মূল মেনু খোলক

প্ৰতিজন অসমীয়াৰ বাপতিসাহোন উৎসৱ বিহুৰ সময়ত গোৱা পৰম্পৰাগতভাৱে চলি অহা গীতসমুহকে বিহুগীত বুলি কোৱা হয় । বৰ্তমান সময়ত বিহুগীত আৰু বিহুনাম দুয়োটাকে সমাৰ্থক শব্দ হিচাপে ব্যৱহাৰ কৰা হয়৷ অসমীয়া জনজীৱনৰ লগত জড়িত সকলো বিষয়েই বিহুগীতত স্থান লাভ কৰিছে৷ মুখ্যতঃ পৰম্পৰাগত বিহু অনুষ্ঠানকেইটাৰ আধাৰতে বিহুনামবোৰ ৰচিত আৰু পৰিৱেশিত হৈ আহিছে৷ এনে পৰম্পৰাগত বিহু অনুষ্ঠান হৈছে: ৰাতিবিহু, দিনৰ ভাগত বৰ গছৰ তল, পথাৰ আৰু জুপজুপীয়া হাবিয়নিত মৰা গছতলৰ বিহু ওৰফে গাভৰু বিহু ওৰফে চেনেহী বিহু ওৰফে মাইকী বিহু ওৰফে জেং বিহু আৰু গৃহস্থৰ চোতালত মৰা হুঁচৰি

এটি জনপ্ৰিয় বিহুগীত, শিল্পী: অঙ্গৰাগ "পাপন" মহন্ত

ৰাতিবিহু আৰু গছতলৰ বিহুৰ বিহুনামসম্পাদনা কৰক

ৰাতিবিহু আৰু গছতলৰ বিহুত বিহুনামৰ একো একোটা ফাকি ইফাকিৰ পিছ্ত সিফাকিকৈ সকলোৱে গাইছিল৷ লগত বজোৱা হৈছিল টকা আৰু হাত চাপৰি৷ ৰাতিবিহুৰ প্ৰচলিত বিহুনাম গোৱা অন্য এটা ধৰণ আছিল যোৰানাম৷ একোফাকি বিহুনামৰ উত্তৰ হিচাপে তাৰ পিছৰ ফাকি বিহুনাম গোৱা হৈছিল৷ ৰাতিবিহু আৰু গছতলৰ বিহুৰ বিহুনামবিলাক ৰচিত হৈছিল দুলড়ী ছন্দৰ দুটা পংক্তিত৷ প্ৰায়বোৰ বিহুনামৰ ফাকিতে ব্যৱহৃত হৈছিল উপমাৰ, অৰ্থাত অতি পোনপটীয়াকৈ বা প্ৰত্যক্ষভাৱে নকৈ একোটা উপমাৰ আলমত একোটা ভাব একোফাকি নাম/গীতৰ দ্বাৰা প্ৰকাশ কৰা হৈছিল৷

হুঁচৰি অনুষ্ঠানৰ বিহুনামসম্পাদনা কৰক

হুঁচৰি অনুষ্ঠানতো প্ৰধানতঃ দুচাপৰীয়া তালতে বিহুনাম গোৱা হয়৷ হাত চাপৰি আৰু টকাৰ উপৰিও বিহুনাম গাওঁতে ঢোল সংগত কৰা হয়৷ হুঁচৰি অনুষ্ঠানত সাধাৰণতে একোটা মূল বিহুনাম বা জাত থাকে৷ যিটো প্ৰথমে এজন নামতিয়ে লগায় দিয়ে আৰু তাৰ পাছত সকলোৱে একেলগে গায়৷[1]


তথ্যসূত্ৰসম্পাদনা কৰক

  1. প্ৰান্তিক ১৬ এপ্ৰিল ২০১১

বাহ্যিক সংযোগসম্পাদনা কৰক

  • oldwikisource:বিহু গীত (ৱিকি উত্সত বিহুগীতসমূহৰ লিপি সন্নিবিষ্ট কৰা আছে।)
  • বিহুগীত [[1]]
  • এটি বিহুগীত শুনিবলৈ ইয়াত ক্লিক কৰক [2]
  • এটি আধুনিক বিহুগীত শুনিবলৈ ইয়াত ক্লিক কৰক [3]
  • Bihu Songs of Assam, by Prafulladutta Goswami, published by Lawyers Book Stall,1957