বৃন্দা কাৰাট
বৃন্দা কাৰাট (ইংৰাজী: Brinda Karat ; জন্ম: ১৭ অক্টোবৰ ১৯৪৭)[1][2] এগৰাকী ভাৰতীয় মাৰ্ক্সবাদী ৰাজনীতিবিদ আৰু ২০০৫ চনৰ ১১ এপ্ৰিলৰ পৰা ২০১১ চনলৈকে পশ্চিম বংগক প্ৰতিনিধিত্ব কৰা ৰাজ্যসভাৰ প্ৰাক্তন সাংসদ। তেওঁ ভাৰতীয় কমিউনিষ্ট পাৰ্টি (মাৰ্ক্সবাদী)ৰ সদস্য।
বৃন্দা কাৰাট | |
|---|---|
 | |
| ভাৰতীয় কমিউনিষ্ট পাৰ্টি (মাৰ্ক্সবাদী) পলিটব্যুৰোৰ সদস্য | |
পদাধিকাৰ | |
| কাৰ্যভাৰ গ্ৰহণ ২০০৫ | |
| ৰাজ্যসভাৰ সাংসদ | |
| কাৰ্যকাল ২০০৫-২০১১ | |
| সমষ্টি | পশ্চিম বংগ |
| ব্যক্তিগত তথ্য | |
| জন্ম | বৃন্দা ৰয় ১৭ অক্টোবৰ, ১৯৪৭ (৭৭ বছৰ) কলকাতা, পশ্চিম বংগ, ভাৰত অধিৰাজ্য |
| ৰাজনৈতিক দল | ভাৰতীয় কমিউনিষ্ট পাৰ্টি (মাৰ্ক্সবাদী) |
| দাম্পত্যসঙ্গী | প্ৰকাশ কাৰাট (বি. ১৯৭৫) |
| সমন্ধ | ৰাধিকা ৰয় (ভনীয়েক) প্ৰণয় ৰয় (ভনী জোৱায়েক) |
| স্বাক্ষৰ |  |
২০০৫ চনত তেওঁ চিপিআই(এম) পলিটব্যুৰোৰ প্ৰথম মহিলা সদস্য।[3] ১৯৯৩ চনৰ পৰা ২০০৪ চনলৈকে তেওঁ সৰ্বভাৰতীয় গণতান্ত্ৰিক মহিলা সন্থাৰ (AIDWA) সাধাৰণ সম্পাদিকাও আছিল।[3][4] তাৰ পিছত তেওঁ সংগঠনটোৰ উপ-সভানেত্ৰী হয়।[5]
প্ৰাৰম্ভিক জীৱন আৰু শিক্ষা
সম্পাদনা কৰক১৯৪৭ চনৰ ১৭ অক্টোবৰত ভাৰতৰ পশ্চিম বংগৰ কলিকতাত জন্ম হয়। তেওঁৰ মাক আৰু দেউতাকৰ নাম ক্ৰমে অশ্ৰুকণা মিত্ৰ আৰু সুৰজ লাল দাস। মাক বঙালী আৰু দেউতাক আছিল নতুনকৈ সৃষ্টি হোৱা পাকিস্তানৰ পৰা অহা পাঞ্জাবী শৰণাৰ্থী। স্বাভাৱিকতে বিয়াখনত পাৰিবাৰিক বিৰোধ হৈছিল। কাৰাটেৰ মোমায়েকে বিয়াত উপস্থিত থকাত সামাজিক নিষেধাজ্ঞা আৰোপ কৰে। অৱশেষত জাতীয়তাবাদী মনোভাবৰ ব্যক্তি সুবোধ মালিকৰ ঘৰত বৈবাহিক অনুষ্ঠানটো সম্পন্ন হয়।[2]
কাৰাটে ৪ জন ভাই-ভনীৰ সৈতে ডাঙৰ হৈছিল। তেওঁৰ ওপৰত আছিল এজন ককায়েক আৰু এজনী বায়েক। তেওঁৰ তলত এজনী ভনীয়েক। এখন উদাৰ আৰু ধৰ্মনিৰপেক্ষ ঘৰত তেওঁলোক ডাঙৰ-দীঘল হৈছিল। ২০০৫ চনত দিয়া এক সাক্ষাৎকাৰত তেওঁ অতীত স্মৰণ কৰি কয় যে, “আমি যথেষ্ঠ স্বাধীনতা পাইছিলো। এনেকুৱা ক্ষেত্ৰত যুঁজিবলগীয়া কোনো ঘটনাই মোৰ জীৱনত সংঘটিত হোৱা নাছিল।”।[6]
ৰাজনৈতিক জীৱন
সম্পাদনা কৰক১৯৬৭ চনত মিৰাণ্ডা হাউছৰ পৰা স্নাতক ডিগ্ৰী লাভ কৰাৰ পিছত তেওঁ লণ্ডনলৈ ৰাওনা হয় আৰু তাত তেওঁ বণ্ড ষ্ট্ৰীটত এয়াৰ ইণ্ডিয়াত চাৰি বছৰ কাম কৰে।[7] এয়াৰ ইণ্ডিয়াত কাম কৰি থাকোঁতে বিমান সংস্থাত শাৰী পৰিধানৰ পৰিৱৰ্তে স্কাৰ্ট পৰিধান কৰাটো বাধ্যতামূলক কৰাৰ বিৰুদ্ধে প্ৰচাৰ চলাইছিল। অৱশেষত এয়াৰ ইণ্ডিয়াৰ মুখ্য কাৰ্যালয়ে তেওঁৰ কথাত সন্মতি প্ৰকাশ কৰে আৰু তেতিয়াৰ পৰাই লণ্ডনত বিমান সংস্থাটোৰ বাবে কাম কৰা মহিলাসকলে ইউনিফৰ্ম হিচাপে শাৰী নে স্কাৰ্ট পিন্ধিব সেইটো নিৰ্বাচন কৰাৰ অধিকাৰ পায়।[8]
