গুলমাৰ্গ
গুলমাৰ্গ (ইংৰাজী: Gulmarg) ভাৰতৰ কেন্দ্ৰীয় শাসিত অঞ্চল জম্মু আৰু কাশ্মীৰত থকা এটা পাহাৰীয়া অঞ্চল। ইয়াৰ মূল নাম আছিল গৌৰীমাৰ্গ (Gaurimarg)। ১৬শ শতাব্দীত ইউচুফ শ্বাহে ইয়াৰ নাম সলাই গুলমাৰ্গ কৰে।[1][2][3] ইয়াৰ প্ৰাকৃতিক সৌন্দৰ্যৰ বাবে এই অঞ্চলটোক ভূ-স্বৰ্গ বোলা হয়। ভাৰতৰ প্ৰমুখ্য পৰ্যটন স্থলীসমূহৰ ভিতৰত গুলমাৰ্গ অন্যতম। গুলমাৰ্গ ফুলৰ প্ৰদেশ নামেৰে জনাজাত, ই বাৰামুলা জিলাত অৱস্থিত। সমুদ্ৰপৃষ্ঠৰপৰা ২,৭৩০ মিটাৰ উচ্চতাত অৱস্থিত গুলমাৰ্গলৈ শীতকালি পৃথিৱীৰ বিভিন্ন ঠাইৰপৰা বৃহৎ সংখ্যক পৰ্যটক আহে।[4][5][6][7]
গুলমাৰ্গ | |
|---|---|
 গুলমাৰ্গৰ দৃশ্য | |
 | |
| জিলা | বাৰামুলা জিলা |
| কেন্দ্ৰীয় শাসিত অঞ্চল | জম্মু আৰু কাশ্মীৰ |
| দেশ |  ভাৰত |
| জনসংখ্যা (২০১১) | |
• মুঠ |
১৯৬৫ |
ইতিহাস
সম্পাদনা কৰকইংৰাজসকলে তেওঁলোকৰ শাসনকালত ১৯২৭ চনত গুলমাৰ্গ স্থাপন কৰিছিল। গুলমাৰ্গৰ পুৰণি নাম গৌৰীমাৰ্গ (দেৱী অহা-যোৱা পথ) আছিল। ১৬শ শতিকাত চুলতান ইউচুফ শ্বাহে ইয়াৰ নাম সলাই গুলমাৰ্গ ৰাখে। আজি গুলমাৰ্গ কেৱল এটা পাহাৰীয়া অঞ্চলেই নহয়, বৰঞ্চ পৃথিৱীৰ সকলোতকৈ ডাঙৰ গ'ল্ফ ক'ৰ্চ আৰু দেশৰ মুখ্য 'স্কী ৰিজ'ৰ্ট'খন গুলমাৰ্গত আছে।
পৰ্যটন
সম্পাদনা কৰকগ'ল্ফ কৰ্চ
সম্পাদনা কৰকপৃথিৱীৰ সকলোতকৈ ডাঙৰ আৰু সেউজীয়া গ'ল্ফ ক'ৰ্চটোৱেই হ'ল গুলমাৰ্গৰ গ'ল্ফ ক'ৰ্চ। ইংৰাজসকল ইয়াত অৱসৰৰ সময় উপভোগ কৰিবলৈ আহিছিল। তেওঁলোকেই গ'ল্ফ ভালপোৱা লোকসকলৰ বাবে ১৯০৪ চনত ইয়াত গ'ল্ফ কৰ্চ স্থাপন কৰে। বৰ্তামান জম্মু আৰু কাশ্মীৰ পৰ্যটন বিভাগে ইয়াৰ চোৱা-চিতা কৰে।
স্কীইং
সম্পাদনা কৰকচিএনএনৰ মতে গুলমাৰ্গ হৈছে বিশ্বৰ সপ্তমটো শ্ৰেষ্ঠ স্কীইং ৰিজ'ৰ্ট।[8][9] ডিচেম্বৰ মাহত বৰফ পৰাৰ পাছত ইয়ালৈ বৃহৎ সংখ্যক পৰ্যটকৰ আগমণ ঘটে। ইয়াত স্কীইং কৰিবলৈ এঢলীয়া ঠাইত স্কীইং কৰাৰ অভিজ্ঞতা থাকিব লাগে। নতুনকৈ স্কী শিকা সকলৰ বাবেও ইয়াত সুবিধা আৰু অভিজ্ঞ প্ৰশিক্ষক আছে।
খিলন মাৰ্গ
সম্পাদনা কৰকখিলন মাৰ্গ হ'ল গুলমাৰ্গত থকা এডোখৰ ধুনীয়া ঠাই। ইয়াত ২১ বিধতকৈও অধিক প্ৰজাতিৰ বনৰীয়া ফুল পোৱা যায়। খিলন মাৰ্গৰপৰা বৰফেৰে ঢাক খাই থকা হিমালয় আৰু কাশ্মীৰৰ সুন্দৰ দৃশ্য উপভোগ কৰিব পাৰি।
অলপাথৰ সৰোবৰ
সম্পাদনা কৰকচিৰ আৰু দেৱদাৰু গছেৰে ঘেৰা এই সৰোবৰটো অফৰবাত শিখৰৰ তলত অৱস্থিত। জুন মাহৰ মাজভাগলৈকে এই সৰোবৰৰ পানী বৰফ হৈ থাকে।
যাত্ৰাপথ
সম্পাদনা কৰকবায়ু পথ
সম্পাদনা কৰকগুলমাৰ্গ, জম্মু আৰু কাশ্মীৰৰ নিকট বিমানবন্দৰটো হ'ল শ্ৰীনগৰ বিমানবন্দৰ। শ্ৰীনগৰ বিমানবন্দৰ দেশৰ সকলো মুখ্য নগৰৰ সৈতে সংযুক্ত। দিল্লীৰপৰা ইয়ালৈ নিয়মিত অহা-যোৱা চলে।
