কৰবী ডেকা হাজৰিকা
কৰবী ডেকা হাজৰিকা ( জন্ম: ২৩ জানুৱাৰী, ১৯৫৩) এগৰাকী প্ৰসিদ্ধ অসমীয়া কবি আৰু সাহিত্যিক৷ তেওঁ ভালেসংখ্যক কবিতা সংকলন, সমালোচনা গ্ৰন্থ, উপন্যাস আৰু ভ্ৰমণ কাহিনী আদিৰ ৰচনাৰে অসমীয়া সাহিত্যলৈ বৰঙণি যোগাই আহিছে৷ তেওঁৰ অৱদানৰ বাবে কৰবী ডেকা হাজৰিকাই বসন্ত বৰদলৈ বঁটা আৰু প্ৰবীণা শইকীয়া বঁটা লাভ কৰিছে৷
| কৰবী ডেকা হাজৰিকা | |
|---|---|
 | |
| জন্ম | বৰজান , নাগালেণ্ড |
| ৰাষ্ট্ৰীয়তা |  ভাৰত |
| নাগৰিকত্ব | ভাৰতীয় |
| ধৰণ | কবিতা, গীতি সাহিত্য, উপন্যাস, শিশু সাহিত্য, সাহিত্য সমালোচনা, ভ্ৰমণ সাহিত্য |
| উল্লেখযোগ্য বঁটা | বসন্ত বৰদলৈ বঁটা প্ৰশান্ত শইকীয়া বঁটা কাব্য হৃদয় সন্মান |
শৈশৱ সম্পাদনা কৰক
কৰবী ডেকা হাজৰিকাৰ জন্ম হৈছিল নাগালেণ্ডৰ বৰজান নামৰ এখন ঠাইত ১৯৫৩ চনৰ ২৩জানুৱাৰীত৷ তেওঁৰ পিতৃ মিনাকান্ত হাজৰিকা পেছাত এগৰাকী চিকিৎসক আছিল আৰু কৰ্মসূত্ৰে নগাপাহাৰৰ অঞ্চলসমূহত বসবাস কৰিছিল৷ প্ৰখ্যাত অসমীয়া সাহিত্যিক অতুল চন্দ্ৰ হাজৰিকা কৰবী ডেকা হাজৰিকাৰ ককাদেউতাক আছিল ৷
শিক্ষা সম্পাদনা কৰক
কৰবী ডেকা হাজৰিকাই শিৱসাগৰত স্কুলীয়া শিক্ষা আৰম্ভ কৰে৷ ১৯৬৯ চনত শিৱসাগৰৰ ফুলেশ্বৰী বালিকা উচ্চতৰ মাধ্যমিক বিদ্যালয়ৰ পৰা অসমীয়া ভাষাত সৰ্ব্বোচ্চ নম্বৰ লাভ কৰি তেওঁ উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ হয়৷ ইয়াৰ পিছত ১৯৭২ চনত শিৱসাগৰ বালিকা মহাবিদ্যালয়ৰ পৰা তেওঁ প্ৰথম শ্ৰেণীত স্নাতক ডিগ্ৰী লাভ কৰে৷ ১৯৭৪ চনত হাজৰিকাই অসমীয়া বিষয়ত স্নাতকোত্তৰ ডিগ্ৰী পায় আৰু ডিব্ৰুগড় বিশ্ববিদ্যালয়ত মহেশ্বৰ নেওগৰ অধীনত ডক্টৰেট গৱেষণা আৰম্ভ কৰে৷ তেওঁৰ গৱেষণাৰ বিষয় আছিল- মাধৱদেৱ: জীৱন, কলা আৰু ধাৰণা ( Madhavdeva: His Life, Art and Thoughts)৷
কেৰিয়াৰ সম্পাদনা কৰক
শৈক্ষিক সম্পাদনা কৰক
১৯৭৬ চনৰ ২৪ ছেপ্টেম্বৰত ড৹ ডেকা হাজৰিকাই সহকাৰী অধ্যাপক ৰূপে ডিব্ৰুগড় বিশ্ববিদ্যালয়ৰ অসমীয়া বিভাগত যোগদান কৰে৷ পৰৱৰ্ত্তী কালত পদোন্নতি লাভ কৰি তেওঁ সেই বিভাগতে লক্ষ্মীনাথ বেজবৰুৱাৰ আসন অলংকৃত কৰিবলৈ সক্ষম হয় ৷ বৰ্তমান তেওঁ ডিব্ৰুগড় বিশ্ববিদ্যালয়ৰ কলা আৰু সামজ বিজ্ঞান (Humanities and Social Sciences)ৰ ডিন হিচাপে কায্যনিৰ্বাহ কৰি আছে৷ ২০০৮ চনত ডেকা হাজৰিকাৰ উদ্যোগতে ডিব্ৰুগড় বিশ্ববিদ্যালয়ত Dr. Bhupen Hazarika Centre for Studies in Performing Arts প্ৰতিষ্ঠা হয়৷ এই কেন্দ্ৰটোৱে উত্তৰ-পূৰ্বাঞ্চলত পোনপ্ৰথমবাৰৰ বাবে সংগীত, নৃত্য আৰু থিয়েটাৰ বিষয়ত স্নাতক আৰু স্নাতকোত্তৰ মহলা আৰম্ভ কৰিবলৈ সক্ষম হয়৷
