ভেকুৰী তিতা

Solanum torvum
	ফুল আৰু গুটি সহ ভেকুৰী তিতা।
বৈজ্ঞানিক শ্ৰেণীবিভাজন
Unrecognized taxon (ঠিক কৰক):	Solanum
প্ৰজাতি:	S. torvum
দ্বৈৰাশিক নামকৰণ
	Solanum torvum; Sw.
সমাৰ্থক
	Solanum ferrugineum Jacq.; Solanum mayanum Lundell; Solanum verapazense Standl. & Steyerm.

ভেকুৰী তিতা(ইংৰাজী: Solanum torvum, the turkey berry, devil's fig, pea eggplant, platebrush আৰু susumber,^[2])বহল পাতেৰে এবিধ কাঁইটীয়া গুল্ম জাতীয় উদ্ভিদ। ভেকুৰী তিতা এবিধ বনৌষধি। ইয়াৰ ফলৰ সোৱাদ তিতা।

বৰ্ণনা

ভেকুৰী তিতাৰ গছ সাধাৰণতে ২ ৰে পৰা ৩ মিটাৰ পৰ্যন্ত ওখ হয়। গা-গছৰ তলৰ অংশটো গোলাকাৰে প্ৰায় ২ চেণ্টিমিটাৰ ব্যাসৰ। অৱশ্যে এই গছ ৫ মিটাৰ পৰ্যন্ত ওখ আৰু গা-গছৰ গুৰি অংশৰ ব্যাস ৮ চেণ্টিমিটাৰ পৰ্যন্ত হ'ব পাৰে। এই গুল্ম জাতীয় উদ্ভিদ জোপাৰ গুৰি অংশত এডাল মাত্ৰ কাণ্ডৰে আগ বাঢ়ি সামান্য ওপৰলৈ শাখা-প্ৰশাখাৰে জোপোহা হৈ পৰে। কাণ্ডৰ কাঠৰ বৰণ ধোঁৱা বৰণীয়া আৰু চাল অংশ প্ৰায় মসৃণ। এই গছৰ শিপাৰ বৰণ বগা আৰু ইয়াৰ গঠন দৃঢ় নহয়।

গুণাগুণ

ভেকুৰী এবিধ বনৌষধি। ইয়াৰ গুণাগুণ সমূহ:

ভেকুৰীৰ শিপা, জালুক আৰু নিমখ দি এমাহ দিন দিনে এবাৰকৈ ৰান্ধি খালে বহুদিনীয়া পিত্ত ৰোগ ভাল হয়।
পাথৰি ৰোগত ইয়াৰ শিপাৰ ৰস খাব লাগে।
টকৌৱে খোৱা ৰোগত ভেকুৰী তিতাৰ পাত খুন্দি মূৰত প্ৰলেপ দিলে সুফল পোৱা যায়।
দুষ্টবৰ্ণ (septic ulcer) , কুষ্ঠ, হাঁপানি ৰোগত ভেকুৰী সুপথ্য।
বমি ভাব বন্ধ কৰিবলৈ ভেকুৰী তিতাৰ ৰস খাব লাগে।