টুইংকল খান্না

টুইংকল খান্না (ইংৰাজী: Twinkle Khanna; জন্ম-নাম: টিনা যতীন খান্না; জন্ম: ২৯ ডিচেম্বৰ, ১৯৭৩) এগৰাকী ভাৰতীয় লেখক, বাতৰি কাকতৰ স্তম্ভলেখক, ইণ্টেৰিঅ'ৰ ডিজাইনাৰ, চলচ্চিত্ৰ প্ৰযোজক আৰু হিন্দী চলচ্চিত্ৰ জগতৰ এগৰাকী অভিনেত্ৰী। ২০১৫ চনত, তেওঁৰ প্ৰথমখন নন-ফিকচন কিতাপ মিচেচ ফানিব’নচ্‌ প্ৰকাশ হয়। প্ৰকাশৰ পিছতে কিতাপখনে সৰ্বাধিক বিক্ৰীৰ অভিলেখ কৰেআৰু খান্না সেই বছৰৰ সৰ্বাধিক কিতাপ বিক্ৰী হোৱা মহিলা লেখকৰ তালিকাভুক্ত হয়।

টুইংকল খান্না
গ্ৰন্থ উন্মোচনী সভাত টুইংকল খান্না
জন্ম	টিনা যতীন খান্না ২৯ ডিচেম্বৰ, ১৯৭৩ (৫০ বছৰ) বম্বে, মহাৰাষ্ট্ৰ, ভাৰত
শিক্ষানুষ্ঠান	এন এম আই এছ, মুম্বাই
পেচা	লেখক স্তম্ভলেখক চলচ্চিত্ৰ প্ৰযোজক প্ৰাক্তন অভিনেত্ৰী
সক্ৰিয় হৈ থকা সময়	১৯৯৫-২০০১ অভিনেত্ৰী ২০০২ৰপৰা–বৰ্তমানলৈ ইণ্টেৰিঅ'ৰ ডিজাইনাৰ ২০১৫ৰপৰা–বৰ্তমানলৈ লেখক ২০১০ৰপৰা–বৰ্তমানলৈ চলচ্চিত্ৰ প্ৰযোজক
দাম্পত্যসঙ্গী	অক্ষয় কুমাৰ
সন্তান	দুজন
আত্মীয়-স্বজন	ৰাজেশ খান্না (পিতৃ) ডিম্পল কাপাডিয়া (মাতৃ) ৰিংকী খান্না (ভণী) চিম্পল কাপাডিয়া (খুড়ী)

তেওঁৰ দ্বিতীয় খন কিতাপ, দ্য লেজেণ্ড অৱ লক্ষ্মী প্ৰসাদ এখন চুটি গল্প সংকলন। ইয়াৰে এটা গল্প সামাজিক উদ্যোগী অৰুণাচলম মুৰুগানান্থমৰ ওপৰত আধাৰিত আছিল আৰু পিছত এই কাহিনীৰ ভিত্তিত ‘পেড-মেন’ শীৰ্ষক এখন চলচ্চিত্ৰ নিৰ্মাণ কৰা হয়। ঋতুস্ৰাৱ বিষয়ক প্ৰচলিত অন্ধবিশ্বাসমূহ ‘পেড-মেনে’ সুন্দৰকৈ সমাজৰ চকুত দাঙি ধৰিছিল আৰু এইসমূহৰ বিৰুদ্ধে সজাগতা সৃষ্টি কৰাত গুৰুত্বপূৰ্ণ ভূমিকা লৈছিল।চলচ্চিত্ৰখনে ৰাষ্ট্ৰীয় চলচ্চিত্ৰ বঁটা লাভ কৰিছিল আৰু ইয়াক খান্নাৰ প্ৰযোজনা গৃহ ‘মিচেচ ফানিব’নচ্‌ মুভিজ’ৰ অধীনত নিৰ্মাণ কৰা হৈছিল; যিটো ২০১৬ চনত স্থাপন কৰা হৈছিল।

