কণ্ঠভূষণ দ্বিজ

কণ্ঠভূষণ দ্বিজ (১৬-১৭ শতিকা) কোচৰজা নৰনাৰায়ণ আৰু ৰঘূৰায়ৰ পাৰিবাৰিক পুৰোহিত আছিল। হাজোৰ মাজগুৰি গাঁৱত এখেতৰ জন্ম হৈছিল। শ্ৰীমন্ত শংকৰদেৱ সৈতে বাদ-ত জিকিব নোৱাৰি তেওঁ বাৰানসীলৈ যায় ব্ৰহ্মানন্দ পণ্ডিতৰ ওচৰত জ্ঞান অৰ্জন কৰিবলৈ। কণ্ঠভূষণৰ মূখে শংকৰদেৱৰ কধা শুনি ব্ৰহ্মানন্দই বিষ্ণুপুৰী সন্যাসীৰ 'ভক্তি ৰত্নাৱলী' পুথিখন দি পঠিয়াই শংকৰদেৱক দিবলৈ। কণ্ঠভূষণে পাটবাউসীত পুথিখন শংকৰদেৱৰ হাতত দিয়ে। শংকৰদেৱৰ মাহাত্মাও স্বীকাৰ কৰি লয়। পাছত শংকৰদেৱৰ নিৰ্দেশত মাধৱদেৱে পুথিখনৰ ভাঙনি কৰে।