মিতালী মধুমিতা
মিতালী মধুমিতা (ইংৰাজী: Mitali Madhumita) ভাৰতীয় সেনাৰ প্ৰথমগৰাকী মহিলা বিষয়া যিয়ে বীৰত্ব বঁটা(gallantry award) লাভ কৰিছে।[1] ২০১০ চনৰ ২৬ ফেব্ৰুৱাৰীত আফগানিস্তানৰ কাবুলত সন্ত্ৰাসবাদীয়ে ভাৰতীয় দূতাবাসত আক্ৰমণ কৰাৰ সময়ত[2] আৰু জম্মু-কাশ্মীৰ[1] আৰু উত্তৰ-পূবত চলোৱা অভিযানৰ সময়ত দেখুওৱা দৃষ্টান্তমূলক সাহসৰ বাবে লেফটেনেণ্ট কৰ্ণেল মিতালি মধুমিতাই ২০১১ চনত[2] সেনা পদক (Sena Medal) লাভ কৰিছিল।[3] লেফটেনেণ্ট কৰ্ণেল মধুমিতাই[4] আক্ৰমণৰ বলি হোৱা ভাৰতীয় দূতাবাসত সোমাই কেইবাজনো আহত সাধাৰণ নাগৰিক আৰু সেনা জোৱানক ধ্বংসাৱশেষৰ পৰা উদ্ধাৰ কৰে। ২০১০ চনত কাবুল দূতাবাসৰ আক্ৰমণত ৭ জন ভাৰতীয়কে ধৰি প্ৰায় ঊনৈশজন লোকৰ মৃত্যু হৈছিল।
| মিতালী মধুমিতা Mitali Madhumita | |
|---|---|
| আনুগত্য | ভাৰত |
| চাকৰি/শাখা | ভাৰতীয় সেনা |
| পদমৰ্যদা | কৰ্ণেল |
| নেতৃত্বসমূহ | সেনা শিক্ষা বাহিনী, ভাৰত, কাবুল, আফগানিস্তান ২০১০–২০১১ |
| পুৰস্কাৰ | সেনা পদক |
সেনাবাহিনীৰ কেৰিয়াৰ আৰু সেনাবাহিনীত থাকিবলৈ আইনী যুঁজ
সম্পাদনা কৰক২০০০ চনত মধুমিতাই সেনাবাহিনীৰ চুটি সেৱা আয়োগত (Short Service Commission) যোগদান কৰে।[5] মধুমিতা সেনাবাহিনীৰ শিক্ষা বাহিনীৰ অংশ আছিল আৰু সেনাবাহিনীৰ ইংৰাজী ভাষা প্ৰশিক্ষণ কাৰ্যসূচীৰ অংশ হিচাপে আফগানিস্তানৰ কাবুলত সেৱা আগবঢ়াইছিল। জম্মু-কাশ্মীৰ আৰু ভাৰতীয় ৰাজ্যখনৰ উত্তৰ-পূবৰ দৰে স্পৰ্শকাতৰ অঞ্চলতো মধুমিতা নিয়োজিত আছিল।[6] মধুমিতাই SSCৰ বিষয়া হোৱাৰ বাবে সেনাক স্থায়ী আয়োগৰ বাবে অনুৰোধ কৰিছিল যদিও প্ৰতিৰক্ষা মন্ত্ৰালয়ে তেওঁৰ অনুৰোধ গ্ৰহণ কৰিবলৈ অস্বীকাৰ কৰিছিল। মধুমিতাই ২০১৪ চনৰ মাৰ্চ মাহত সশস্ত্ৰ বাহিনীৰ ন্যায়াধিকৰণৰ সন্মুখত তেওঁক স্থায়ী আয়োগ নিদিয়াৰ প্ৰতিৰক্ষা মন্ত্ৰালয়ৰ সিদ্ধান্তৰ বিৰুদ্ধে আবেদন জনায়।[7] ন্যায়াধিকৰণে তেওঁৰ অনুৰোধৰ যোগ্যতা থকা বুলি বিবেচনা কৰে আৰু ২০১৫ চনৰ ফেব্ৰুৱাৰী মাহত প্ৰতিৰক্ষা মন্ত্ৰালয়ক তেওঁক পুনৰ নিযুক্তি দিবলৈ নিৰ্দেশ দিয়ে।[7] কিন্তু প্ৰতিৰক্ষা মন্ত্ৰালয়ে ভাৰতৰ উচ্চতম ন্যায়ালয়ত সশস্ত্ৰ বাহিনীৰ ন্যায়াধিকৰণৰ নিৰ্দেশৰ বিৰুদ্ধে আবেদন জনায় যে মধুমিতাই SSCৰ সেনাবাহিনীত নামভৰ্তি কৰিছিল।[7] ২০১৬ চনত ভাৰতৰ উচ্চতম ন্যায়ালয়ে প্ৰতিৰক্ষা মন্ত্ৰালয়ে তেওঁক ভাৰতীয় সেনাবাহিনীত স্থায়ী আয়োগ প্ৰদান কৰাৰ বিৰুদ্ধে কৰা আবেদন নাকচ কৰে।[7] বৰ্তমান মধুমিতাক ছত্তীশগড়ৰ ‘সৈনিক স্কুল অম্বিকাপুৰ’ৰ অধ্যক্ষ হিচাপে নিযুক্তি দিয়া হৈছে।
তথ্যসূত্ৰ
সম্পাদনা কৰক- ↑ 1.0 1.1 "Sena Medal for female Army officer". thehindu.com. http://www.thehindu.com/todays-paper/tp-national/In-a-first-Sena-Medal-for-female-Army-officer/article15459119.ece। আহৰণ কৰা হৈছে: 2017-07-13.
- ↑ 2.0 2.1 "Only army woman to win gallantry award fights to stay in the force". Hindustan Times. http://www.hindustantimes.com/india/only-army-woman-to-win-gallantry-award-fights-to-stay-in-the-force/story-0DQwEjE0Ga7vs5yBE8yinI.html। আহৰণ কৰা হৈছে: 2017-07-13.
- ↑ "Lt Col Mithali to remain in service". tribuneindia.com. Archived from the original on 2018-09-19. https://web.archive.org/web/20180919002645/https://www.tribuneindia.com/news/nation/lt-col-mithali-to-remain-in-service/146647.html। আহৰণ কৰা হৈছে: 2017-07-15.
- ↑ "First woman officer to get Sena medal". timesofindia.indiatimes.com. http://timesofindia.indiatimes.com/india/Ist-woman-officer-to-get-Sena-medal/articleshow/7578457.cms। আহৰণ কৰা হৈছে: 2017-07-13.
- ↑ "short service commission". indiatoday.intoday.in. http://indiatoday.intoday.in/story/mitali-madhumita-supreme-court-gallantry-award-indian-army-permanent-commission/1/823861.html। আহৰণ কৰা হৈছে: 2017-07-13.
- ↑ "served in Kabul, Afghanistan". archive.indianexpress.com. http://archive.indianexpress.com/news/in-a-first-woman-officer-gets--award-for-bravery-overseas/660739/। আহৰণ কৰা হৈছে: 2017-07-13.
- ↑ 7.0 7.1 7.2 "Supreme Court seeks Centre's response on Lt Col Mitali Madhumita's plea". economictimes.indiatimes.com. http://economictimes.indiatimes.com/news/politics-and-nation/supreme-court-seeks-centres-response-on-lt-col-mitali-madhumitas-plea/articleshow/48760506.cms। আহৰণ কৰা হৈছে: 2017-07-15.