উৰ্বশী ৰৌতেলা

উৰ্বশী ৰৌতেলা (জন্ম:২৫ ফেব্ৰুৱাৰী, ১৯৯৪) এগৰাকী ভাৰতীয় অভিনেত্ৰী তথা মডেল। তেওঁ হিন্দী চলচ্চিত্ৰতো অভিনয় কৰিছে।মিছ ডিভা ইউনিভাৰ্চ,২০১৫ৰ ৰৌতেলাই বিজয়ী মুকুট পৰিধান কৰিবলৈ সক্ষম হোৱাৰ লগতে তেওঁ মিছ ইউনিভাৰ্ছ,২০১৫ত ভাৰতক প্ৰতিনিধিত্ব কৰিছিল।

উৰ্বশী ৰৌতেলা
২০২০ত উৰ্বশী ৰৌতেলা
জন্ম	২৫ ফেব্ৰুৱাৰী, ১৯৯৪ (৩০ বছৰ) হৰিদ্বাৰ, উত্তৰাখণ্ড, ভাৰত
পেচা	অভিনেত্ৰী মডেল
সক্ৰিয় হৈ থকা সময়	২০১৩–বৰ্তমান

সিং ছাব দ্য গ্ৰেট (২০১৩) ছবিৰে চলচ্চিত্ৰ জগতত আত্মপ্ৰকাশ কৰি মি.এৰাৱেতা (২০১৫),চনম ৰে (২০১৬), গ্ৰেট গ্ৰেণ্ড মাস্তি (২০১৬), হেট ষ্ট'ৰী ৪ (২০১৮),পাগলপন্টি (২০১৯) আদি ছবিত উৰ্বশী ৰৌতেলাই অভিনয় কৰিছে।

প্ৰাৰম্ভিক জীৱন আৰু শিক্ষা

উৰ্বশী ৰৌতেলাৰ জন্ম হয় হৰিদ্বাৰত ১৯৯৪ চনৰ ২৫ ফেব্ৰুৱাৰী তাৰিখে। ৰৌতেলাৰ মাতৃ আৰু পিতৃৰ নাম ক্ৰমে মীৰা ৰৌতেলা আৰু মনোৱাৰ সিং ৰৌতেলা। তেওঁলোক গাৰোৱালী ৰাজপুত পৰিয়ালৰ আছিল।

উৰ্বশী ৰৌতেলাৰ গৃহ চহৰ কোটদ্বাৰত। উৰ্বশী ৰৌতেলা দিল্লী বিশ্ববিদ্যালয়ৰ অন্তৰ্গত গাৰ্গী মহাবিদ্যালয়ৰ প্ৰাক্তন ছাত্ৰী।