অসম কোষ (গ্ৰন্থ)
| এই প্ৰবন্ধটোত কোনো কোনো স্থানত তথ্যসূত্ৰ বা প্ৰসংগৰ উল্লেখ প্ৰয়োজন। অনুগ্ৰহ কৰি বিশ্বাসযোগ্য উৎস দেখুৱাই এই প্ৰবন্ধটো উন্নত কৰাত সহায় কৰক। বিশ্বাসযোগ্য তথ্য উৎসৰ উল্লেখ নথকা প্ৰবন্ধৰ বিশ্বাসযোগ্যতা কমে আৰু অনেক ক্ষেত্ৰত ই ইয়াক বিশ্বাস কৰি লোৱা পঢ়ুৱৈৰ ক্ষতি সাধনো কৰিব পাৰে। সেয়ে তথ্য-উৎসৰ উল্লেখ নথকা প্ৰবন্ধক প্ৰত্যাহ্বান জনোৱা হ'ব পাৰে। আনহাতে পঢ়ুৱৈসকলেও প্ৰবন্ধটোত য’ত প্ৰয়োজন যেন দেখে সেই বাক্যৰ পাছত {{উদ্ধৃতিৰ প্ৰয়োজন}} বুলি লিখি ৰাখিও ৱিকিপিডিয়াত উৎসৰ উল্লেখৰ ক্ষেত্ৰত ৰাইজক সজাগ কৰিব পাৰে। |
অসমকোষ অসমীয়া ভাষাত ৰচিত এখন গ্ৰন্থ। গ্ৰন্থখনৰ সংকলক আৰু সম্পাদক– হেমন্ত কুমাৰ ভৰালী। গ্ৰন্থখনত অসম বুৰঞ্জী, ভূগোল, জাতি-জনগোষ্ঠী, সমাজ-ব্যৱস্থা, কৃষি-শিল্প-সংস্কৃতি, ভাষা-সাহিত্য-সংবাদপত্ৰ, স্থাপত্য-ভাস্কৰ্য, থিয়েটাৰ-নাটক-ৰংগমঞ্চ-চিনেমা, সমাজ জীৱনৰ বিশিষ্ট ব্যক্তিসকল, অনুষ্ঠান-প্ৰতিষ্ঠান, ঐতিহাসিক স্মৃতি-চিহ্ন আদি–অসম বিষয়ক বিবিধ প্ৰসংগৰ তথ্যসমৃদ্ধ বৰ্ণানুক্ৰমিক লেখা আছে। লেখাবোৰৰ লগত প্ৰাসংগিক ফটো আৰু আলোকচিত্ৰও আছে। [1]
| অসম কোষ | |
|---|---|
| লেখক | হেমন্ত কুমাৰ ভৰালী |
| দেশ | ভাৰত |
| ভাষা | অসমীয়া |
| প্ৰকাৰ | তথ্যধৰ্মী গ্ৰন্থ |
| মিডিয়া প্ৰকাৰ | মুদ্ৰণ |
বিৱৰণ
সম্পাদনা কৰকপ্ৰায় ২০০০টা বিভিন্ন বিষয়ক লেখা এই গ্ৰন্থখনত সংকলিত হৈছে। গ্ৰন্থখনৰ শেষৰফালে অসম সাহিত্য সভাৰ সভাপতিসকলৰ নাম, অসমত ক’ত কি প্ৰথমবাৰৰ বাবে হৈছিল তাৰ বিৱৰণ, বিভিন্ন ক্ষেত্ৰত প্ৰথম অসমীয়াসকলৰ তালিকা, অসমীয়া ভাষা সাহিত্যত প্ৰথমসকলৰ তালিকা, মঞ্চ তথা চলচ্চিত্ৰ জগতত প্ৰথমসকলৰ তালিকা, ভাৰত চৰকাৰৰ পদ্ম সন্মান লাভ কৰাসকলৰ তালিকা, তমল কুমাৰী, শিৱপ্ৰসাদ বৰুৱা ৰাষ্ট্ৰীয় বঁটা লাভ কৰাসকলৰ তালিকা, সৰস্বতী সন্মান লাভ কৰা ব্যক্তিসকলৰ তালিকা, অসম ৰত্ন লাভ কৰা ব্যক্তিসকলৰ তালিকা, জাতীয় সংগীত আদি বিভিন্ন গুৰুত্বপূৰ্ণ তালিকাসমূহ সংলগ্ন হৈ আছে। গ্ৰন্থখনত অসমৰ জাতীয় জীৱনৰ বাবে সেৱা আগবঢ়াই থৈ যোৱা গৰিষ্ঠসংখ্যক মহান ব্যক্তিৰ বিষয়ে পৰিচয়মূলক টোকা আছে। তেওঁলোকৰ ফটো জীৱন পৰিক্ৰমা, সামাজিক, সাহিত্যিক অৱদান আদিৰ বিষয়ে আছে। গ্ৰন্থখনৰ প্ৰথম প্ৰকাশৰ চন– ২০০৫ ডিচেম্বৰ। এতিয়ালৈকে গ্ৰন্থখনৰ ৩টা সংস্কৰণ প্ৰকাশ পাইছে। তৃতীয় সংস্কৰণটো পৰিবৰ্ধিতৰূপত প্ৰকাশ হৈছে ২০১৬ চনত। মূল্য– ৪০০ টকা। মুঠ পৃষ্ঠা- ৫৩২। [1]
তথ্য সংগ্ৰহ
সম্পাদনা কৰক- ↑ 1.0 1.1 অৰবিন্দ ৰাজখোৱা, ভাস্কৰ ভূঞা (২০২০). অসমীয়া শিশু সাহিত্য কোষ, প্ৰস্তাৱনা খণ্ড. কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়. পৃষ্ঠা. ৫৬৯. উদ্ধৃতি ত্ৰুটি: Invalid
<ref>tag; name "অসমীয়া শিশু সাহিত্য কোষ" defined multiple times with different content