হাটশিঙিমাৰি
হাটশিঙিমাৰি অসমৰ নৱগঠিত জিলা দক্ষিণ শালমাৰা-মানকাচৰ জিলাৰ সদৰ। পূৰ্বতে ই ধুবুৰী জিলাৰ দক্ষিণ শালমাৰা-মানকাচৰ মহকুমাৰ সদৰ ঠাই আছিল। ২০১৫ চনৰ ১৫ আগষ্টত অসমৰ মুখ্যমন্ত্ৰী তৰুণ গগৈয়ে আন চাৰিখন জিলাৰ লগত দক্ষিণ শালমাৰা-মানকাচৰ জিলা ঘোষণা কৰে।[1] ২০১৬ চনৰ ৯ ফেব্ৰুৱাৰী তাৰিখে নৱগঠিত জিলাখনৰ উপায়ুক্ত আমি.আই. আহমেহদে ইয়াক উদ্বোধন কৰে। ২০১১ চনৰ লোকপিয়ল মতে হাটশিঙিমাৰিৰ জনসংখ্যা ৩৪৪৫ জন আৰু সাক্ষৰতা হাৰ ৭৭.৭৩%।
| হাটশিঙিমাৰি | |
|---|---|
| — town — | |
  হাটশিঙিমাৰি |
|
| ভৌগোলিক স্থানাংক: 25°42′59″N 89°53′55″E / 25.71647°N 89.89858°Eস্থানাংক: 25°42′59″N 89°53′55″E / 25.71647°N 89.89858°E | |
| দেশ |  ভাৰত |
| ৰাজ্য | অসম |
| জিলা | দক্ষিণ শালমাৰা-মানকাচৰ জিলা |
| উচ্চতা | ২৮ মিটাৰ (৯১.৮৬ ফুট) |
| জনসংখ্যা (২০১১) | |
| - মুঠ | ৩,৪৪৫ জন |
| ভাষা | |
| - Official | অসমীয়া |
| সময় অঞ্চল | ভাৰতীয় মান সময় (গ্ৰী.মা.স.+৫:৩০) |
| যানবাহনৰ নম্বৰ | AS |
নামৰ উৎপত্তি সম্পাদনা কৰক
হাটশিঙিমাৰি নাম "হাট" আৰু "শিঙিমাৰি" এই দুই শব্দ লগ লগাই সৃষ্টি হৈছে। "হাট" সাপ্তাহিক বজাৰ; প্ৰতি দেওবাৰে এই অঞ্চলত এখন সাপ্তাহিক বজাৰ বহে। "শিঙিমাৰি" মানে শিঙি মাছ মৰা। অতীতত এই অঞ্চলত শিঙি মাছৰ বজাৰ আছিল বুলি কোৱা হয়।
অৱস্থান সম্পাদনা কৰক
হাটশিঙিমাৰি অসমৰ একেবাৰে পশ্চিম প্ৰান্তৰ দক্ষিণ পাৰত অৱস্থিত। ইয়াৰ পূবত মেঘালয়, দক্ষিণত মানকাচৰ চহৰ আৰু পশ্চিমে জিঞ্জিৰাম নদী অৱস্থিত। হাটশিঙিমাৰি ভাৰত-বাংলাদেশ আন্তঃৰাষ্ট্ৰীয় সীমাৰ পৰা মাত্ৰ ৫ কিঃমিঃ নিলগত।
ৰাজনীতি সম্পাদনা কৰক
হাটশিঙিমাৰি লোকসভা সমষ্টিৰ অন্তৰ্গত আৰু বৰ্তমান সাংসদ সৰ্ব ভাৰতীয় সংযুক্ত গণতান্ত্ৰিক মৰ্চাৰ সভাপতি মৌলানা বদৰুদ্দিন আজমল। লগতে ই ২১ নং বিধানসভা সমষ্টি মানকাচৰৰ অন্তৰ্ভুক্ত আৰু বৰ্তমান বিধায়ক ভাৰতীয় জাতীয় কংগ্ৰেছ পাৰ্টিৰ ডঃ মটিউৰ ৰহমান মণ্ডল।
শিক্ষা সম্পাদনা কৰক
হাটশিঙিমাৰিত কেইবাখনো প্ৰতিষ্ঠিত চৰকাৰী আৰু বেচৰকাৰী শিক্ষা প্ৰতিষ্ঠান আছে। তাৰে ভিতৰত কেইখনমান হল;
- ৰেইনব' ইংলিছ স্কুল
- সাৰ্বজনীন হাটশিঙিমাৰি জাতীয় বিদ্যালয়
- নামনি অসম জাতীয় বিদ্যালয়
- শংকৰ আজান জাতীয় বিদ্যালয়
- ইলাইট একাডেমী
- হাটশিঙিমাৰি মহাবিদ্যালয়
- আজমল কলেজ
- এপল' একাডেমী
তথ্যউৎস সম্পাদনা কৰক
- ↑ "CM Tarun Gogoi announces 5 new districts in Assam on Independence Day". Daily News and Analysis. PTI (Guwahati). 15 August 2015. http://www.dnaindia.com/india/report-cm-tarun-gogoi-announces-5-new-districts-in-assam-on-independence-day-2114724। আহৰণ কৰা হৈছে: 15 August 2015.
- "Fekamari Development Block". cic.nic.in. Archived from the original on 2012-02-13. https://web.archive.org/web/20120213163721/http://www.cic.nic.in/cicwebpages/Assam/fekamari/asm-fekamari/SDO.htm। আহৰণ কৰা হৈছে: 2016-09-23.
- "Hatsingimari Facts and Census Reports". Govt. Of India. http://www.census2011.co.in/data/village/281669-hatsingimari-assam.html.
- "New District South Salmara Mankachar Announced". DNA India. http://www.dnaindia.com/india/report-cm-tarun-gogoi-announces-5-new-districts-in-assam-on-independence-day-2114724.
- "Police District". Assam Tribune. Archived from the original on 2016-03-25. https://web.archive.org/web/20160325003351/http://www.assamtribune.com/scripts/detailsnew.asp?id=jan0315%2Fstate051। আহৰণ কৰা হৈছে: 2016-09-23.