একে সময়তে ভিয়েটনামত আমেৰিকাৰ হস্তক্ষেপৰ প্ৰতিবাদত সমগ্ৰ ইউৰোপ আৰু আটলাণ্টিকত যুদ্ধবিৰোধী প্ৰতিবাদ বৃদ্ধি পাইছিল। কাৰাটৰ বাবে এইটোৱেই আছিল টাৰ্নিং পইণ্ট। ২০০৫ চনত তেওঁ উল্লেখ কৰিছিল, “ভিয়েটনামৰ দৰে দুখীয়া দেশ এখনক আমেৰিকাৰ দৰে বৃহৎ শক্তিয়ে কিয় আক্ৰমণ কৰিব লাগে? যুৱক-যুৱতীসকলে কিয় যুদ্ধলৈ যাব লাগে? যুদ্ধৰ কাৰণ কি আছিল? এই প্ৰশ্নবোৰ আজিও প্ৰাসংগিক। সেই সময়ত ভিয়েটনাম যুদ্ধক প্ৰশ্ন নকৰাকৈ আপুনি ডেকা হ’ব নোৱাৰিছিল।” তেওঁ কেইটামান ভাৰতীয় ছাত্ৰ গোটৰ সৈতে জড়িত আছিল, কিন্তু বিশেষভাৱে কোনো প্ৰতিষ্ঠানৰ সৈতে জড়িত নাছিল। তেওঁ মাৰ্ক্সবাদী সাহিত্য অধ্যয়ন কৰিছিল আৰু “ভাৰতীয় প্ৰেক্ষাপটত সেই সম্পৰ্কীয় সজাগতা”অনাৰ উপায় বিষয়ে চিন্তা কৰিবলৈ আৰম্ভ কৰিছিল।[7]
তথ্যউৎস
সম্পাদনা কৰক- ↑ "B'day Special: Brinda Karat " from 'air-hostess' to first female member of CPM Polit Bureau" (en ভাষাত). India TV News. 16 October 2013. https://www.indiatvnews.com/politics/national/brinda-karat-airhostess-to-first-female-member-cpm-polit-bureau-13063.html.
- ↑ 2.0 2.1 Sharma, Ashish (11 August 2007). "Interview, livemint". Mint. http://www.livemint.com/2007/08/11003622/Brinda-Karat.html.
- ↑ 3.0 3.1 "Author profile, threeessays". Archived from the original on 4 January 2008. https://web.archive.org/web/20080104013648/http://www.threeessays.com/authors.php?id=17। আহৰণ কৰা হৈছে: 17 January 2008.
- ↑ New woman on top December 2004
- ↑ সাঁচ:Usurped
- ↑ "Exclusive Interview/Brinda Karat" (en ভাষাত). Rediff. https://www.rediff.com/news/2005/may/04inter1.htm। আহৰণ কৰা হৈছে: 2022-11-13.
- ↑ 7.0 7.1 "The Rediff Interview/Marxist leader Brinda Karat". Rediff.com. 4 May 2005. Retrieved 22 February 2019.
- ↑ "A brand named Brinda". Calcutta: The Telegraph. 16 April 2005. Retrieved 23 February 2019.
বাহ্যিক সংযোগ
সম্পাদনা কৰক| ৱিকিমিডিয়া কমন্সত Brinda Karat সম্পৰ্কীয় মিডিয়া ফাইল আছে। |