গোলকীয় হাতধোৱা দিৱস

গোলকীয় হাত ধোৱা দিৱস বা বিশ্ব হাত ধোৱা দিৱস হৈছে বিশ্বব্যাপী ফলপ্ৰসূ ভাৱে হাত ধোৱাৰ অভ্যাস গঢ়ি তোলাৰ হেতু জনসাধাৰণক সচেতন কৰিবৰ বাবে চলা এক অভিযান। ২০১৮ চনৰ পৰা প্ৰত্যেক বছৰে ১৫ অক্টোবৰৰ দিনটো বিশ্বব্যাপী ‘গোলকীয় হাত ধোৱা দিৱস’ ৰূপে পালন কৰি অহা হৈছে। এই দিৱসটো ‘গ্ল’বেল হেণ্ড ৱাচিং পাৰ্টনাৰশ্বিপ’ৰ সৌজন্যত বিভিন্ন দল-সংগঠন, চৰকাৰ, বিভিন্ন আন্তৰ্জাতিক সংস্থা, এন জি অ’ৰ লগতে নানান ব্যক্তিগত কোম্পানী আদিৰ সহযোগত পালন কৰা হয়। বিশ্বব্যাপী চলা এই অভিযানে চাবোনৰে হাত ধোৱা যে বিভিন্ন ৰোগ প্ৰতিৰোধৰ এক মুখ্য উপায় সেই বিষয়ে সজাগতা সৃষ্টি কৰে। ইয়াৰ দ্বাৰা শ্বাস-প্ৰশ্বাস-সম্বন্ধীয় তথা আন্ত্ৰিক ৰোগৰ সম্ভাৱনা ২৫-৫০% পৰ্যন্ত কমাব পাৰি।

গোলকীয় হাত ধোৱা দিৱস
অসমৰ এখন স্কুলত গোলকীয় হাত ধোৱা দিৱস উদযাপন।
প্ৰকাৰ	আন্তৰ্জাতিক
তাৰিখ	১৫ অক্টোবৰ
উদযাপন	"আমাৰ হাত, আমাৰ ভৱিষ্যত!"
সম্পৰ্কিত	ঋতুস্ৰাৱ স্বাস্থ্য দিৱস
পৰৱৰ্তী তাৰিখ	প্ৰতিবছৰে একেটাই তাৰিখ
অৱধি	এদিন
সংঘটন	বাৰ্ষিক

লক্ষ্য

গোলকীয় হাত ধোৱা দিৱসৰ উল্লেখ্য লক্ষ্য সমূহ হৈছে:

• সকলো সমাজতে চাবোনেৰে হাত ধোৱা প্ৰক্ৰিয়াক এক সাধাৰণ অভ্যাসত পৰিণত কৰিবলৈ ইয়াক সমৰ্থন তথা লালন কৰা।
• প্ৰতিখন দেশতে হাত ধোৱা ব্যৱস্থাটোৰ প্ৰতি জনসাধাৰণৰ দৃষ্টি আকৰ্ষণ কৰা।
• চাবোনেৰে হাত ধোৱাৰ ফলপ্ৰসূতা সম্পৰ্কে জনতাৰ মাজত সজাগতা বৃদ্ধি কৰা।

উদযাপন

প্ৰতি বছৰে ২০০ মিলিয়ন লোকে বিশ্বজুৰি গোলকীয় হাত ধোৱা দিৱস উদযাপন কৰে।

ইতিহাস

গ্ল’বেল হেণ্ড ৱাচিং পাৰ্টনাৰশ্বিপ’ৰ সৌজন্যত বিভিন্ন দল-সংগঠন, চৰকাৰ, বিভিন্ন আন্তৰ্জাতিক সংস্থা, এন জি অ’ৰ লগতে নানান ব্যক্তিগত কোম্পানী আদিৰ সহযোগত বিশ্ব পানী সপ্তাহৰ লগত সংগতি ৰাখি ২০০৮চনত প্ৰথমবাৰৰ বাবে এই দিৱস চুইডেনত পালন কৰা হয। ৰাষ্ট্ৰসংঘৰ সাধাৰণ সভাই ১৫ অক্টোবৰ দিনটো গোলকীয় হাত ধোৱা দিৱস হিচাপে পালনৰ অনুমোদন জনায়। ইয়াৰোপৰি ২০০৮ বৰ্ষটো আছিল স্বচ্ছতাৰ আন্তৰ্জাতিক বৰ্ষ।

দিৱসৰ বিষয়বস্তু

• ২০২০ - প্ৰত্যেকৰে বাবে স্বাস্থ্যকৰ হাত
• ২০১৯ - সকলোৰে বাবে পৰিষ্কাৰ হাত।
• ২০১৮ - পৰিষ্কাৰ হাত - এক স্বাস্থ্য প্ৰণালী।
• ২০১৭ - আমাৰ হাত, আমাৰ ভৱিষ্যত।
• ২০১৬ - হাত ধোৱাক এক অভ্যাসত পৰিণত কৰক।
• ২০১৫ - স্বাস্থ্যৰ হেতু হাত ডাঙক।
• ২০১৪ - হাত পৰিষ্কাৰ কৰক, জীৱন বচাওক। এই বৰ্ষত গোলকীয় হাত ধোৱা দিৱসক ইবোলা ভাইৰাছৰ বিৰুদ্ধে যুঁজ দিয়াৰ এক সুযোগ হিচাপে উদযাপন কৰা হৈছিল।
• ২০১৩ - ক্ষমতা আপোনাৰ হাতত আছে।
• ২০১২ - মই এজন হাত ধোৱা অধিবক্তা।
• ২০১১ - হাত পৰিষ্কাৰ কৰক জীৱন বচাওক।
• ২০১০ - শিশু আৰু বিদ্যালয় সমূহ।
• ২০০৯ - জীবাণু নহয়, শব্দটি প্ৰচাৰ কৰক
• ২০০৮ - গোলকীয় হাত ধোৱা দিৱসৰ প্ৰাৰম্ভিক বৰ্ষটোৰ মূল লক্ষ্য আছিল বিদ্যালয়ৰ ছাত্ৰ-ছাত্ৰী সকল। সদস্য সকলে ৭০খনতকৈয়ো বেছি দেশত পাৰ্যমানে ছাত্ৰ-ছাত্ৰীৰ হাত চাবোনেৰে ধোৱাৰ প্ৰতিশ্ৰুতিৰ বাবে কাম কৰে। উক্ত বছৰটোতেই ক্ৰিকেট তাৰকা শচীন তেণ্ডুলকাৰ আৰু তেওঁৰ দলৰ ক্ৰিকেটাৰ সকলে উন্নত স্বাস্থ্য আৰু স্বাস্থ্যবিধিৰ হেতু প্ৰায় ১০০ মিলিয়ন ছাত্ৰ-ছাত্ৰীৰ সৈতে সংযুক্ত হৈ গোলকীয় হাত ধোৱা দিৱস উদযাপন কৰে।