পানীন্দ্ৰনাথ গগৈ

পানীন্দ্ৰনাথ গগৈ (১৮৭১-১৯০০) অসমৰ এজন সাহিত্যিক। তেখেতৰ গৃহ জিলা লখিমপুৰ। গগৈ দেৱ লখিমপুৰ জিলাৰ পদ্মনাথ গোহাঞি বৰুৱাৰ সমসাময়িক এজন সাহিত্যিক আছিল। তেখেতৰ নামত প্ৰকাশিত তিনিখন গ্ৰন্থৰ তথ্য পোৱা যায়। সেয়া হ’ল ক্ৰমে- লৰাশিক্ষা আগছোৱা, লৰাশিক্ষা মাজছোৱা আৰু লৰাশিক্ষা শেহছোৱা। (আখৰ জোঁটনি গ্ৰন্থত থকাৰ দৰে উল্লেখ কৰা হৈছে। )

পানীন্দ্ৰনাথ গগৈ
জন্ম	লখিমপুৰ, অসম
ভাষা	অসমীয়া
ৰাষ্ট্ৰীয়তা	ভাৰতীয়
নাগৰিকত্ব	ভাৰতীয়

জন্ম আৰু মৃত্যু

তেখেতৰ জন্ম হয় ১৮৭১ চনত লখিমপুৰ জিলাত। পিতৃৰ নাম কতীয়া গগৈ। মৃত্যু হয় ১৯০০ চনত।

সাহিত্যৰাজি

• লৰাশিক্ষা আগছোৱা
• লৰাশিক্ষা মাজছোৱা
• লৰাশিক্ষা শেহছোৱা।

অন্যান্য

তেখেতৰ মৃত্যুত পদ্মনাথ গোহাঞি বৰুৱাই কবিতাত লিখিছিল-

বিষাদ ডাৱৰ হিয়া আকাশৰ
বৰষি পাতল হই
শোকৰ উপৰি উপৰিঞ্চিত শোক
ছাতিলা পানীন্দ্ৰ গই

জোনাকী কাকতত পানীন্দ্ৰনাথ গগৈৰ তিনিটা প্ৰবন্ধ প্ৰকাশ পাইছিল-

• জাতীয় প্ৰেম,
• আমাৰ উন্নতি নে অৱনতি আৰু
• তেন্তেনো আমাৰ উপায় কি?