কোটাহি জামু

কোটাহি জামু (বৈজ্ঞানিক নাম: Syzygium nervosum; অসমীয়া অন্য নাম: ঝাৰুৱা, গোদাজাম; কাৰ্বি: চুমুক্ আৰং) এবিধ মজলীয়া আকাৰৰ চিৰহৰিৎ গছ৷ এই গছ প্ৰায় দহ মিটাৰ পৰ্য্যন্ত ওখ হ’ব পাৰে৷ ইয়াৰ বাকলিৰ বৰণ মটীয়া বা মদৰুৱা আৰু পাত ডাঠ সেউজীয়া৷

কোটাহি জামু
As seen in Hong Kong Wetland Park
জীৱবৈজ্ঞানিক শ্ৰেণীবিভাজন
ৰাজ্য:	Plantae
(অশ্ৰেণীকৃত):	Angiosperms
(অশ্ৰেণীকৃত):	Eudicots
(অশ্ৰেণীকৃত):	Rosids
বৰ্গ:	Myrtales
পৰিয়াল:	Myrtaceae
গণ:	Cleistocalyx
প্ৰজাতি:	C. operculatus
বৈজ্ঞানিক নাম
Cleistocalyx operculatus (Roxb.) Merr. et L.M.Perry, 1937

বিস্তৃতি

কোটাহি জামু দক্ষিণ এছিয়াৰ থলুৱা উদ্ভিদ৷ চীনৰ পৰা অষ্ট্ৰেলিয়ালৈকে এই উদ্ভিদ প্ৰাকৃতিকভাৱে উৎপন্ন হোৱা দেখা যায়৷ অসমৰ ব্ৰহ্মপুত্ৰ আৰু বৰাক উপত্যকাৰ প্ৰায়বোৰ অঞ্চলতে এই গছ দেখা পোৱা যায়৷

বিৱৰণ

কোটাহি জামুৰ বাকলিৰ বৰণ মটীয়া বা মদৰুৱা৷ উপৰিভাগৰ পৰা অনিয়মিতভাৱে ফাট মেলা চেকুৰাৰ উৎপত্তি হয়৷

এই গছৰ পাত উপ-বৃত্তাকাৰ, অদোমুখ ডিম্বাকাৰ, সুক্ষ্মকৌণিকভাৱে জোঙা অথবা শীৰ্ষস্থান গোলাকাৰ৷ ইয়াৰ পাতৰ পাৰ্শ্বসিৰৰ সংখ্যা পাতৰ প্ৰতি অৰ্দ্ধাংশত ৮-১০৷ সীমান্তৰ আগত গোল হৈ যোগ হৈ থাকে৷ পত্ৰবৃন্তৰ দৈৰ্ঘ্য ৩-৪ ছে:মি:।

কোটাহি জামুৰ ফুলৰ বৰণ সেউজ-বুলীয়া বগা আৰু বৃন্তহীন৷ ইয়াৰ চুপহিৰ বৃত্ত ঘন্টাকাৰ৷ পাহি বগা৷

এই গছৰ ফল মঙহাল হয়৷ ফলবোৰ আকাৰত সৰু আৰু গোল৷

ব্যৱহাৰ

কোটাহি জামুৰ পাত আৰু কলি শুকুৱাই ভিয়েটনামত এবিধ হাৰ্বেল চাহ তৈয়াৰ কৰা হয়৷ এই চাহৰ ঔষধি গুণ থকা বুলি জনা যায়৷

চিত্ৰভঁৰাল

• 
  কোটাহি জামুৰ পকা ফল
• 
  কোটাহি জামুৰ ফল
• 
  কোাটাহি জামু গছৰ বাকলি
• 
  কোটাহি জামুৰ ফুল