পয়েট্ৰী উইডাউট ফীয়েৰ
পয়েট্ৰী উইডাউট ফীয়েৰ অসমৰ ডিব্ৰুগড় জিলাৰ পৰা প্ৰকাশিত অসমীয়া ভাষা আৰু ইংৰাজী ভাষাত প্ৰকাশিত এখন দ্বিভাষিক তিনিমহীয়া কবিতা বিষয়ক ই-আলোচনী।[1] ২০২২ চনৰ ৩০ এপ্ৰিল তাৰিখে এই আলোচনীখনৰ প্ৰথম সংখ্যাটি প্ৰকাশ হয়।[2] অসমীয়া কবিতা আৰু সামগ্ৰিকভাৱে কবিতাৰ প্ৰসাৰ আৰু প্ৰচাৰৰ হকে এই আলোচনীখন প্ৰকাশ কৰা হৈছে৷ আলোচনীখনত অসমীয়া কবিতাৰ ইংৰাজী অনুবাদত সৰ্বাধিক গুৰুত্ব দিয়া হয়৷ লগতে কবিতা বিষয়ক প্ৰবন্ধ, সাক্ষাৎকাৰ, কবিতা-সংকলন আৰু কবিতা বিষয়ক সমালোচনা আদি প্ৰকাশ কৰা হয়৷ আলোচনীখনৰ মুখ্য সম্পাদক আনন্দ বৰমুদৈ আৰু কাৰ্যবাহী সম্পাদক ক্ৰমে প্ৰকল্প ৰঞ্জন ভাগৱতী (প্ৰতিষ্ঠাপক) আৰু কল্যাণ ভূঞা৷[3]
| পয়েট্ৰী উইডাউট ফীয়েৰ | |
|---|---|
| soft2i | |
| ইউ আৰ এল | poetrywithoutfear |
| বাণিজ্যক | অব্যৱসায়িক |
| প্ৰকাৰ | তিনিমহীয়া অসমীয়া ই-আলোচনী। |
| ভাষা | অসমীয়া, ইংৰাজী es-us |
| স্বত্বাধিকাৰী | প্ৰকল্প ৰঞ্জন ভাগৱতী |
| সৃষ্টিকৰ্তা | আনন্দ বৰমুদৈ |
| অৱস্থান | অসম |
| মুকলি | ৩০ এপ্ৰিল, ২০২২ |
ইতিহাস
সম্পাদনা কৰক২০২২ চনৰ ৩০ এপ্ৰিল তাৰিখে সাহিত্যিক নগেন শইকীয়াই গুগ’ল মীটৰ জৰিয়তে এই আলোচনীখনৰ প্ৰথম সংখ্যাটো উন্মোচন কৰে৷[4] অসমীয়া কাব্য সাহিত্যক অনুবাদৰ জৰিয়তে বহল পাঠক সমাজ এখনৰ মাজলৈ নিয়াৰ লগতে অসমীয়া ভাষাৰ কবিসকলৰ বাবে কাব্যচৰ্চাৰ ভয়-ভীতিহীন ক্ষেত্ৰ এখন প্ৰস্তুত কৰাটোৱেই আলোচনীখনৰ লক্ষ্য আৰু প্ৰকাশৰ প্ৰধান উদ্দেশ্য৷[5][6]