ৰেম ৰাষ্ট্ৰীয় উদ্যান
ৰেম ৰাষ্ট্ৰীয় উদ্যান (ইংৰাজী: Ream National Park)ক আনুষ্ঠানিকভাৱে প্ৰিয়া চিহানুক ৰেম ৰাষ্ট্ৰীয় উদ্যান নামেৰে জনা যায়। দক্ষিণ-পশ্চিম কম্বোডিয়া চিহানুকভিল প্ৰদেশৰ চিহানোকভিল পৌৰসভাৰ অন্তৰ্গত চিহানৌকভিল চহৰৰ পৰা ১৮ কিলোমিটাৰ (১১ মাইল) দূৰৈত এই ৰাষ্ট্ৰীয় উদ্যান অৱস্থিত। ১৯৯৩ চনত কম্বোডিয়া চৰকাৰে দেশখনৰ সংকটাপন্ন প্ৰাকৃতিক সম্পদৰ সুৰক্ষাৰ বাবে পদক্ষেপ ল'বলৈ আৰম্ভ কৰাৰ সময়তে ইয়াক প্ৰতিষ্ঠা কৰা হৈছিল। ৰাষ্ট্ৰীয় উদ্যানখনৰ জৈৱিক মূল্য ইয়াৰ নদী, অৰণ্য, জলাহভূমি, মোহনা, সমুদ্ৰতীৰ, প্ৰবাল প্ৰাচীৰ, বন্যপ্ৰাণী আৰু সামুদ্ৰিক জীৱনৰ সংমিশ্ৰণৰ দ্বাৰা নিৰ্ধাৰিত কৰা হয়।
| ৰেম ৰাষ্ট্ৰীয় উদ্যান | |
|---|---|
| প্ৰিয়া চিহানুক ৰেম ৰাষ্ট্ৰীয় উদ্যান | |
আই.ইউ.চি.এন শ্ৰেণী II (ৰাষ্ট্ৰীয় উদ্যান) | |
 | |
| কম্বোডিয়াত উদ্যানৰ স্থান | |
| অৱস্থান | কম্বোডিয়া |
| নিকটতম চহৰ | চিহানুকভিল |
| মাটিকালি | 146.76 বৰ্গ কি.মি. (56.66 বৰ্গ মাইল)[1] |
| প্ৰতিস্থা | ১৯৯৩ |
| কৰ্তৃপক্ষ | পৰিৱেশ মন্ত্ৰালয়, বিভাগ খ |
| ৱেবছাইট | www |
ভূগোল
সম্পাদনা কৰক
ৰেম ৰাষ্ট্ৰীয় উদ্যান থাইলেণ্ড উপসাগৰৰ সীমান্তৱৰ্তী চিহানুকভিল প্ৰদেশৰ প্ৰেই ন'ব জিলাৰ দক্ষিণ-পূব অংশত গঠন কৰা হৈছিল। উদ্যানখনে ২১০ বৰ্গকিলোমিটাৰ (৮১ বৰ্গ মাইল) ঠাই আগুৰি আছে। ইয়াৰে ১৫০ বৰ্গকিলোমিটাৰ (৫৮ বৰ্গ মাইল) স্থল আৰু ৬০ বৰ্গকিলোমিটাৰ (২৩ বৰ্গ মাইল) সামুদ্ৰিক বাসস্থানত বিভক্ত কৰা হৈছে। উদ্যানখনৰ ভূ-প্ৰকৃতি পাহাৰীয়া আৰু ইয়াত মেনগ্ৰ'ভ বনাঞ্চল, মিঠা পানীৰ জলাশয়, সাগৰীয় ঘাঁহৰ বিছনা, চিৰসেউজ অৰণ্য, বিল, প্ৰবাল প্ৰাচীৰ, নদী, দ্বীপ আদি বিভিন্ন বাসস্থান আৰু পৰিৱেশ তন্ত্ৰ আছে। উদ্যানখন প্ৰেক টেক চেপ নামৰ এখন সতেজ পানীৰ নদীৰ দ্বাৰা বিভক্ত, ই উদ্যানখনৰ মাজেৰে সাগৰলৈ বৈ গৈছে। নদীখনৰ পশ্চিম দিশত থকা ভূমিত দুটা ডাঙৰ পাহাৰৰ আধিপত্য আছে। এই পাহাৰবোৰক প্ৰেক সাম্পৌচ জলধাৰাই পৃথক কৰিছে। উদ্যানখনৰ আটাইতকৈ পশ্চিম দিশত নম মল্লোউ অৱস্থিত। ২৭৭ মিটাৰ (৯০৯ ফুট) উচ্চতাত অৱস্থিত এই শৃংগটো উদ্যানখনৰ ভিতৰৰ সৰ্বোচ্চ শৃংগ। আন এটা পাহাৰৰ উচ্চতা ১৯৬ মিটাৰ (৬৪৩ ফুট)। পাহাৰ আৰু প্ৰেক টেউক চেপৰ মোহনাৰ মাজত জলাশয়ৰ এক ঠেক বিচ্ছিন্ন বেল্ট আছে। এই জলাশয়বোৰ এখ অতি পাতল বেণ্ডৰ অৱক্ষয়ী মেনগ্ৰ'ভ অৰণ্যৰ দ্বাৰা সুৰক্ষিত।[2] কোহ থমেই আৰু কোহ চেহ দ্বীপসমূহে উদ্যানখনৰ পূব তৃতীয়াংশ অংশ গঠন কৰিছে।[3]
