মাওলাইনং গাঁও

ভাৰতৰ এখন গাওঁ

মাওলাইনং এখন সৰু  কিন্তু আটকধুনীয়া পাহাৰীয়া গাঁও।[1] ভাৰতবৰ্ষমেঘালয় ৰাজ্যৰ পূৱ খাচী হিলচ ত অৱস্থিত এই গাঁৱৰ বৈশিষ্ট্য এয়ে যে, এইখন এচিয়া মহাদেশৰ সবাতোকৈ পৰিস্কাৰ গাঁও[2] খাচীয়া সম্প্ৰদায়ৰ এই গাঁওখনৰ সমাজ মাতৃপ্ৰধান।[3] এই গাঁওখন পাইনুৰ্চলা সাম্প্ৰদায়িক বিকাশ কেন্দ্ৰ আৰু পাইনুৰ্চলা বিধান সভাৰ অন্তৰ্গত।[4]

মাওলাইনং
—  গাঁও  —
মাওলাইনং is located in India
মাওলাইনং
ভৌগোলিক স্থানাংক: 25°11′59″N 91°55′54″E / 25.19972°N 91.93167°E / 25.19972; 91.93167স্থানাংক: 25°11′59″N 91°55′54″E / 25.19972°N 91.93167°E / 25.19972; 91.93167
দেশ  ভাৰত
ৰাজ্য মেঘালয়
জিলা পূৱ খাচী হিলচ
ব্লক পাইনুৰ্চলা
জনসংখ্যা (২০১৫)
 - মুঠ ৫০০ জন
সময় অঞ্চল IST (গ্ৰী.মা.স.+5:30)

ভৌগোলিক স্থিতিসম্পাদনা কৰক

ভৌগোলিক স্থিতি ২৫°১১'৫৯"উ আৰু ৯১°৫৫'৫৪"পূ মাওলাইনং শ্বিলংৰ পৰা ভাৰত বাংলাদেশ সীমান্তৰ দিশত ৯০ কি.মি দূৰত্বত অৱস্থিত ।[5]

জনসংখ্যাসম্পাদনা কৰক

২০১৫ চনৰ লোকপিয়ল অনুসৰি গাঁওখনৰ মুঠ জনসংখ্যা ৫০০জন,[6] আৰু ইয়াত মুঠ ৯৫ টা পৰিয়াল আছে ।[7] স্বাক্ষৰতাৰ হাৰ ১০০% ।[8]

বৃত্তিসম্পাদনা কৰক

গাঁওখনিৰ উৰ্পাজনৰ প্ৰধান উৎস হৈছে কৃষি ৷ অসমৰ দৰেই ইয়াত তামোল গছৰ পৰিমাণ বেছি সেয়ে চুপাৰীৰ ব্যৱসায় দেখা যায়।[8] পৰ্যটনৰ দিশৰ পৰাও কম পৰিমাণে হ'লেও লাভাৱান্বিত হয়।

মাতৃপ্ৰধান সমাজসম্পাদনা কৰক

খাচী সম্প্ৰদায়ৰ পৰম্পৰা অনুসৰি এই সমাজৰ সন্তানে জন্মসূত্ৰে মাতৃৰ উপাধি লাভ কৰে। উত্তৰাধিকাৰী সূত্ৰেও পৰিয়ালৰ জেষ্ঠা কন্যাই হে সা-সম্পত্তি লাভ কৰে।[9]

পৰিস্কাৰ পৰিচন্নতাসম্পাদনা কৰক

পৰিস্কাৰ পৰিচন্নতাৰ বাবেই মাওলাইনং আজি পৃথিৱী বিখ্যাত।[10] চাফ চিকুণতা বজাই ৰখাত শিশুৰ পৰা বৃদ্ধলৈ কোনোৱেই কৃপণালী নকৰে। এক নিৰ্দ্দিষ্ট দূৰত্বৰ আৰেঁ আৰেঁ থকা  বাহঁৰ ডাষ্টবিনত পেলনীয়া সামগ্ৰী নিক্ষেপ কৰে। গাঁওখন ২০০৩ চনত এচিয়াৰ আৰু ২০০৫ চনত ভাৰতৰ সবাতোকৈ পৰিষ্কাৰ গাঁও হিচপে বিবেচিত হৈছে।[8]

পৰ্যটন কেন্দ্ৰসম্পাদনা কৰক

প্ৰকৃতিয়ে গাঁও খনক পৰ্যটনৰো সুবিধা কৰি দিছে। ইয়াৰে দাতিকাষৰীয়া ৰিৱাই অঞ্চলত লিভিং ৰুট ব্ৰিডজ (living root bridge) আছে, যি, প্ৰাকৃতিক শৈলীৰ গছৰ শিপাৰ দলং। ইয়াত ৮৫ ফুট ওখ বাহৰ চাং আছে য'ৰ পৰা বাংলাদেশৰ সমভূমি দৃষ্টিগোচৰ হয় (sky view point)। এনেধৰণৰ পৰ্যটন স্থলীবোৰে ক্ৰমশঃ গাঁওখনৰ গুৰুত্বতা বৃদ্ধি কৰিছে ।

তথ্য সংগ্ৰহসম্পাদনা কৰক