শিশু কবিতা
শিশু কবিতা (ইংৰাজী: Children's poetry) হৈছে শিশুৰ বাবে লিখা কবিতা।
প্ৰাথমিক মৌখিক পৰম্পৰা, লোককবিতা, নাৰ্চাৰী ৰাইম আদিত শিপাই থকা শিশু কবিতা অন্যতম পুৰণি কলা। শিশুৰ বাবে লিখা কবিতা আৰু প্ৰাপ্তবয়স্কৰ বাবে নিৰ্ধাৰিত কবিতা দুয়োটাকে শিশুৱে সদায় উপভোগ কৰি আহিছে। পশ্চিমীয়া দেশত শৈশৱৰ প্ৰতি মানুহৰ ধাৰণা সলনি হোৱাৰ লগে লগে শিশুৰ কবিতা শিক্ষাৰ আহিলা হোৱাৰ পৰা মনোৰঞ্জনৰ এক প্ৰকাৰলৈ স্থানান্তৰিত হ’ল।[1]
কবিতাৰ দ্বাৰা শিশুক গঢ় দিয়াৰ প্ৰথম আভাস লক্ষ্য কৰিছিল প্ৰখ্যাত সংকলনবিদ আৰু সাহিত্যিক ইতিহাসবিদ দ্য অপিছে। তেওঁ দেখিলে যে অষ্টাদশ শতিকাৰ মাজভাগৰ আগতে উৎসাহজনক বাক্যাংশৰ বাহিৰে শিশুৰ বাবে বেছি লিখা নাছিল। ১৮ শতিকাৰ বেলাডে শিশু কবিতাৰ আধুনিক ধাৰা আৰম্ভ কৰিছিল।
আজি বহু কবি (যেনে: ড° ছিউছ, শ্বেল ছিলভাৰষ্টেইন, জেক প্ৰেলুটস্কি) মূলতঃ শিশুক লক্ষ্য কৰি কৰা কামৰ বাবে পৰিচিত; মূলতঃ প্ৰাপ্তবয়স্কৰ বাবে লিখা বহুতো কবি (যেনে: অগডেন নেছ আৰু ৰবাৰ্ট ফ্ৰষ্ট) প্ৰিয় শিশু কবিতাৰ বাবেও পৰিচিত।
গীত আৰু লোককথা নৱ-প্ৰজন্মলৈ বিয়পি পৰাৰ লগে লগে সমগ্ৰ বিশ্বৰ মৌখিক পৰম্পৰাত কবিতা সাৰ্বজনীন।[2] শিশু কবিতাৰ আটাইতকৈ পুৰণি ৰচনাসমূহ, যেনে: জুলু ইমিলোলোজেলো সাংস্কৃতিক মৌখিক পৰম্পৰাৰ অংশ।[2]
চীনত চলনশীল প্ৰকাৰৰ আৱিষ্কাৰৰ লগে লগে টাং বংশক চীনা কবিতাৰ সোণালী যুগ বুলি জনা যায়।[3] কিছুমান কবিয়ে শিশুৰ বাবে বিশেষভাৱে কবিতা লিখিবলৈ বাছি লৈছিল, প্ৰায়ে নৈতিক পাঠ শিকোৱাৰ বাবে। সেই যুগৰ বহুতো কবিতা, যেনে: "Toiling Farmers" আজিও শিশুক শিকোৱা হয়।[3]
ইউৰোপত ছপাশাল আৱিষ্কাৰৰ আগতে লিখিত কবিতা অস্বাভাৱিক আছিল।[4] প্ৰায়বোৰ শিশু কবিতা এতিয়াও মৌখিক পৰম্পৰাৰ জৰিয়তে প্ৰচাৰ হৈছিল। কিন্তু কিছুমান ধনী শিশুৱে ছন্দত লিখা হাতেৰে বনোৱা পাঠ্যপুথি লাভ কৰিবলৈ সক্ষম হৈছিল।[1]
ছপাশালৰ আৱিষ্কাৰৰ লগে লগে ইউৰোপীয় সাহিত্যৰ বিস্তাৰ ঘটে।[4] শিশুৰ বাবে পুৰণি ছপা কবিতা প্ৰায় সকলো শিক্ষামূলক প্ৰকৃতিৰ। পোন্ধৰ আৰু ষোড়শ শতিকাত শিশুক লক্ষ্য কৰি লিখা সৌজন্যমূলক কিতাপে তেওঁলোকক ভাল আচাৰ-ব্যৱহাৰ আৰু উপযুক্ত আচৰণ শিকাবলৈ চেষ্টা কৰিছিল।[1] ১৪৮৭ চনত প্ৰকাশিত লেছ কন্টেনেন্স দে লা টেবুল হৈছে এটা ফৰাচী উদাহৰণ;[1] বেবীজ ব'ক আৰু কুইন এলিজাবেথ একাডেমী (১৫০০ চনত ছপা কৰা হৈছে) দুয়োটা ইংৰাজী উদাহৰণ।[5]
