ফণীন্দ্ৰ কুমাৰ দেৱচৌধুৰী

(ফনীন্দ্ৰ কুমাৰ দেৱচৌধুৰীৰ পৰা পুনঃনিৰ্দেশিত)

ফনীন্দ্ৰ কুমাৰ দেৱচৌধুৰী (১ জুলাই ১৯৫৪-) এজন অসমীয়া ঔপন্যাসিক, গল্পকাৰ আৰু প্ৰবন্ধকাৰ। 'প্ৰান্তিক'ৰ পাতত প্ৰকাশ পোৱা 'অনুৰাধাৰ দেশ' উপন্যাসৰ যোগেদি তেখেতে পাঠকৰ সমাদৰ লাভ কৰে।

চমু জীৱনীসম্পাদনা কৰক

ফনীন্দ্ৰ কুমাৰ দেৱচৌধুৰীৰ জন্ম হৈছিল পাটচাৰকুচিত, ১৯৫৪ চনৰ ১ জুলাই তাৰিখে। ১৯৭১ চনত তেখেত বৰপেটাৰ পাটচাৰকুচি বিদ্যাপীঠৰ পৰা গণিত আৰু পদাৰ্থ বিজ্ঞানত লেটাৰসহ উচ্চতৰ মাধ্যমিক পৰীক্ষাত উত্তীৰ্ণ হয়। বেনাৰস হিন্দু বিশ্ববিদ্যালয়ৰ পৰা এখেতে ১৯৭৬ চনত অভিযান্ত্ৰিকীৰ স্নাতক ডিগ্ৰী লাভ কৰে। ১৯৭৭ চনত তেখেতে অভিযান্ত্ৰিকীৰ স্নাতকোত্তৰ ডিগ্ৰীৰ অন্তিম পৰীক্ষা নিদিয়াকৈ ভাৰতীয় তেল নিগমত যোগদান কৰে। মাত্ৰ ডেৰ বছৰকাল অসমত কটোৱাৰ পিছত ১৯৭৯ চনত পাৰাদ্বীপ বন্দৰত চাকৰিৰ তাগিদাত যোগদান কৰে। সেই সময়চোৱাৰ অভিজ্ঞতাৰ ভিত্তিতে তেখেতে 'অনুৰাধাৰ দেশ' ৰচনা কৰে। বৰ্তমান তেখেত ভাৰতীয় তেল নিগম, দুলীয়াজানত কৰ্মৰত।

সাহিত্যিক জীৱনসম্পাদনা কৰক

প্ৰান্তিকৰ পাতত ধাৰাবাহিকভাৱে প্ৰকাশ পোৱা 'অনুৰাধাৰ দেশ' নামৰ উপন্যাসখনেৰে এখেতৰ সাহিত্যক জীৱন আৰম্ভ হয়। উপন্যাসখনে আশাতীত জনপ্ৰিয়তা লাভ কৰে। ইয়াৰ পিচত তেখেতৰ কেইবাখনো উপন্যাস, গল্প সংকলন আৰু প্ৰবন্ধ সংকলন প্ৰকাশ হয়। সেইবোৰৰ ভিতৰত গৰখীয়াৰ দেশ,সত্যানুসন্ধান, মোক পবিত্ৰ কৰা, গল্প লিখাৰ গল্প আদি উল্লেথযোগ্য।

তথ্য সমলসম্পাদনা কৰক