প্ৰাকৃতিক সম্পদ
সম্পাদনা কৰকৰাষ্ট্ৰীয় উদ্যানত পোৱা বা নথীভুক্ত বন্যপ্ৰাণীসমূহৰ ভিতৰত আছে মলুৱা বান্দৰ, ডুগং, কাছ, ডলফিন, মাউছ-হৰিণ, সাৰস পখী, আৰু পেলিকান, কিন্তু ইয়াতেই এইবোৰ সীমাৱদ্ধ নহয়।[4] উদ্যানখনৰ উদ্ভিদৰ বাসস্থানৰ ভিতৰত আছে নিম্নভূমিৰ চিৰসেউজ অৰণ্য, মেলেলুকা অৰণ্য আৰু জলাহভূমিৰ অৰণ্য।[5] এই সকলোবোৰৰ মাজতো ৰাষ্ট্ৰীয় উদ্যানখন যথেষ্ট বহনযোগ্য স্থানীয় অৰ্থনৈতিক সম্পদ আছে। ৰেম ৰাষ্ট্ৰীয় উদ্যানৰ ওপৰত থকা বা ইয়াৰ সীমাত থকা পাঁচটা কমিউনত প্ৰায় ৩০,০০০ লোক বা ৫,৫০০ পৰিয়ালে বাস কৰে আৰু ইয়াত জনসংখ্যা বৃদ্ধিৰ হাৰ প্ৰায় ৩% বুলি অনুমান কৰা হৈছে।[6] ইয়াৰে চাৰিটা কমিউন ৰেমৰ সীমাত অৱস্থিত আৰু মুঠ ১৩খন গাঁৱৰ ভূমি উদ্যানখনৰ সীমাৰ ভিতৰত আছে।[7][8]
আইনী স্থিতি
সম্পাদনা কৰকউদ্যানখনৰ সম্পদসমূহৰ প্ৰতি বহুতো গোট আৰু ব্যক্তিৰ অভিসাৰী বা অপসাৰী আগ্ৰহ বা অংশীদাৰিত্ব আছে। উদ্যান কৰ্তৃপক্ষই দৈনিক সকলো অংশীদাৰৰ সৈতে মোকাবিলা কৰিবলগীয়া হয়। উদ্যানখনৰ সম্পদে যিহেতু সীমিত মাত্ৰাৰ শোষণকহে সমৰ্থন কৰিব পাৰে গতিকে সৰ্বসন্মতি সদায় সম্ভৱ নহয়। অংশীদাৰসকল হ’ল: স্থানীয় সম্প্ৰদায়, বাণিজ্যিক কাঠমিস্ত্ৰী, আৰক্ষী, নৌসেনা, পৰিৱেশ মন্ত্ৰালয়, ৰেঞ্জাৰ, ৰাষ্ট্ৰসংঘৰ উন্নয়ন কাৰ্যসূচী, ভূমি জল্পনা-কল্পনাকাৰী, বাণিজ্যিক মাছমৰীয়া, আৰু পৰ্যটক।[9] এই গোটবোৰৰ মানুহৰ সন্দেহজনক ভূমি-পট্টা ৰেহাইৰ বেছিভাগেই চাৰিওফালে আমাৰ[কোন?] পৰাই উদ্ভৱ হৈছিল। চৰকাৰৰ সৰ্বোচ্চ মহলত লেনদেনৰ বাতৰি প্ৰকাশ নোহোৱালৈকে পৰৱৰ্তী প্ৰচাৰে গতি লাভ কৰিছিল।[10] ২০১১ চনত সাংসদসকলে ৰিম আৰু অন্যান্য সংৰক্ষিত অঞ্চলসমূহৰ ওপৰত "আইনৰ আপডেট" জাৰি কৰিছিল, য'ত উল্লেখ আছিল: "ৰিম ৰাষ্ট্ৰীয় উদ্যান মণ্ডলৰ ৮৪.৫ হেক্টৰ (২০৯ একৰ) ভূমি প্ৰেহ ছিহানৌক প্ৰদেশৰ প্ৰে নুব জিলাৰ ৰিম কমিউনত অৱস্থিত সামূহিক এলেকা হিচাপে নিৰ্ধাৰণ কৰা হ'ব। এই সামূহিক অঞ্চলত ভূমিৰ কোনো প্ৰমাণপত্ৰ প্ৰদানৰ ক্ষেত্ৰত ভূমি আইন মানি পৰিৱেশ মন্ত্ৰালয়ৰ পৰা পূৰ্ব অনুমোদন লাভ কৰিব লাগিব।" [11]
এইবোৰো চাওক
সম্পাদনা কৰক- ৰেম নৌ ঘাটি
- কোহ থমেই
- কোহ ছেহ
- চিহানুকভিল
তথ্যসূত্ৰসমূহ
সম্পাদনা কৰক- ↑ Protected Planet (2018). "Ream National Park". United Nations Environment World Conservation Monitoring Centre. https://www.protectedplanet.net/ream-national-park। আহৰণ কৰা হৈছে: 26 Dec 2018.
