৫ মে'

৫ মে' (ইংৰাজী: 5 May) হৈছে গ্ৰেগৰিয়ান বৰ্ষপঞ্জীৰ ১২৩তম (অধিবৰ্ষত ১২৪তম) দিন। বছৰ শেষ হ'বলৈ ২৪২ দিন বাকী থাকে।

ঘটনাৱলী

1. ১৮২১ চনৰ আজিৰ দিনটোত আটলাণ্টিক এটি ক্ষুদ্ৰ দ্বীপত নেপোলিয়ন বোনাপাৰ্টৰ মৃত্যু হয়। মৃত্যুৰ সময়ত তেওঁ নিৰ্বাসিত অৱস্থাত আছিল।
2. ১৯১২ চনৰ আজিৰ দিনটো ষ্টকহোমত পঞ্চম অলিম্পিক ক্ৰীড়া আৰম্ভ হয়।
3. ১৯২১ চনৰ আজিৰ দিনটোত বিশ্বৰ ক্ষুদ্ৰতম সংবাদ-পত্ৰ ‘ব্ৰাইনাৰ গেজেট’ প্ৰথম প্ৰকাশ হয়। উল্লেখযোগ্য যে সংবাদ পত্ৰখনৰ আকাৰ আছিল ১০x১৩ ছেঃমিঃ।
4. ১৯৫৫ চনত আজিৰ দিনটোত সংসদত গৃহীত হয় হিন্দু বিবাহ বিচ্ছেদ বিধেয়ক।
5. ১৯৮৪ চনৰ আজিৰ দিনটোত ফু দৰ্জীয়ে এভাৰেষ্ট আৰোহণ। তেওঁ আছিল অক্সিজেন নোহোৱাকৈ এভাৰেষ্ট আৰোহণ কৰা প্ৰথম ভাৰতীয়।

জন্ম

1. ১৮১৮ চনৰ আজিৰ দিনটোত জাৰ্মান অৰ্থনীতিবিদ, দাৰ্শনিক তথা সমাজবাদী আন্দোলনৰ অন্যতম হোতা কাৰ্ল মাৰ্ক্সৰ জন্ম হয়।
2. ১৮৪৬ চনৰ আজিৰ দিনটোত পোলেণ্ডৰ ঔপন্যাসিক হেনৰিক ছিনকিৱজৰ জন্ম হৈছিল। তেওঁ ১৯০৫ চনত সাহিত্যৰ ন’বেল বঁটা লাভ কৰে।
3. ১৮৯৫ চনৰ এই দিনটোত সমাজসেৱক তথা সাহিত্যিক অমিয় কুমাৰ দাসৰ জন্ম হয়।
4. ১৯১৬ চনৰ আজিৰ দিনটোত জন্ম হৈছিল ভাৰতৰ প্ৰাক্তন ৰাষ্ট্ৰপতি জাইল সিঙৰ। তেওঁ ১৯৮৭ চনৰ পৰা ২৫ জুলাইলৈকে ৰাষ্ট্ৰপতিৰূপে কাৰ্যনিৰ্বাহ কৰিছিল।

মৃত্যু

1. ১৯২৮ চনৰ আজিৰ দিনটোত প্ৰথম অসমীয়া মহিলা স্নাতক সুধালতা দুৱৰাৰ মৃত্যু হয়।
2. ১৯৪৪ চনৰ আজিৰ দিনটোত অসম সাহিত্য সভাৰ সভাপতি ময়িদুল ইছলাম বৰাৰ মৃত্যু হয়।
3. ২০০৬ চনৰ আজিৰ দিনটোত মৃত্যু হয় প্ৰসিদ্ধ সংগীত শিল্পী নৌছাদৰ।

দিৱস

1. আজি নেদাৰলেণ্ডৰ স্বাধীনতা দিৱস।

বাহ্যিক সংযোগ

• বিবিচি: এই দিনত

---