হৰ্জৰবৰ্মন

হৰ্জৰবৰ্মন অসমত ৰাজত্ব কৰা শালস্তম্ভ বংশৰ পঞ্চম জন ৰজা৷ তেওঁৰ পিতৃ প্ৰালম্ভ আৰু মাতৃ জীৱদা বা জীয়দা৷ তেওঁ ৮২০ খ্ৰীষ্টাব্দৰ পৰা ৮৩৫ খ্ৰীষ্টাব্দলৈ ৰাজত্ব কৰিছিল বুলি জনা যায়৷

উল্লেখযোগ্য কাম

হৰ্জৰ বৰ্মন এগৰাকী পৰোপকাৰী আৰু দানশীল ৰজা আছিল বুলি জনা যায়৷ তেওঁ ৰাজত্বকালত দাতিকাষৰীয়া সৰু ৰাজ্যসমূহ অধিকাৰ কৰি ’মহাৰাজাধিৰাজ পৰমেশ্বৰ পৰমৰ’ উপাধি লৈছিল৷ হৰ্জৰ বৰ্মনৰ সময়ৰ পৰা হাৰুপ্পেশ্বৰ (বৰ্তমানৰ তেজপুৰ) শালস্তম্ভ বংশৰ ৰজাসকলৰ ৰাজধানী হয়৷ এই ৰাজধানী নগৰ পূবে বামুনি পাহাৰৰ পৰা পশ্চিমে দ-পৰ্বতীয়ালৈকে বিস্তৃত আছিল৷

হৰ্জৰ বৰ্মনে তেওঁৰ শাসন কালতে এটা বৃহৎ আকাৰৰ পুখুৰী খন্দাইছিল যিটো বৰ্তমান হৰ্জৰা পুখুৰী বুলি জনা যায়৷