ফেচিয়েল
ফেচিয়েল(ইংৰাজী: Facial) হৈছে মুখৰ ছালৰ যত্নৰ বাবে কৰা পৰিচৰ্যাৰ এটা ভাগ, য'ত ভাপ, এক্সফোলিয়েচন (জৈৱিক আৰু ৰাসায়নিক), এক্সট্ৰেকচন, ক্ৰীম, লোচন, ফেচিয়েল মাস্ক, পিল, আৰু মালিচ আদি অন্তৰ্ভুক্ত হৈ থাকে। সাধাৰণতে বিউটি পাৰ্লাৰত এইবোৰ কৰা হয় যদিও ই এক সাধাৰণ স্পা চিকিৎসাও। সাধাৰণ ছালৰ স্বাস্থ্যৰ লগতে নিৰ্দিষ্ট ছালৰ পৰিচৰ্যাৰ বাবেও ব্যৱহাৰ কৰা হয়। ফেচিয়েলৰ প্ৰকাৰসমূহ হ'ল ইউৰোপীয় ফেচিয়েল,[1] এল ই ডি লাইট থেৰাপী ফেচিয়েল, হাইড্ৰাফেচিয়েল আৰু মিনি-ফেচিয়েল।
বিভিন্ন উদ্দেশ্যৰ বাবে বিভিন্ন ধৰণৰ মাস্ক (যেনে, মাটি, কেকটাছ, টিয়ঁহ) আছে; গভীৰভাৱে পৰিষ্কাৰ কৰা ছালৰ ছিদ্ৰবোৰত সোমাই; ব্ৰণৰ দাগ বা হাইপাৰ-পিগমেণ্টেচন ভাল কৰে; ছালৰ ৰং ক্ৰমান্বয়ে উজ্জ্বল কৰে। মুখৰ মাস্কে বয়স বৃদ্ধি, ব্ৰণ, ছালৰ বলিৰেখা, চকুৰ তলৰ বলিৰেখা, পিৰিঠি লৰচৰ কৰা, ক'লা দাগ, ছাল ফুলি উঠা,[2] আৰু বহুতো ক্ষেত্ৰতো সহায় কৰে। কিছুমান মাস্ক মুখত লগোৱাৰ পিছত শুকুৱাই বা কঠিন হ’বলৈ দিয়া হয়, প্ৰায় প্লাষ্টাৰৰ দৰে; আৰু আন কিছুমান কেৱল তিতা অৱস্থাত থাকে। মুখৰ মাস্ক পৰিচৰ্যাৰ অনুভূত প্ৰভাৱসমূহৰ ভিতৰত আছে, ছাল পুনৰুজ্জীৱিত কৰা, দাগ নিৰাময় কৰা বা সতেজ কৰা আদি ইয়ে সাময়িক সকাহ দিব পাৰে (পৰিৱেশ, খাদ্য আৰু অন্যান্য ছালৰ যত্নৰ কাৰকৰ ওপৰত নিৰ্ভৰ কৰি)। মুখৰ বিভিন্ন উপলভ্য পৰিচৰ্যাৰ দীৰ্ঘম্যাদী লাভৰ কোনো বস্তুনিষ্ঠ প্ৰমাণ পোৱা হোৱা নাই।[3]
মুখখন পানীৰে ধুই, ভিজা কাপোৰেৰে মচি বা মুখৰ পৰা শুকান খোলা হাতেৰে গুচাই মাস্ক আঁতৰোৱা হয়। মাস্ক লগোৱাৰ সময় মাস্কৰ প্ৰকাৰ আৰু প্ৰস্তুতকাৰকৰ ব্যৱহাৰৰ নিৰ্দেশনা অনুসৰি ভিন্ন হয়। সময় কেইমিনিটমানৰ পৰা ওৰে ৰাতিও হ’ব পাৰে। সংবেদনশীল ছাল থকাসকলক প্ৰথমে ছালৰ সৰু অংশত মাস্ক পৰীক্ষা কৰিবলৈ পৰামৰ্শ দিয়া হৈছে, যাতে কোনো ধৰণৰ বিক্ৰিয়া আছে নেকি পৰীক্ষা কৰিব পাৰে। কিছুমান ফেচিয়েল মাস্ক সঘনাই ব্যৱহাৰৰ বাবে উপযোগী নহয়। ছাল জ্বলি যোৱাৰ আশংকাৰ পৰা হাত সাৰিবলৈ মাহত এবাৰতকৈ বেছিকৈ গ্লাইকলিক মাস্ক ব্যৱহাৰ কৰিব নালাগে।