ৰেল পথ
সম্পাদনা কৰকগুলমাৰ্গৰ নিকটতম ৰেলৱে ষ্টেচনটো হ'ল জম্মু, ইয়ালৈ দেশৰ বিভিন্ন প্ৰান্তৰপৰা ৰেল চলে। এতিয়া নিকটতম ৰেলৱে ষ্টেচনটো হৈছে শ্ৰীনগৰ; যিটো সোনকালেই জম্মুৰ সৈতে যোগ কৰা হ'ব আৰু তাৰ পিছতেই দেশৰ অন্য নগৰবোৰৰ সৈতে যোগাযোগ সুচল হ'ব।
ৰাস্তাৰে
সম্পাদনা কৰকগুলমাৰ্গলৈ শ্ৰীনগৰৰপৰা পথেৰে যাব পাৰি। দেশৰ অন্যান্য ঠাইৰপৰা শ্ৰীনগৰলৈ বাছ চলে।
তথ্যসূত্ৰ
সম্পাদনা কৰক- ↑ "Kashmir, Volume 1, Page 206, 1950, .. Twenty-eight miles to the west of Srinagar, at a height of 8,700 feet above sea level, is Gulmarg, which has the appearance of a balcony. Originally called 'Gauri Marg' (the path of Gauri - Siva's wife), and later on christened 'Gaulmarg' by King Yousuf Shah Chak of the Chak family (16th century A.D.) ..
- ↑ "Historical Geography of Kashmir: Based on Arabic and Persian Sources from A.D. 800 to 1900," S. Maqbul Ahmad and Raja Bano, Page 177, 1984, .. He says that it used to be called Gauri Marg of the Meadow of Gauri, wife of Shiva ..
- ↑ "A Family Ski Adventure in the Himalayas". https://www.nytimes.com/2019/01/14/travel/a-family-ski-adventure-in-the-himalayas.html। আহৰণ কৰা হৈছে: 17 January 2019.
- ↑ "Jammu, Kashmir, Ladakh: Ringside Views," Onkar Kachru and Shyam Kaul, Atlantic Publishers, 1998, ISBN 9788185495514
- ↑ "District Census Handbook, Jammu & Kashmir Archived 2016-05-12 at the Wayback Machine," M. H. Kamili, Superintendent of Census Operations, Jammu and Kashmir, Government of India
- ↑ "Restoration of Panchayats in Jammu and Kashmir," Joya Roy (Editor), Institute of Social Sciences, New Delhi, India, 1999
- ↑ "Land Reforms in India: Computerisation of Land Records," Wajahat Habibullah and Manoj Ahuja (Editors), SAGE Publications, India, 2005, ISBN 9788132103493
- ↑ "Kashmir ski paradise beckons". CNN. http://articles.cnn.com/2004-02-23/travel/kashmir.ski_1_snowboarders-and-skiers-country-snowboarding-gulmarg?_s=PM:TRAVEL.
- ↑ "Gulmarg rated Asia's seventh best ski resort". Daily Bhaskar. http://daily.bhaskar.com/article/gulmarg-rated-asias-seventh-best-ski-resort-1588901.html.