চেভেন ছ'চিয়েল চিনছ্

চেভেন ছ'চিয়েল চিনছ্ বা সাত সামাজিক পাপ (ইংৰাজী: Seven Social Sins) হৈছে ফ্ৰেডেৰিক লুইছ ড'নাল্ডছনৰ এখন তালিকা যিখন মোহনদাস কৰমচান্দ গান্ধীয়ে ১৯২৫ চনৰ ২২ অক্টোবৰত তেওঁৰ সাপ্তাহিক কাকত ইয়ং ইণ্ডিয়াত প্ৰকাশ কৰিছিল। পিছলৈ তেওঁ এই একেখন তালিকা তেওঁৰ হত্যাৰ কিছু সময় পূৰ্বে তেওঁৰ নাতি অৰুণ গান্ধীক লিখিত আকাৰে দিছিল। এই তালিকা অনুসৰি সাত পাপ হ'ল-

• কাম অবিহনে ধন।
• বিবেক অবিহনে আনন্দ।
• চৰিত্ৰহীন জ্ঞান।
• নৈতিকতা অবিহনে বাণিজ্য।
• মানৱতা অবিহনে বিজ্ঞান।
• ত্যাগৰ অবিহনে ধৰ্ম।
• নীতিবিহীন ৰাজনীতি।