মিনীমাতা: বিভিন্ন সংশোধনসমূহৰ মাজৰ পাৰ্থক্য

[[সৎনামী]] সমাজৰ ত্ৰানকৰ্তা, গুৰুমাতাৰ পদ অলংকৃত কৰা [[অসম]] গৌৰৱ মমতাময়ী [[মিনীমাতা]]ৰ জন্ম ১৩ মাৰ্চ ১৯১৩ চনত দৌল উৎসৱৰ দিনা [[অসম]] ৰাজ‍্যৰ [[নগাঁও]] জিলাৰ [[কলিয়াবৰ]] মহকুমাৰ অন্তৰ্গত '''দলগাঁও (বামুণভেটি)'''গাঁৱত হৈছিল। তেওঁৰ পিতৃৰ নাম '''অজেংগ''' আৰু মাতৃৰ নাম আছিল '''মতীবাই'''। পিতৃ অজেংগ [[চীন]] দেশৰ মংগোলীয় গোষ্ঠীৰ লোক আছিল। বানপানীৰ কবলত পৰি তেওঁ ব্ৰহ্মপুত্ৰ‌ই দি আহি চিকনী চাহ বাগিচাত কৰ্মৰত আছিল। [[মিনীমাতা]]ৰ পূৰ্বপুৰুষ [[ছতীশগঢ়]] ৰাজ‍্যৰ বাসিন্দা আছিল। ১৮৫৩, ১৮৫৬, ১৮৬৬ আৰু ১৮৬৭ চনত ছতীশগঢ়ত অকাল-দুৰ্ভিক্ষ‌ই দেখা দিছিল। ফলস্বৰূপে মিনীমাতাৰ ককা '''আধাৰী সৎনামী''' আৰু আইতাক '''বুধিয়াৰীনে''' তিনিগৰাকী কন‍্যা সন্তান সহ বাগানৰ ঠিকাদাৰ এজনৰ তলত কৰ্মসূত্ৰে অসমলৈ আহে। কিছুদিন পাছত মিনীমাতাৰ মাতৃ মতীবাইৰ অজেংগৰ লগত বিয়া হয় আৰু তিনিগৰাকী সন্তানৰ জন্ম দিয়ে। কিন্তু তিনিওগৰাকী সন্তান পাৰিবাৰিক কন্দলৰ বলি হৈ মৃত্যুক সাৱটিব লগা হোৱাত মতীবাই দুখত ভাগি পৰে। পুনৰ চতুৰ্থবাৰ গৰ্ভৱতী হোৱাত তেওঁ পাৰিবাৰিক অশান্তিৰ ফলত চিকনী বাগানৰ পৰা পোনে পোনে [[কলিয়াবৰ]]ৰ মধ‍্যস্থল '''দলগাঁও (বামুণভেটি)''' গাঁৱলৈ সম্বন্ধীয় মাহীয়েকৰ ঘৰত আশ্ৰয় লয় আৰু তাতেই [[মিনীমাতা]]ৰ জন্ম হয়।