- ↑ "Archived copy". Archived from the original on 2013-07-01. https://web.archive.org/web/20130701105545/http://idl-bnc.idrc.ca/dspace/bitstream/10625/30141/1/117196.pdf। আহৰণ কৰা হৈছে: 2015-11-13.
- ↑ "List of Islands". Cambodia islands – Island Species Cambodia. Archived from the original on May 16, 2015. https://web.archive.org/web/20150516191541/http://kohrong-sanloem.com/geography/list-of-islands। আহৰণ কৰা হৈছে: December 17, 2017.
- ↑ "Ream National Park". camboguide. 23 May 2010. Archived from the original on 14 September 2016. https://web.archive.org/web/20160914023310/http://www.camboguide.com/cambodia-destinations/sihanoukville/ream-national-park-sihanoukville/। আহৰণ কৰা হৈছে: September 10, 2016.
- ↑ "PEMSEA (2002) Coastal Environmental Profile of Sihanoukville.". PEMSEA. http://iwlearn.net/iw-projects/597/workshops/pemsea-11th-steering-committee-report। আহৰণ কৰা হৈছে: September 10, 2016.
- ↑ "Climate Change Governance for Land Use Planning in Cambodian Coastal Areas – A Case Study in Sihanouk Ville". Ministry of Environment. Archived from the original on September 13, 2016. https://web.archive.org/web/20160913152428/http://www.czmcam.org/attachments/article/82/Final_Climate_Change_Governance_for_Land_Use__Planning%2030March15.pdf। আহৰণ কৰা হৈছে: September 10, 2016.
- ↑ "REAM NATIONAL PARK, CAMBODIA: balancing the local opportunity costs of wetland protection". International Union for Conservation of Nature. http://cmsdata.iucn.org/downloads/casestudy03ream.pdf। আহৰণ কৰা হৈছে: September 10, 2016.
- ↑ "Cambodia Inter-Censal Population Survey 2013". UNFPA Cambodia. http://www.stat.go.jp/info/meetings/cambodia/pdf/ci_fn02.pdf। আহৰণ কৰা হৈছে: September 10, 2016.
- ↑ http://www.mekongtourism.org/site-t3/uploads/media/ICEM_Cambodia_national_report_01.pdf[সংযোগবিহীন উৎস]
- ↑ "Friends in high places". Phnom Penh Post. March 24, 2014. http://www.phnompenhpost.com/national/friends-high-places। আহৰণ কৰা হৈছে: September 10, 2016.
- ↑ http://www.dfdl.com/.../16-law-updates-cambodia?...283%3Acambodian[সংযোগবিহীন উৎস]...
বাহ্যিক সংযোগসমূহ
সম্পাদনা কৰক
অপেন ষ্ট্ৰীট মেপত ৰেম ৰাষ্ট্ৰীয় উদ্যান বিষয়ক ভৌগোলিক তথ্য আছে।
- বিশ্ব সংৰক্ষণ নিৰীক্ষণ কেন্দ্ৰ পৰা UNEP-WCMC বিশ্ব ডাটাবেছ অন প্ৰটেক্টেড এৰিয়া (WDPA) ত ৰেম ৰাষ্ট্ৰীয় উদ্যান [স্থায়ী মৃত লিংক][সংযোগবিহীন উৎস]
- কম্বোডিয়া দ্বীপ বন্য জীৱ-জন্তুৰ তালিকা