কাটালিন কাৰিক'
কাটালিন কাৰিক' (Hungarian: Karikó Katalin, উচ্চাৰণ-kɒrikoː kɒtɒlin; জন্ম ১৭ জানুৱাৰী ১৯৫৫) এগৰাকী হাংগেৰীয়ান-আমেৰিকান জৈৱ-ৰসায়নবিদ। তেওঁ ৰাইব'নিউক্লিক এচিড (RNA) মাধ্যমৰ প্ৰণালী বিশেষকৈ ইন্ ভিত্ৰ' পদ্ধতিৰে ট্ৰেন্সক্ৰাইব কৰা বাৰ্তাবহক আৰ এন এ (messenger RNA) যোগেৰে প্ৰ'টিন প্ৰতিস্থাপন চিকিৎসাত গৱেষণা কৰে। কাৰিক'ৱে বৈজ্ঞানিক সমাজৰ বাধা আৰু সন্দেহ সত্বেও mRNA প্ৰতিষেধকৰ বৈজ্ঞানিক ভিত্তি স্থাপন কৰে,[1] যাৰ বাবে তেওঁ ২০২৩ চনত শৰীৰতত্ত্ব বা চিকিৎসা বিজ্ঞানৰ ন'বেল বঁটা লাভ কৰে।[2][3]
.jpg)
কাৰিক' ২০০৬ চনৰ পৰা ২০১৩ চনলৈকে RNARxৰ সহ-প্ৰতিষ্ঠাপক আৰু মুখ্য কাৰ্যবাহী বিষয়া আছিল।[4] ২০১৩ চনৰ পৰা তেওঁ BioNTech আৰ এন এ ফাৰ্মাচিউটিকেলছৰ সৈতে জড়িত হৈ আছে। প্ৰথমে উপ-সভাপতি হিচাপে আৰু ২০১৯ চনত জ্যেষ্ঠ উপ-সভাপতিলৈ পদোন্নতি লাভ কৰে। তেওঁ পেনচিলভেনিয়া বিশ্ববিদ্যালয়ৰ এগৰাকী সংলগ্ন অধ্যাপকো আছিল।[4] পাছলৈ হাংগেৰীৰ চেগেড বিশ্ববিদ্যালয়ৰ অধ্যাপিকা হয়।[5]
কাৰিক'ই কৰ্মৰাজিৰ ভিতৰত RNA-মাধ্যমেদি ৰোগ-প্ৰতিৰোধ সক্ৰিয়কৰণৰ বৈজ্ঞানিক গৱেষণা অন্তৰ্ভুক্ত। ইয়াৰ ফলত আমেৰিকান ইম্যুন'ল'জিষ্ট ড্ৰু ৱেইছমেনৰ লগত আৰ এন এ-ৰ ৰোগ-প্ৰতিৰোধ সক্ৰিয়কৰণ বশ কৰা নিউক্লিঅ'চাইড পৰিৱৰ্তনৰ সহ-আৱিষ্কাৰ সম্ভৱ হয়। mRNAৰ চিকিৎসাগত দিশৰ ক্ষেত্ৰত এয়া পৰৱৰ্তী খোজ হিচাপে গণ্য কৰা হৈছে।[6] ৱেইছমেনৰ সৈতে মিলি তেওঁৰ হাতত নন-ইমিউন'জেনিক, নিউক্লিঅ'চাইড-পৰিৱৰ্তিত আৰ এন এ-ৰ প্ৰয়োগৰ বাবে আমেৰিকান পেটেণ্ট আছে। এই প্ৰযুক্তিক BioNTech আৰু Moderna ৰ দ্বাৰা তেওঁলোকৰ প্ৰ'টিন প্ৰতিস্থাপন প্ৰযুক্তি বিকশিত কৰিবলৈ অনুজ্ঞাপত্ৰ প্ৰদান কৰা হৈছিল যদিও ইয়াক তেওঁলোকৰ ক'ভিড-১৯ প্ৰতিষেধকৰ বাবেও ব্যৱহাৰ কৰা হৈছিল।[7]
mRNA সম্পৰ্কীয় কামৰ বাবে কাৰিক' আৰু ৱেইছমেনে বহুতো বঁটা লাভ কৰিছে, য'ত ২০২৩ চনৰ শৰীৰতত্ত্ব বা চিকিৎসা বিজ্ঞানৰ ন'বেল বঁটা, লাস্কাৰ-ডিবেকি ক্লিনিকেল মেডিকেল ৰিচাৰ্চ বঁটা, টাইম আলোচনীৰ ২০২১ চনৰ নায়ক, আৰু ২০২২ চনত জৈৱ ঔষধ বিজ্ঞানৰ টাং বঁটা বঁটা আছে।
তথ্যসূত্ৰ
সম্পাদনা কৰক- ↑ Kolata, Gina (8 April 2021). "Kati Kariko Helped Shield the World From the Coronavirus" (en-US ভাষাত). The New York Times. ISSN 0362-4331. https://www.nytimes.com/2021/04/08/health/coronavirus-mrna-kariko.html.
- ↑ "The Nobel Prize in Physiology or Medicine 2023" (en-US ভাষাত). NobelPrize.org. https://www.nobelprize.org/prizes/medicine/2023/press-release/। আহৰণ কৰা হৈছে: 2 October 2023.
- ↑ "Covid | Premio Nobel de Medicina 2023: qué es el ARN mensajero por el que premiaron a Katalin Karikó y Drew Weissman" (es ভাষাত). BBC News Mundo. 2023-10-02. https://www.bbc.com/mundo/articles/cp64kj982yro। আহৰণ কৰা হৈছে: 2023-10-02.
- ↑ 4.0 4.1 /planning-committee/katalin-kariko/ "Katalin Karikó" (as-US ভাষাত). 8th International mRNA Health Conference. https://www.mrna-conference.com/general-information /planning-committee/katalin-kariko/। আহৰণ কৰা হৈছে: 10 January 2021.
- ↑ "Nobel Prize goes to scientists behind mRNA Covid vaccines" (en-GB ভাষাত). BBC News. 2 October 2023. https://www.bbc.com/news/health-66983060.
- ↑ Kollewe, Julia (21 November 2020). "Covid vaccine technology pioneer: 'I never doubted it would work'". The Guardian. https://www.theguardian.com/science/2020/nov/21/covid-vaccine-technology-pioneer-i-never-doubted-it-would-work?.
- ↑ Garde, Damian; Saltzman, Jonathan (10 November 2020). "The story of mRNA: From a loose idea to a tool that may help curb Covid" (en-US ভাষাত). STAT. https://www.statnews.com/2020/11/10/the-story-of-mrna-how-a-once-dismissed-idea-became-a-leading-technology-in-the-covid-vaccine-race/। আহৰণ কৰা হৈছে: 10 January 2021.