প্ৰদ্যুৎ কুমাৰ ডেকা

প্ৰদ্যুৎ কুমাৰ ডেকা ( ইংৰাজী: Prodyut Kumar Deka ; জন্ম: ১৮ এপ্ৰিল ১৯৭৮) এজন অসমৰ চলচ্চিত্ৰ পৰিচালক, চিত্ৰনাট্যকাৰ আৰু লেখক। তেওঁৰ ছবিসমূহৰ ভিতৰত আছে ধুনীয়া তিৰোতাবোৰ (২০০৯), সমীৰণ বৰুৱা আহি আছে (২০১২), সুৰ্য্যাস্ত (২০১৩), বৰশী (২০১৪)। গুৱাহাটীৰ আমবাৰী পুৰাতাত্বিক ক্ষেত্ৰৰ আধাৰত নিৰ্মিত ‘এনথ্ৰপলজিকেল আমবাৰী' ছিৰিজৰ জৰিয়তে তেওঁ ২০১৬-১৭ চনলৈ ক্ৰমান্বয়ে ইংৰাজী কল্পকাহিনী লিখাৰ ফালে ধাবিত হয়।

প্ৰদ্যুৎ কুমাৰ ডেকা
জন্ম	১৮ এপ্ৰিল ১৯৭৮
ৰাষ্ট্ৰীয়তা	ভাৰতীয়
পেচা	চলচ্চিত্ৰ পৰিচালক
উল্লেখযোগ্য কৰ্ম	সমীৰণ বৰুৱা আহি আছে
পিতৃ-মাতৃ	পৱিত্ৰ কুমাৰ ডেকা (পিতৃ)

কৰ্মজীৱন

তেওঁৰ প্ৰথম পৰিচালনা আৰু চিত্ৰনাট্য ৰচনা কৰা ছবিখন হ'ল ধুনীয়া তিৰোতাবোৰ। এগৰাকী সন্ধানহীন শিল্পীৰ পটভূমিত নিৰ্মাণ কৰা এই ছবিখন মুক্তি পাইছিল ২০০৯ চনত। তেওঁৰ পৰৱৰ্তী ছবি ৰাজনৈতিক বিষয়ৰ ওপৰত আধাৰিত সমীৰণ বৰুৱা আহি আছে (২০১২)। তেওঁৰ অন্যান্য ছবিবোৰৰ ভিতৰত আছে- শিশুৰ প্ৰতি অৱহেলাক বিষয়বস্তু কৰি ৰচনা কাহিনীৰে নিৰ্মাণ কৰা ‘সূৰ্যাস্ত’, চাছপেন্সধৰ্মী নাটকীয় ছবি ‘বৰশী’ আৰু ৰবীন্দ্ৰনাথ ঠাকুৰৰ কাহিনীৰ আধাৰত নিৰ্মাণ কৰা টেলিফিল্ম ‘দৃষ্টি’। সূৰ্যাস্তই ফিল্মফেয়াৰ ২০১৩ (পূব)-ত শ্ৰেষ্ঠ অভিনেতা আৰু শ্ৰেষ্ঠ অভিনেত্ৰী শিতানত মনোনয়ন লাভ কৰে। তিনিটা পৃথক পৃথক গল্প আৰু তিনিজন ভিন্ন পৰিচালকে একত্ৰে নিৰ্মাণ কৰা ছবি যি গল্পৰ শেষ নাইৰ এটা খণ্ড প্ৰদ্যুৎ কুমাৰ ডেকাই পৰিচালনা কৰিছিল। ছবিখনৰ কাম ২০১৯ চনত শেষ হয়।