নিউ ৱৰ্ল্ডত ছপা হোৱা প্ৰথম শিশুৰ কিতাপখন আছিল জন কটনৰ মিল্ক ফৰ বেবছ, ড্ৰ'ন আউট অৱ দ্য ব্ৰেষ্টছ অৱ বথ টেষ্টামেণ্টছ, চিফলি ফৰ দ্য স্পিৰিচুৱেল নুৰিচমেণ্ট অৱ বষ্টন বেবছ।[6] ১৬৪৬ চনত প্ৰকাশিত এইখন শিশুৰ পিউৰিটান কেটেচিজম আছিল। [6] প্ৰথম সংস্কৰণটো পদ্যত নাথাকিলেও পিছৰ সংস্কৰণসমূহ পুনৰ লিখি আমেৰিকাৰ পুৰণি শিশু কবিতালৈ পৰিণত কৰা হয়।[1]
প্ৰাথমিক শিশু কবিতাৰ আন এটা উল্লেখযোগ্য গ্ৰন্থ হৈছে জন বুনিয়ানৰ এ বুক ফৰ বয়ছ এণ্ড গাৰ্লছ, প্ৰথম প্ৰকাশিত ১৬৮৬ চনত আৰু পিছলৈ সংক্ষিপ্ত কৰি পুনৰ প্ৰকাশ কৰা হয় ডিভাইন এম্বেলমছ।[1] ইয়াত সাধাৰণ, প্ৰতিটো ছন্দত খ্ৰীষ্টান নৈতিকতাৰে লিখা, দৈনন্দিন বিষয়ৰ চুটি কবিতা আছে[5]
তথ্যসূত্ৰ
সম্পাদনা কৰক- ↑ 1.0 1.1 1.2 1.3 1.4 1.5 Dixon, Ann (20 July 2007). "Poetry in children's literature: development of a genre". Library Student Journal. ISSN 1931-6100. https://www.librarystudentjournal.org/index-php/lsj/article/viewArticle/22/11/। আহৰণ কৰা হৈছে: 10 August 2021.
- ↑ 2.0 2.1 Ntuli, Cynthia Danisile Daphne (20 December 2013). "Children's oral poetry: A reflection on the role of Imilolozelo (lullabies) as Art Performance in Zulu". Muziki. 10 (sup1): 13–23. doi:10.1080/18125980.2013.852739. ISSN 1812-5980. S2CID 192177851. Retrieved 10 August 2021.
- ↑ 3.0 3.1 "The Evolution of Children's Stories". www.mykabook.com. Retrieved 10 August 2021.
- ↑ 4.0 4.1 Adcock, Joshua. "Publishing Shakespeare: A History of the Printing Press.".
- ↑ 5.0 5.1 Ward, Adolphus William; Trent, William Peterfield (1907–21). The Cambridge History of English and American Literature: An Encyclopedia in Eighteen Volumes, Volume 11 (bartleby.com ed.). ISBN 1-58734-073-9. Retrieved 10 August 2021.
- ↑ 6.0 6.1 Cotton, John, BD; Royster, Paul (1646). Milk for Babes. Drawn Out of the Breasts of Both Testaments. Chiefly, for the Spirituall Nourishment of Chiefly, for the Spirituall Nourishment of BostonBoston Babes in Either Babes in Either EnglandEngland: But May Be of Like Use for Any Children (1646) : But May Be of Like Use for Any Children. University of Nebraska-Lincoln. Retrieved 10 August 2021.