৰ অধিকাৰ প্ৰদান সম্পাদনা কৰক

১০ জনীয়া "শ্ৰী পূণেৰী পাগুৰী সংঘ"ই পূণেৰী পাগুৰীৰ "ভৌগোলিক পৰিচায়ক"ৰ মৰ্যাদা পাবলৈ ভৌগোলিক পৰিচায়ক ৰেজিষ্ট্ৰীলৈ আবেদন জনাইছিল[3] আৰু লগতে বৌদ্ধিক সম্পদৰ নীতিৰ উৎকৰ্ষৰ বাবেও আবেদন জনাইছিল।[2] পূণেৰী পাগুৰীক বিশ্ব দৰবাৰত দাঙি ধৰা, ইয়াৰ স্বকীয়তা ৰক্ষা কৰা আৰু পূণেৰী সংস্কৃতি জীয়াই ৰখা ইয়াৰ মূল উদ্দেশ্য। ২০০৯ চনৰ ৪ ছেপ্তেম্বৰত ইয়াক ভৌগোলিক পৰিচায়কৰ মৰ্যাদা দিয়াৰ লগে লগে ই পূণেৰ সাংস্কৃতিক আৰু চৰকাৰী পৰিচয় হৈ পৰিল।[1][3][4][5][6]সেইমতে পূণেৰী পাগুৰী বৌদ্ধিক সম্পদৰ অধিকাৰ লাভ কৰিলে আৰু পূণেৰ বাহিৰত পূণেৰী পাগুৰীৰ উৎপাদন তথা বিক্ৰী নিষিদ্ধ কৰা হ’ল।[4]

তথ্য সংগ্ৰহ সম্পাদনা কৰক

  1. 1.0 1.1 1.2 "Indian association seeks IPR for 'Puneri Pagadi'". Business Standard. 7 April 2009. http://www.business-standard.com/india/news/indian-association-seeks-ipr-for-%5Cpuneri-pagadi%5C/354259/। আহৰণ কৰা হৈছে: 12 June 2012. 
  2. 2.0 2.1 2.2 "Turban legend: Puneri Pagadi may soon get intellectual property tag". Mid-day. 6 April 2009. http://www.mid-day.com/news/2009/apr/060409-Pune-News-property-tag-Puneri-Pagadi-Turban-intellectual-property-rights.htm। আহৰণ কৰা হৈছে: 13 June 2012. 
  3. 3.0 3.1 3.2 3.3 3.4 3.5 3.6 Shruti Nambiar (2 August 2011). "The Pagadi Unravelled". The Indian Express. পৃষ্ঠাসমূহ: 1–2. http://www.indianexpress.com/news/the-pagadi-unravelled/825919/1। আহৰণ কৰা হৈছে: 13 June 2012. 
  4. 4.0 4.1 4.2 "Puneri Pagadi gets GI tag; latest to join protected goods club". Zee News. 21 September 2009. http://zeenews.india.com/news/etc/puneri-pagadi-gets-gi-tag-latest-to-join-protected-goods-club_565357.html। আহৰণ কৰা হৈছে: 13 June 2012. 
  5. 5.0 5.1 "Puneri Pagdi obtains geographical indication status". OneIndia News. 3 January 2010. http://news.oneindia.in/2010/01/03/puneripagdi-obtains-geographical-indicationstatus.html। আহৰণ কৰা হৈছে: 13 June 2012. 
  6. 6.0 6.1 Chandran Iyer (22 September 2009). "Puneri Pagadi gets pride of place". Mid Day. http://www.mid-day.com/news/2009/sep/220909-Puneri-Pagadi-Geographical-Indication-Pune2.htm। আহৰণ কৰা হৈছে: 13 June 2012.