নুৰুল আমিন ষ্টেডিয়াম
নুৰুল আমিন ষ্টেডিয়াম (ইংৰাজী: Nurul Amin Stadium) বা Nowgong Sports Club Ground হৈছে অসমৰ নগাঁও জিলাত অৱস্থিত এখনি বহুমুখী ষ্টেডিয়াম৷ এইখন ষ্টেডিয়াম প্ৰধানকৈ ফুটবল, ক্ৰিকেট আৰু আন কিছুমান খেলৰ বাবে ব্যৱহাৰ কৰা হয়৷ প্ৰতি বছৰৰ আগষ্ট আৰু ছেপ্টেম্বৰ মাহত এইখন ষ্টেডিয়ামত প্ৰখ্যাত স্বাধীনতা দিৱস কাপ ফুটবল প্ৰতিযোগিতা আয়োজিত হয়৷ সেইখন প্ৰতিযোগিতাত ৰাষ্ট্ৰীয় পৰ্যায়ৰ ভালেকেইটা দলে যোগদান কৰে৷
| সম্পূৰ্ণ নাম | নুৰুল আমিন ষ্টেডিয়াম |
|---|---|
| পূৰ্বৰ নাম | নগাঁও স্পৰ্টছ ক্লাব গ্ৰাউণ্ড |
| স্থান | নগাঁও, অসম |
| স্বত্বাধিকাৰী | নগাঁও পৌৰ সভা |
| অপাৰেটৰ | নগাঁও পৌৰ সভা |
| আসন ক্ষমতা | ৫,০০০ |
| নিৰ্মাণ | |
| ভাঙিছে | ১৯৫৮ |
| স্থাপিত | ১৯৫৮ |
| ৱেবছাইট | |
| ক্ৰিকইনফ | |
ষ্টেডিয়ামখনত এতিয়ালৈ আঠখন ৰঞ্জি ট্ৰফীৰ খেল অনুষ্ঠিত হৈছে৷[1] খেলসমূহ ১৯৬৪ চনৰ পৰা ১৯৮৯ চনলৈকে অনুষ্ঠিত হৈছিল৷ ১৯৬৪ চনত অসমৰ ক্ৰিকেট দলটোৱে বিহাৰৰ বিৰুদ্ধে খেলিছিল৷[2] ১৯৮৯ চনৰ পৰা ষ্টেডিয়ামত প্ৰথম শ্ৰেণীৰ ক্ৰিকেট অনুষ্ঠিত হোৱা নাই৷[3]