ইন্দিৰা গান্ধী সোঁৱৰণী টিউলিপ উদ্যান, শ্ৰীনগৰ, কাশ্মীৰ
ইন্দিৰা গান্ধী সোঁৱৰণী টিউলিপ উদ্যান, শ্ৰীনগৰ (ইংৰাজী: Indira Gandhi Memorial Tulip Garden ), যাক পূৰ্বতে ম'ডেল ফ্ল'ৰিকালচাৰ চেণ্টাৰ বুলি কোৱা হৈছিল; ভাৰতৰ শ্ৰীনগৰ, জম্মু আৰু কাশ্মীৰত থকা এখন টিউলিপ ফুলৰ উদ্যান। ৭৪ একৰ মাটি জুৰি থকা এই উদ্যানখন সমগ্ৰ এছিয়াৰ ভিতৰতে সৰ্ববৃহৎ টিউলিপ উদ্যান।[1][2] এই বাগিচাখন জবাৰৱান ৰেঞ্জৰ পাদদেশত অৱস্থিত, য'ৰপৰা ডাল হ্ৰদ দেখা পোৱা যায়। কাশ্মীৰৰ ফ্ল'ৰিকালচাৰ আৰু পৰ্যটনক প্ৰচাৰ আৰু প্ৰসাৰ কৰাৰ উদ্দেশ্যে এই উদ্যানখন ২০০৭ চনত পৰ্যটকৰ বাবে মুকলি কৰি দিয়া হৈছিল।[3] আদিতে ইয়াৰ নাম আছিল চিৰাজ বাগ।[4][5] এই উদ্যানত এক দশমিক পাঁচ মিলিয়নতকৈও বেছি বিভিন্ন ৰঙৰ টিউলিপ ফুলৰ বাল্ব আছে। আমষ্টাৰ্ডামৰ কিউকেনফ টিউলিপ উদ্যানৰপৰা এই ফুলৰ সঁচ অনা হৈছিল।[6] টিউলিপৰ উপৰিও এই উদ্যানত ডেফদিলকে ধৰি অন্য প্ৰায় ৪৬বিধ বিভিন্ন প্ৰজাতিৰ ফুল দেখিবলৈ পোৱা যায়। ইন্দিৰা গান্ধী সোঁৱৰণী টিউলিপ উদ্যানত প্ৰায় ৬৫বিধ বিভিন্ন প্ৰজাতিৰ টিউলিপ ফুল আছে।[7]
টিউলিপ উৎসৱ সম্পাদনা কৰক
জম্মু আৰু কাশ্মীৰ চৰকাৰে প্ৰতিবছৰে মাৰ্চ মাহৰপৰা মে' মাহৰ ভিতৰত 'টিউলিপ উৎসৱ'[8][9] অনুষ্ঠিত কৰে। কাৰণ বছৰটোৰ এই সময়খিনি হৈছে টিউলিপ ফুলবোৰ ফুলাৰ সময়। উৎসৱৰ সময়ত বিভিন্ন থলুৱা আৰু হস্তনিৰ্মিত সামগ্ৰীৰ মেলা হয়। দৰ্শকৰ ভিৰো এই সময়খিনিত বেছি হয়।
চিত্ৰভঁৰাল সম্পাদনা কৰক
-
টিউলিপ উদ্যানত ফুলি থকা শাৰী শাৰী টিউলিপ ফুল, ১৬ এপ্ৰিল, ২০২১ চন -
টিউলিপ উদ্যানৰ কিছু অংশ -
টিউলিপ উদ্যান, ২০২১ চনত -
এপাহ টিউলিপ ফুল
তথ্যসূত্ৰ সম্পাদনা কৰক
- ↑ "Asia’s largest tulip garden opens for visitors" (en ভাষাত). The Hindu. http://www.thehindu.com/news/national/other-states/asias-largest-tulip-garden-opens-for-visitors/article17762125.ece.
- ↑ "Asia's largest tulip garden now open to visitors - Indian Express" (en-gb ভাষাত). www.indianexpress.com. http://www.indianexpress.com/news/asias-largest-tulip-garden-now-open-to-visitors/930046। আহৰণ কৰা হৈছে: 2017-04-14.
- ↑ "Tulip Gardens". The Indian Express. http://indianexpress.com/article/lifestyle/destination-of-the-week/watch-video-kashmirs-scenic-tulip-garden-draws-surge-of-tourists/.
- ↑ "Srinagar’s Siraj Bagh, Asia’s largest tulip garden, opens for tourists". https://www.hindustantimes.com/travel/srinagar-s-siraj-bagh-asia-s-largest-tulip-garden-opens-for-tourists/story-a9bSJKYJzH9kskUdd1Ai0J.html.
- ↑ "Siraj Bagh: Asia's largest Tulip garden opens up for visitors". https://economictimes.indiatimes.com/slideshows/nation-world/siraj-bagh-asias-largest-tulip-garden-opens-up-for-visitors/slideshow/46824007.cms.
- ↑ "Immerse yourself in the colours of romance at this Tulip Festival in Srinagar". https://www.indiatoday.in/travel/travel-buzz/story/tulip-garden-festival-jammu-and-kashmir-srinagar-silsila-travel-lifetr-969074-2017-04-02.
- ↑ "Watch Asia's largest tulip garden in Kashmir". https://www.thehindu.com/life-and-style/asias-largest-tulip-garden-in-kashmir/article34375628.ece.
- ↑ "Tulip Festival 2017 at Siraj Bagh (Tulip Garden) Srinagar, Kashmir | All Details - Chandigarh Metro" (en-US ভাষাত). chandigarhmetro.com. https://chandigarhmetro.com/kashmir-tulip-festival-2017-tulip-garden-srinagar/। আহৰণ কৰা হৈছে: 2017-04-04.
- ↑ "Tulip Festival at the Tulip Garden in Srinagar – All You Must Know". https://www.skyscanner.co.in.+12th May 2020. https://www.skyscanner.co.in/news/tulip-festival-at-tulip-garden-in-srinagar। আহৰণ কৰা হৈছে: 3 May 2021.