লক্ষীমপুৰ সাহিত্য সভা
লক্ষীমপুৰ সাহিত্য সভা উত্তৰ লক্ষীমপুৰ সাহিত্য সভা নামেৰে অসম সাহিত্য সভা প্ৰতিষ্ঠা হোৱাৰ পূৰ্বে অৰ্থাৎ ১৯১২ চনত গঠিত হয় । ইয়াৰ প্ৰতিস্থাপক সভাপতি আছিল নীলকণ্ঠ গোহাঞিবৰুৱা আৰু সম্পাদক আছিল ডম্বৰুধৰ গগৈ৷[1] পিছত ই “লক্ষীমপুৰ জিলা সাহিত্য সভা’’ নামেৰে পৰিচিত হয়৷ তেতিয়াৰ পৰা অসম সাহিত্য সভাৰ দ্বিতীয় স্তৰৰ শাখা হিচাপে প্ৰায় ৪৫টা শাখাৰে লক্ষীমপুৰ জিলা সাহিত্য সভাই কাম কৰি আছে৷
ইতিবৃত্ত সম্পাদনা কৰক
অসম সাহিত্য সভা গঠন হোৱাৰ পূৰ্বে ১৯১২ চনতেই [পদ্মনাথ গোহাঞিবৰুৱা]]ৰ ভাতৃ নীলকণ্ঠ গোহাঞিবৰুৱা, পানীন্দ্ৰ গগৈ, ডম্বৰুধৰ গগৈৰ আদিৰ নেতৃত্বত “উত্তৰ লক্ষীমপুৰ সাহিত্য সভা’’ গঠিত হৈছিল৷ নীলকণ্ঠ গোহাঞিবৰুৱা আছিল প্ৰতিষ্ঠাপক সভাপতি৷ তেওঁৰ পিছত এই দায়িত্ব বহন কৰিছিল, সৰ্বেশ্বৰ বৰুৱা৷ তাৰপিছত, ১৯১৭ চনত অসম সাহিত্য সভা গঠিত হয়৷ প্ৰথমাৱস্থাত অসম সাহিত্য সভা দুতৰপীয়া আছিল৷ পিছত ই তিনিতৰপীয়া অৰ্থাৎ শাখা, জিলা আৰু কেন্দ্ৰীয় এনেকুৱা স্তৰৰ হৈছেগৈ৷ ১৯৮২ চনত লক্ষীমপুৰ জিলা সাহিত্য পৰিষদ গঠন কৰা হয়৷ ১৯৮৪-৮৫ চনত পৰিষদৰ ঠাইত সভা নামেৰে নামকৰণ কৰাৰ সিদ্ধান্ত কৰি “লক্ষীমপুৰ জিলা সাহিত্য সভা’’ কৰা হয়৷ তেতিয়াৰে পৰা লক্ষীমপুৰ জিলা সাহিত্য সভাৰ সভাপতিসকল আছিল:[1]
উত্তৰ লক্ষীমপুৰ সাহিত্য সভা সম্পাদনা কৰকনীলকণ্ঠ গোহাঞিবৰুৱাই ১৯১২ চনৰ পৰা ১৯৪১ চনলৈ উত্তৰ লক্ষীমপুৰ সাহিত্য সভাৰ প্ৰতিষ্ঠাপক সভাপতি হিচাপে কাৰ্যনিৰ্বাহ কৰিছিল৷ তেখেতৰ কাৰ্যকালত দুজন সম্পাদক ক্ৰমে ডম্বৰুধৰ গগৈ আৰু আনন্দৰাম হাজৰিকা৷ দ্বিতীয়জন সভাপতি আছিল, সৰ্বেশ্বৰ বৰুৱা৷ এওঁৰ কাৰ্যকালত চাৰিজন বিশিষ্ট ব্যক্তিয়ে সম্পাদকৰ দায়িত্ব বহন কৰিছিল; বিশ্বনাৰায়ণ শাস্ত্ৰী, যোগানন্দ বৰগোঁহাই, মহেন্দ্ৰ সভাপণ্ডিত আৰু ললিত চন্দ্ৰ বৰুৱাই৷ সৰ্বেশ্বৰ বৰুৱাৰ পিছত, চিৰাজুল হক বৰুৱা, যোগানন্দ বৰগোঁহাই, হেমকান্ত ভট্টাচাৰ্য, লীলাকান্ত দেউৰী ভঁৰালী, হেমচন্দ্ৰ শইকীয়া, দীপাঞ্জলী দত্ত আদিয়ে “উত্তৰ লক্ষীমপুৰ সাহিত্য সভা’’ৰ নেতৃত্ব বহন কৰে৷[2] তথ্য সূত্ৰ সম্পাদনা কৰক |