মকবুল ফিদা হুছেইন (ইংৰাজী: Maqbool Fida Husain , জন্ম: ১৭ ছেপ্টেম্বৰ, ১৯১৫, মৃত্যু: ৯ জুন, ২০১১) ভাৰতৰ এজন অতি জনপ্ৰিয় চিত্ৰশিল্পী।

মকবুল ফিদা হুছেইন

ইছলামিক আৰ্ট মিউজিয়াম, দোহাত এম এফ হুছেইন
নাম মকবুল ফিদা হুছেইন
জন্ম ১৭ ছেপ্টেম্বৰ, ১৯১৫
ৰপুৰ, মহাৰাষ্ট্ৰ
মৃত্যু ৯ জুন, ২০১১
লণ্ডনৰ ৰয়েল ব্ৰম্পটন হাস্পতাল
দেশ ভাৰতীয়, কাটাৰৰ নাগৰিক (২০১০-২০১১)[1]
পেচা Painting, Drawing, Writer, Film Maker
প্ৰশিক্ষণ ছাৰ জে জে স্কুল অফ আৰ্ট
(ইংৰাজীSir J. J. School of Art)
বিপ্লৱ Progressive Art Group
বঁটা পদ্মশ্ৰী (১৯৫৫)
পদ্মভূষণ (১৯৭৩)
পদ্ম বিভূষণ (১৯৯১)
ৱেবচাইট www.mfhussain.com

হুছেইনৰ কৰ্মৰাজিসম্পাদনা কৰক

মুম্বাইৰ ছাৰ জে জে স্কুল অৱ আৰ্টছত চিত্ৰশিল্পৰ আনুষ্ঠানিক প্ৰশিক্ষণ লোৱা হুছেইনে হিন্দী চিনেমা জগতত চিনেমাৰ পোষ্টাৰ আঁকি শিল্পী জীৱন আৰম্ভ কৰিছিল৷ স্বাধীনতাৰ পিছত বিগত শতিকাৰ ৪০ৰ দশকৰ শেষৰ ফালে তেওঁ বোম্বে প্ৰগতিবাদী শিল্পী গোটত যোগদান কৰে৷ ইউৰোপৰ বিভিন্ন দেশ, নিউয়ৰ্ক, টকিঅ' আদিৰ বিখ্যাত আৰ্ট গেলাৰীত এম এফ হুছেইনৰ চিত্ৰই হাজাৰ হাজাৰ কলামোদীক ৰসৰ সাগৰত বুৰ যোৱাত সহায় কৰিছিল৷ অংকনৰ জগতৰ লগতে তেওঁ কেমেৰাৰে ছবি অঁকাৰ বাবে চেষ্টা কৰিছিল৷ ১৯৬৭ চনত নিৰ্মান কৰা তেওঁৰ প্ৰথমখন চিনেমা থ্ৰু দ্য মাইণ্ডঅৱ এ পেইণ্টাৰ-এ বাৰ্লিন চলচিত্ৰ মহোত্সৱত 'গ'ল্ডেন বিয়েৰ বঁটা' লাভ কৰিছিল৷ পৰৱৰ্তী কালত তেওঁ টাবুক নায়িকাৰূপে লৈ মীনাক্ষী : এ টেল অৱ থ্ৰী চিটিজ আৰু মাধুৰীক নায়িকাৰূপে লৈ গজগামিনী নিৰ্মাণ কৰিছিল৷

হুছেইনৰ চিত্ৰশিল্পসম্পাদনা কৰক


স্বীকৃতি আৰু সন্মানসম্পাদনা কৰক

কলাৰ জগতলৈ আগবঢ়োৱা অৱদানৰ স্বীকৃতিৰূপে হুছেইনক ১৯৫৫ চনত পদ্মশ্ৰী, ১৯৭৩ চনত পদ্মভূষণ আৰু ১৯৯১ চনত পদ্মবিভূষণ সন্মানেৰে বিভূষিত কৰা হয়৷

হুছেইন আৰু বিতৰ্কসম্পাদনা কৰক

১৯৮৬ চনত তেওঁক ৰাজ্যসভালৈ মনোনীত কৰা হয়৷ বিগত শতিকাৰ ৯০ৰ দশকত হিন্দু দেৱীক নগ্ন ৰূপত অংকন কৰাৰ বাবে হুছেইন বিতৰ্কৰ মাজত সোমাই পৰে৷ তাৰ পিছতে হিন্দু উগ্ৰবাদীৰ পৰা জীৱনৰ বাবে ভাবুকি অহাৰ কাৰণে হুছেইনে দেশ ত্যাগ কৰাৰ সিদ্ধান্ত লয়৷ তেওঁ ২০০৬ চনৰ পিছৰে পৰা ডুবাই আৰু লণ্ডনত থাকিবলৈ লয়৷ ২০১০ চনত তেওঁ কাটাৰৰ নাগৰিকত্বৰ বাবে আবেদন কৰে আৰু দেশখনে নাগৰিকত্ব প্ৰদান কৰে৷


তথ্য সংগ্ৰহসম্পাদনা কৰক

বাহ্যিক সংযোগসম্পাদনা কৰক