সাহিত্য সম্পাদনা কৰক
ড৹ ডেকা হাজৰিকাই অসমীয়া সাহিত্যৰ বিভিন্ন দিশত অৱদান আগবঢ়াইছে৷ পঞ্চম শ্ৰেণীত পঢ়ি থকাৰ সময়তে ১৯৬২ চনৰ ভাৰত-চীন যুদ্ধৰ সোঁৱৰণত লিখা তেওঁৰ প্ৰথমটো কবিতা ’অঞ্জলি’ অসম বাণী কাকতত প্ৰকাশ পাইছিল৷ ইয়াৰ পিছৰ পৰা তেওঁৰ কবিতামসূহ অসমৰ বিভিন্ন কাকত-আলোচনীত প্ৰকাশ পাই আহিছে৷ ইতিমধ্যে তেওঁ ভালেসংখ্যক কবিতা সংকলনো প্ৰকাশ কৰিছে৷
তাৰোপৰি ডেকা হাজৰিকাই সমালোচনা গ্ৰন্থ, উপন্যাস, শিশু সাহিত্য আৰু অনুবাদ সাহিত্যও ৰচনা কৰিছে৷ অসমীয়া সাহিত্যৰ অতীত আৰু বৰ্তমানৰ বহুতো দিশত তেওঁ মূল্যৱান সমালোচনা প্ৰকাশ পাই আহিছে৷
সাহিত্য সৃষ্টিৰ উপৰিও গীতিকাৰ ৰূপেও ড৹ ডেকা হাজৰিকাৰ সুনাম আছে৷
বঁটা আৰু সন্মান সম্পাদনা কৰক
গ্ৰন্থৰাজি সম্পাদনা কৰক
সমালোচনা গ্ৰন্থ
- অসমীয়া সাহিত্যৰ ৰূপ-ৰেখা (১৯৮৫)
- মাধৱদেৱ: সাহিত্য, কলা আৰু দৰ্শন (১৯৮৭)
- সাহিত্যৰ চিন্তা-ছায়া (১৯৯৫)
- সাহিত্য আৰু চিন্তা (১৯৯৬)
- কবিতাৰ ৰূপ-ছায়া (১৯৯৯)
- অসমীয়া কবিতা (১৯৯৯)
- তুলনামূলক সাহিত্য আৰু অনুবাদ কলা (২০০৩) [3]
- তুলনামূলক অধ্যয়ন (২০০৩) [4]
- চৰ্যাপদ আৰু বৰগীত (২০০৪)
- অসমীয়া কবি আৰু কবিতা (২০০৪)
- সাহিত্য সঞ্চয়ন (২০০৫)
- সাহিত্যৰ স্বৰূপ (২০০৭)
- অসমীয়া আৰু বাংলা কবিতাত আধুনিকতাৰ অন্মেষ (২০০৮)
- তুলনামূলক সাহিত্য: বিকাশ আৰু বিৱৰ্তন (২০০৮)
- Maheswar Neog—A Monograph (প্ৰেছত)
- ৰামায়ণৰ চানেকি (১৯৯৩)
- অসমীয়া প্ৰেমৰ কবিতা (হোমেন বৰগোহাঞিৰ সৈতে যুটীয়া সম্পাদনাত, ১৯৯৫)
- ৰামায়ণ, আযোধ্যা কাণ্ড (১৯৯৭)
- নগেন শইকীয়া: ব্যক্তিত্ব আৰু কৃতিত্ব (১৯৯৭) Nagen Saikia: Byaktiva Aru Krititva,Bani Mandir, ডিব্ৰুগড় 1997
- ঊষা পৰিণয়, বনলতা, ডিব্ৰুগড়, (১৯৯৮)
- কীৰ্ত্তন ঘোষা আৰু নামঘোষা (১৯৯৯) , বনলতা, ডিব্ৰুগড়
- সাহিত্য পত্ৰিকা, ৬০তম অসম সাহিত্য সভা (২০০১)
- ডিবৰুৰ কবিতা (২০০১)
- প্ৰবাল দ্বীপৰ ডাৰে (২০০৩)
- পাৰ্বতী প্ৰসাদ বৰুৱাৰ কৃতী আৰু কবিতা (২০০৪)
- মনত পৰেনে অৰুন্ধতী (২০০৫), বনলতা, ডিব্ৰুগড়
- নিৰ্বাচিত ভাৰতীয় কবিতা (২০০৫)
- সীমাৰ পৰিধি ভাঙি কবিতা (২০১০)
- সমীক্ষণ (২০১০)
- বেজবৰুৱাৰ সাহিত্য ছায়া, অসম পাব্লিছিং কোম্পানী, গুৱাহাটী, ২০১২