ঔষধৰ দোকানৰ পৰা ডিপাৰ্টমেণ্ট ষ্ট’ৰলৈকে যিকোনো ঠাইতে মাস্কৰ সামগ্ৰী পোৱা যায় আৰু ইয়াৰ স্থায়িত্ব আৰু প্ৰকাৰৰ ভিন্নতা থাকিব পাৰে। চেটিং মাস্কৰ ভিতৰত আছে, মাটি, যিটো ডাঠ স্থায়িত্বৰ বাবে আৰু ছিদ্ৰৰ পৰা মলি (আৰু কেতিয়াবা, প্ৰাকৃতিক তেলও) উলিয়াই আনিবলৈ; এটা ক্ৰীম, যি ছালখনক হাইড্ৰেট কৰিবলৈ ভিজা হৈ থাকে; শ্বীট-ষ্টাইল, য'ত কাগজৰ মাস্কক ছালখনক টোন আৰু আৰ্দ্ৰ কৰিবলৈ তৰল পদাৰ্থৰে তিয়াই লোৱা হয়; আৰু শেষত, এটা হাইব্ৰিড/মাটি আৰু ক্ৰীমৰ ৰূপ য'ত মৃত পৃষ্ঠৰ ছালৰ কোষ আঁতৰাবলৈ সৰু সৰু গুটি অন্তৰ্ভুক্ত কৰা হয়। নন-ছেটিং ফেচিয়েল মাস্কৰ ভিতৰত গৰম তেল আৰু পেৰাফিন মমৰ মাস্ক অন্তৰ্ভুক্ত। এইবোৰ বিভিন্ন ধৰণৰ ছালৰ (যেনে, তেলীয়া বা শুকান), আৰু বিভিন্ন ছালৰ যত্নৰ লক্ষ্য বা প্ৰয়োজন (যেনে, মইশ্ব’ৰাইজিং, ক্লিনিং, এক্সফ’লিয়েটিং)ৰ লগত খাপ খুৱাই তৈয়াৰ কৰা হয়। মাটি আৰু বোকাময় মাস্ক তেলীয়া আৰু কিছুমান "সংমিশ্ৰিত" ছালৰ প্ৰকাৰৰ বাবে উপযুক্ত,[4] আনহাতে ক্ৰীম ভিত্তিক মাস্ক শুকান আৰু সংবেদনশীল ছালৰ প্ৰকাৰৰ বাবে উপযুক্ত। ছালৰ মৃত কোষ আৰু মলিৰ পাতল তৰপ আঁতৰাবলগীয়া হ'লে পিল-অফ মাস্কো আছে যিবোৰ অতি উত্তম।[5]
তথ্য সূত্ৰ
সম্পাদনা কৰক- ↑ (en ভাষাত) Eastern European Beauty Secrets and Skin Care Techniques. Dorrance Publishing. ISBN 978-1-4349-7452-5. https://books.google.com/books?id=wJ9x4jbELa4C.
- ↑ Bioelements. "Do I need a facial? 32 reasons you absolutely need one" (en ভাষাত). Bioelements. Archived from the original on 2021-05-16. https://web.archive.org/web/20210516022006/https://www.bioelements.com/blogs/blog/do-i-need-a-facial। আহৰণ কৰা হৈছে: 2021-05-16.
- ↑ "You Asked: Should I Get a Facial?" (en ভাষাত). Time. http://time.com/5047587/facial-spa-skin-care/। আহৰণ কৰা হৈছে: 2018-09-12.
- ↑ Remedios, Faye (2022-07-01). "The do's and don'ts of mud masks, and why it will be your newest skin obsession" (en-IN ভাষাত). Vogue India. https://www.vogue.in/beauty/content/the-dos-and-donts-of-mud-masks-and-why-it-will-be-your-newest-skin-obsession। আহৰণ কৰা হৈছে: 2023-01-31.
- ↑ "What type of face mask is best for my skin type? | Paula's Choice" (en ভাষাত). www.paulaschoice-eu.com. https://www.paulaschoice-eu.com/on/demandware.store/Sites-paulaschoice_eu-Site/en/Search-Show?cgid=what-type-of-face-mask-is-best-for-my-skin-type। আহৰণ কৰা হৈছে: 2021-05-16.