ফ্ৰেণ্ডলিব ফাৰ্ডিনাণ্ড ৰংগ

ফ্ৰেণ্ডলিব ফাৰ্ডিনাণ্ড ৰংগ (৮ ফেব্ৰুৱাৰী ১৭৯৪ - ২৫ মাৰ্চ ১৮৬৭) এগৰাকী জাৰ্মান বিশ্লেষণ ৰসায়ন বিজ্ঞানী। তেওঁ চকুৰ পিউপিলৰ বিস্তাৰণ চিনাক্ত কৰিছিল। ইয়াৰ লগতে তেওঁ বেলাডনা গছৰ ৰসৰ কাৰ্য, চাহ আৰু কফিত থকা কেফাইনৰ চিনাক্ত আৰু প্ৰবালৰ পৰা প্ৰথম এনিলিন ব্লু নামৰ নীলা ৰঞ্জক পদাৰ্থ নিষ্কাশন কৰিছিল।

ফ্ৰেণ্ডলিব ফাৰ্ডিনাণ্ড ৰংগ Friedlieb Ferdinand Runge
জন্ম	৮ ফেব্ৰুৱাৰী ১৭৯৪ হেমবাৰ্গ, জাৰ্মানী
মৃত্যু	২৫ মাৰ্চ, ১৮৬৭ (৭৩ বছৰ) অৰেইনবাৰ্গ, জাৰ্মানী
বাসস্থান	জাৰ্মানী
জাতীয়তা	জাৰ্মান
ক্ষেত্ৰ	বিশ্লেষণ ৰসায়ন
কৰ্মস্থান	বাৰ্লিন বিশ্ববিদ্যালয়, ব্ৰেচলাও বিশ্ববিদ্যালয়
শিক্ষানুষ্ঠান	জেনা বিশ্ববিদ্যালয়, বাৰ্লিন বিশ্ববিদ্যালয়
ডক্তৰেল পৰামৰ্শদাতা	জহান ব্লফগেং দবাৰেইন

প্ৰাৰম্ভিক জীৱন

ফ্ৰেণ্ডলিব ফাৰ্ডিনাণ্ড ৰংগৰ ১৭৯৪ চনৰ ৮ ফেব্ৰুৱাৰী তাৰিখে জাৰ্মানীৰ হেমবাৰ্গ চহৰত জন্ম হৈছিল। সৰুৰে পৰা তেওঁ ৰসায়নৰ বিভিন্ন অন্বেষণৰ প্ৰতি আকৰ্ষিত হৈছিল। এই সময়তে তেওঁ চকুৰ পিউপিলৰ বিস্তাৰণ চিনাক্ত কৰিছিল বেলাডনা গছৰ ৰসৰ কাৰ্য আৱিষ্কাৰ কৰিছিল।

কৰ্মজীৱন

১৮১৯ চনত তেওঁ নিজৰ আৱিষ্কাৰখিনি গথেক দেখুৱাইছিল। তেওঁ ফ্ৰেণ্ডলিব ফাৰ্ডিনাণ্ড ৰংগক কফিৰ বিশ্লেষণ কৰিবলৈ অনুপ্ৰাণিত কৰিছিল। তাৰ কিছু মাহৰ পিছত তেওঁ কেফাইন চিনাক্ত কৰিছিল।

ৰংগে জেনা আৰু বাৰ্লিনত ৰসায়ন বিজ্ঞান অধ্যয়ন কৰিছিল। তাত তেওঁ ডক্টৰেট ডিগ্ৰী লাভ কৰিছিল। তিনিবছৰ ইউৰোপৰ বিভিন্ন ঠাই ভ্ৰমণ কৰাৰ পিছত তেওঁ ১৮৩১ চনলৈ ব্ৰেচলাও বিশ্ববিদ্যালয়ত ৰসায়ন বিজ্ঞানৰ অধ্যাপনা কৰিছিল। তাৰ পিছত তেওঁ ১৮৫২ চনলৈ এখন ৰসায়ন কোম্পানীত কৰ্মৰত আছিল। তাৰ পোন্ধৰ বছৰ পিছত তেওঁ অৰেইনবাৰ্গ চহৰত মৃত্যু বৰণ কৰে।

আবিষ্কাৰ সমূহ

তেওঁ বিশ্লেষণ ৰসায়নৰ এজন অগ্ৰণী বিজ্ঞানী আছিল। তেওঁ কেফাইন চিনাক্ত কৰিছিল। তদুপৰি তেওঁ প্ৰথমবাৰৰ বাবে আলকেতেৰাৰ পৰা এলিনীন ব্লু নামৰ নীলা ৰঙৰ ৰঞ্জক নিষ্কাশন কৰিছিল। ইয়াৰ লগতে তেওঁ আলকেতেৰাৰ পৰা বহুতো বস্তু, পেপাৰ ক্ৰমেট'গ্ৰাফী, পাইৰল, চিন'লাইন, ফিনল, থাইমল আৰু এট্ৰপাইন আৱিষ্কাৰ কৰিছিল।

১৮৫৫ চনত তেওঁ পোনপ্ৰথমে লিছেগেং ৰিংছ আৱিষ্কাৰ কৰিছিল।

চিত্ৰ

• 
  বৈজ্ঞানিক আৱিষ্কাৰৰ বিৱৰণ
• 
  অৰেইনবাৰ্গত অৱস্থিত সমাধি
• 
  অৰেইনবাৰ্গৰ স্মৃতিক্ষেত্ৰ

বাহ্যিক সংযোগ

• ৱিকিমিডিয়া কমন্সত ফ্ৰেণ্ডলিব ফাৰ্ডিনাণ্ড ৰংগ সম্পৰ্কীয় মিডিয়া ফাইল।