- এহেজাৰ বছৰৰ অসমীয়া কবিতা, বনলতা, ডিব্ৰুগড় ২০১৩
- নৱজাগৰণৰ গদ্য, সাহিত্য অকাডেমি, নতুন দিল্লী
- অসমীয়া গদ্য সাহিত্য—জোনাকীৰ পৰা জয়ন্তীলৈ (Jointly with Dr Satyakam Borthakur)
- মাধৱদেৱ: তেওঁৰ জীৱন, কলা আৰু চিন্তা, বাণী মন্দিৰ, গুৱাহাটী, ২০০৬
শিশু সাহিত্য
- জুনুকাৰ এৰাতি, ষ্টুডেন্টছ্ ষ্ট'ৰ, গুৱাহাটী, ১৯৯২
- চিকমিকাৰ কাহিনী, ষ্টুডেন্টছ্ ষ্ট'ৰ, গুৱাহাটী,১৯৯২
- সেউজী মনৰ কাহিনী, ষ্টুডেন্টছ্ ষ্ট'ৰ, গুৱাহাটী,১৯৯২
- ভাৰতীয় সাহিত্যৰ উন্মোচক, অসম সাহিত্য সভা, ১৯৯৯
- বেজবৰুৱাৰ সাধুকথা (সম্পাদিত), বনলতা, ডিব্ৰুগড়, ২০০১
- এমুঠি সোণালী তৰা (সম্পাদিত), বাল্য ভৱন, যোৰহাট
- লায়ন কিং, বনলতা, ডিব্ৰুগড়, ২০০২
- গুণ গোৱা ভূত, কৌস্তভ প্ৰকাশন, ডিব্ৰুগড়, ২০০৫
- হেলেন কেলাৰ, কৌস্তভ প্ৰকাশন, ডিব্ৰুগড়, ২০১২
ভ্ৰমণকাহিনী
- নীলা সাগৰ আৰু সোণালী দেশ, বনলতা, ডিব্ৰুগড়
- সেউজীয়া চীন, কিৰণ প্ৰকাশন, ধেমাজি, ২০০৮
- গ্ৰীচ দেশৰ সূৰ্যমুখী দিন আৰু অপৰাজিত ৰাতি, বনলতা, ডিব্ৰুগড়, ২০১১
- লেটিন আমেৰিকাৰ বিস্ময় আৰু শিহৰণ, বনলতা, ডিব্ৰুগড়, ২০১৫
- Nirjan Saukatar Monimoy Dinbur, Assam Publishing Company, Guwahati 2016
উপন্যাস
- জোনাকৰ আখৰ, বনলতা, ডিব্ৰুগড়, ২০০০
- Aranyar Shan, বনলতা, ডিব্ৰুগড়, 2005
- অনুপমা, অৰুণা, কুসুম ইত্যাদি, বনলতা, ডিব্ৰুগড়, ২০০৭
কবিতা সংকলন
- সুবাসিত এই যন্ত্ৰণা, দ্বীপ-শিখা প্ৰকাশন, গুৱাহাটী
- মাটিৰ পৰা মেঘলৈ, বনলতা, ডিব্ৰুগড়, ১৯৯২
- চুলি নাবান্ধিবা যাজ্ঞসেনী, ২০০১
- পৰীৰ বাণী, কৌস্তভ প্ৰকাশন, ডিব্ৰুগড়, ২০০৮
- এমুঠি সোণালী তৰা, তিনিচুকীয়া, ১৯৯৫
- গানৰ পাখী, কৌস্তভ প্ৰকাশন, ডিব্ৰুগড়, ২০০২[5]
অনুবাদ সাহিত্য
- নিৰ্বাচিত বাংলা কবিতা, ষ্টুডেন্টছ্ এম্প'ৰিয়াম, গুৱাহাটী, ১৯৯৬
- জীবনানন্দ দাস, সাহিত্য অকাডেমি, নতুন দিল্লী, ২০০০
- কাৰ্মেলিন, সাহিত্য অকাডেমি, নতুন দিল্লী, ২০১১[6]
তথ্য উৎস সম্পাদনা কৰক
- ↑ Meet The Author, Guwahati: Assam Sahitya sabha, 1991.Print
- ↑ About The Author, Guwahati: All Assam Women Writers Association, 2007.Print
- ↑ catalouge, ডিব্ৰুগড়: বনলতা, 2010.Print
- ↑ catalouge, ডিব্ৰুগড়: department of Assamese, ডিব্ৰুগড় University, 2010.Print
- ↑ catalouge, ডিব্ৰুগড়: kaustubh Prakashan, 2010.Print
- ↑ catalouge, New delhi: Sahitya Akademi, 2010.Print