মূল মেনু খোলক

ক'ল'ছিয়াম বা কলোছিয়াম (Collosseum) ৰোমান সভ্যতাত নিৰ্মিত এক বিশেষ ধৰণৰ প্ৰেক্ষাগৃহ। ৬৯ খ্ৰীষ্টাব্দৰ ৰোম চহৰত এই প্ৰেক্ষাগৃহ নিৰ্মাণ কৰা হৈছিল। সুদীৰ্ঘ ১৩ বছৰ ধৰি নিৰ্মাণ কাৰ্য চলা ক'ল'ছিয়ামৰ নিৰ্মাণ সম্পূৰ্ণ হয় ৮২ খ্ৰীষ্টাব্দত। এনে ধৰণৰ ৰোমান সৌধক ইংৰাজীত এম্ফিথিয়েটাৰ (Amphitheatre) বোলে। আধুনিক কালৰ অলিম্পিক তথা ক্ৰিকেট ষ্টেডিয়ামৰ লগত ইয়াৰ আকাৰ আৰু ব্যৱহাৰৰ ভালেখিনি সাদৃশ্য আছে। ক'ল'ছিয়ামৰ আকৃতি অৰ্ধ বৃত্তাকাৰ, ওপৰত কোনো ছাদ নাই, মুকলি আকাশ। সোঁমাজত অৱস্থিত ৰংগমঞ্চৰ কেউকাষে আজিকালিৰ ষ্টেডিয়ামৰ দৰে ঢাপে ঢাপে শাৰী শাৰী দৰ্শকৰ আসন। শিল, কংক্ৰিট আদিৰে নিৰ্মিত ক'ল'ছিয়ামৰ দৈৰ্ঘ্য ১৯০ মিটাৰ (প্ৰায় ৬২৩ ফুট) আৰু প্ৰস্থ ১৫৫ মিটাৰ (প্ৰায় ৫০৯ ফুট)।

Colosseum in Rome, Italy - April 2007.jpg
স্থান শান্তিৰ মন্দিৰ (Regio IV Templum Pacis, "Temple of Peace")
নিৰ্মাণ ৭০–৮০ খ্ৰীষ্টাব্দ
নিৰ্মাতা ভেস্পাচিয়ান, টাইটাচ
প্ৰকাৰ মুকলি প্ৰেক্ষাগৃহ (এম্ফিথিয়েটাৰ)
লগতে চাওক ৰোমৰ পৌৰাণিক স্মাৰকসমূহৰ তালিকা
Roma Plan.jpg

ক'ল'ছিয়ামৰ কেন্দ্ৰস্থলত থকা ৰংগমঞ্চ বা ৰংগভূমিৰ নাম এৰিনা (Arena)। ই এটা লেটিন শব্দ। ইয়াৰ অৰ্থ বালি বা বালিময় ভূমি। ৰংগভূমি বালিময় হোৱাৰ কাৰণে ইয়াক এৰিনা বোলা হৈছিল। প্ৰেক্ষাগৃহৰ দৰে এৰিনাও উপ-বৃত্তাকাৰ। ইয়াৰ দীঘ প্ৰায় ৮৭ মিটাৰ (২৮৭ ফুট) আৰু বহল প্ৰায় ৬০ মিটাৰ (১৮০ ফুট)। এৰিনাৰ কাষৰ পৰা ক্ৰমে ওপৰলৈকে গেলেৰিৰ দৰে দৰ্শকৰ আসনসমূহ বিস্তৃত। ক'ল'ছিয়ামত একেলগে ৫০ হাজাৰ দৰ্শক বহাৰ ব্যৱস্থা আছিল। বাহিৰৰ পৰা দেখিলে চাৰিমহলীয়া যেন লাগে যদিও ভিতৰত ই তিনিমহলীয়া।

বাহ্যিক সংযোগসম্পাদনা কৰক