‘নাইলচেন বুকস্কেন ইণ্ডিয়া’ৰ মতে, টুইংকল খান্নাৰ আটাইতকৈ শেহতীয়া কিতাপ আৰু প্ৰথমখন উপন্যাস পায়জামাচ আৰ ফৰগিভিং(২০১৮)য়ে তেওঁক ২০১৮ চনত ভাৰতত সৰ্বাধিক বিক্ৰী হোৱা মহিলা লেখক ৰূপে পৰিচিতি প্ৰদান কৰিছে। ২০১৯ চনত খান্নাই মহিলাসকলৰ বাবে দ্বিভাষিক ডিজিটেল মিডিয়া প্লেটফৰ্ম ‘টুইক ইণ্ডিয়া’ মুকলি কৰে।

পৰিয়াল আৰু শিক্ষা

১৯৭৪ চনৰ ২৯ ডিচেম্বৰ তাৰিখে মুম্বাইত টুইংকল খান্নাৰ জন্ম হয়। হিন্দী চলচ্চিত্ৰ জগতৰ প্ৰবীণ অভিনেতা ৰাজেশ খান্না আৰু ডিম্পল কাপাডিয়াৰ তেওঁ প্ৰথম সন্তান। তেওঁৰ ককাক চুন্নীভাই কাপাডিয়া এজন গুজৰাটী ব্যৱসায়ী আছিল আৰু তেওঁৰ দেউতাক ৰাজেশ খান্নাই পঞ্জাৱৰ অমৃতসৰৰ ৰেল ঠিকাদাৰৰ এটা পঞ্জাৱী ক্ষত্ৰী পৰিয়ালত জন্মগ্ৰহণ কৰিছিল। মাকৰ ফালৰপৰা টুইংকল এগৰাকী অভিনেত্ৰী আৰু পোছাক ডিজাইনাৰ চিম্পল কাপাডিয়াৰ ভতিজী যাক তেওঁ খুব ভালপায়। তেওঁৰ ভগ্নী ৰিংকী খান্না আৰু সম্পৰ্কীয় ভাতৃ কৰণ কাপাডিয়াইও চলচ্চিত্ৰত অভিনয় কৰে।

খান্নাই পঞ্চগনিৰ ‘নিউ এৰা হাই স্কুল’ আৰু ‘নাৰ্চি মনজী কলেজ অফ কমাৰ্চ এণ্ড ইকনমিক্স’ত পঢ়িছিল। দ্বাদশ শ্ৰেণী শেষ কৰাৰ পিছত, তেওঁ চাৰ্টাৰ্ড একাউণ্টেণ্ট হোৱাৰ আগ্ৰহেৰে প্ৰৱেশ পৰীক্ষা দিছিল যদিও তাৰ পৰিৱৰ্তে মাক দেউতাকৰ জোৰত চলচ্চিত্ৰ উদ্যোগত যোগদান কৰে।টুইংকল খান্নাই ১৯৯৫ চনত ৰাজকুমাৰ সন্তোষীৰ ৰোমাণ্টিক চিনেমা বৰসাতত ববি দেউলৰ বিপৰীতে পৰ্দাত আত্মপ্ৰকাশ কৰিছিল।

স্বীকৃতি

1. শ্ৰেষ্ঠা নৱাগতা অভিনেত্ৰীৰ ফিল্ম্ফেয়াৰ বঁটা (১৯৯৬) (মিচেচ ফানিব’নচ্‌)
2. আউটলুক চ'ছিয়েল মিডিয়া এৱাৰ্ড (২০১৬)
3. ক্ৰছ্বৰ্ড পপুলাৰ নন-ফিকচন এৱাৰ্ড (২০১৬)
4. ইণ্ডিয়া টুডে ৱুইমেন ৰাইটাৰ অৱ দ্য ইয়েৰ (২০১৭) (দ্য লেজেণ্ড অৱ লক্ষ্মী প্ৰসাদ)
5. বেংগালুৰু সাহিত্য উৎসৱত- পপুলাৰ চইজ এৱাৰ্ড (২০১৭) (দ্য লেজেণ্ড অৱ লক্ষ্মী প্ৰসাদ)
6. ৰাষ্ট্ৰীয় চলচ্চিত্ৰ বঁটা (সামাজিক সমস্যাৰ ওপৰত শ্ৰেষ্ঠ চলচ্চিত্ৰ) (পেড-মেন)
7. ক্ৰছ্বৰ্ড বুক এৱাৰ্ড (পপুলাৰ) কল্পসাহিত্যৰ বাবে (২০১৯) (পায়জামাচ আৰ ফৰগিভিং)