বাৰ্তাপখিলী
বাৰ্তাপখিলী অসমীয়া ভাষাৰ এখন মাহেকীয়া আলোচনী৷ ভাষা, সাহিত্য, সংস্কৃতি বিষয়ৰ আৰু আঠাইশ বছৰ ধৰি প্ৰকাশ পাই অহা আলোচনীখনৰ ইণ্টাৰনেচনেল ষ্টেণ্ডাৰ্ড ছিৰিয়েল নাম্বাৰ হ’ল ISSN 2249-9865৷
| সম্পাদক | খৰ্গেশ্বৰ পেগু |
|---|---|
| প্ৰকাশনৰ হাৰ | মাহেকীয়া |
| দেশ | ভাৰত অসম |
| ভাষা | অসমীয়া |
| ISSN সংখ্যা | 2249-9865 |
ইতিহাস
সম্পাদনা কৰকতামুলপুৰ জিলাৰ এঘাৰ মাইলৰ ব্ৰজেন্দ্ৰ নাথ ডেকা নামৰ যুৱক এজনে গুৱাহাটীৰ আৰ্য্য বিদ্যাপীঠ মহাবিদ্যালয়ৰ পৰা বিজ্ঞানৰ স্নাতক ডিগ্ৰী লাভ কৰাৰ পিছত সাহিত্য আলোচনী এখন উলিওৱাৰ সংকল্প লয়৷ প্ৰথমাৱস্থাত ’টেবলয়ড’ আকাৰৰ ১২/১৬ পৃষ্ঠাৰ বাতৰি কাকত দৰে আলোচনীখন প্ৰকাশ পায়৷[1] ইয়াৰ বাবে ডেকাই হাতত মূলধন নথকা অৱস্থাতেই লেখকৰ ঘৰে ঘৰে গৈ লেখা সংগ্ৰহ কৰি সেইবোৰ নিজে সম্পাদনা কৰি কোনোবা প্ৰেছত ছপাই প্ৰকাশৰ বাবে সাজু কৰিছিল৷ বাৰ্তাপখিলীৰ প্ৰস্তাৱনা সংখ্যা প্ৰকাশ পাইছিল ১৯৯৫ চনৰ ৭ অক্টোবৰত৷ মাহেকীয়া আলোচনী বাৰ্তাপখিলীৰ নামটো ৰাখিছিল কটন মহাবিদ্যালয়ৰ অধ্যাপক প্ৰয়াত বিমল কুমাৰ ভূঞা আৰু বৰ্তমান অসমৰ মুখ্যমন্ত্ৰী হিমন্ত বিশ্ব শৰ্মাই৷ আলোচনীখনৰ প্ৰথম সংখ্যাটো অসমৰ প্ৰাক্তন মুখ্যমন্ত্ৰী হিতেশ্বৰ শইকীয়াৰ মন্ত্ৰীসভাৰ চতুৰ্থ বৰ্ষপূৰ্তি উপলক্ষ্যত উলিওৱা হৈছিল৷ সাহিত্যিক লক্ষ্যধৰ চৌধুৰীয়ে প্ৰস্তাৱনা সংখ্যাটো উন্মোচন কৰিছিল৷ তাৰ তিনিমাহ পিছৰ পৰা অৰ্থাৎ ১৯৯৬ চনৰ পৰা আলোচনীখন ধাৰাবাহিকভাৱে প্ৰকাশ পাই আহিছে৷ পিছলৈ ২০০০ চনত সম্পাদক ডেকাই বিশাল প্ৰকাশন নামে এটি প্ৰকাশন প্ৰতিষ্ঠান গঢ় দি তাৰ পৰাই আলোচনীখন প্ৰকাশ কৰে৷ ইয়াৰ আগৰ সময়খিনিত তেওঁ বেলেগ বেলেগ প্ৰেছত ছপাই বিতৰণৰ ব্যৱস্থাও নিজেই কৰিছিল৷ ২০১২ চনত বাৰ্তাপখিলীয়ে ইণ্টাৰনেচনেল ষ্টেণ্ডাৰ্ড ছিৰিয়েল নাম্বাৰ লাভ কৰে৷[2] ১৯৯৬ চনৰ দ্বিতীয় সংখ্যা অগ্ৰদূত কাকতৰ নকৈ সংলগ্ন অফছেট প্ৰিণ্টিঙত ছপোৱা হৈছিল৷ চিত্ৰশিল্পী পদ্ম সিংহই বেটুপাত অংকন কৰিছিল আৰু তেওঁৰ পৰামৰ্শতে আলোচনীখন দ্বৈত ৰঙৰ (By colour) কৰি পিছলৈ ২০০১ চনত চাৰিটা ৰঙৰ সমাহাৰ ঘটাই দেখনীয়াৰ কৰি শৰাইঘাট প্ৰিণ্টাৰ্চৰ ছপা কৰি আলোচনীখন উলিয়াইছিল৷ ড° যতীন মিপুন মুখ্য সম্পাদক হৈছিল আৰু তেওঁৰ মৃত্যুত খৰ্গেশ্বৰ পেগুৱে সম্পাদনাৰ দায়িত্ব লৈছিল আৰু তেতিয়াৰ পৰাই তেৱেঁই সম্পাদক হৈ আছে৷ ১৯৯৬ চনৰ পৰা এতিয়ালৈ অৰ্থাৎ ২০২২ চনৰ অক্টোবৰ মাহলৈ আলোচনীখন ধাৰাবহিকভাৱে প্ৰকাশ পাই অহাটো এটা ইতিবাচক দিশ৷[3]