মাইকেল ক্ৰেমাৰ
মাইকেল ৰবাৰ্ট ক্ৰেমাৰ (ইংৰাজী: Michael Robert Kremer; জন্ম ১২ নৱেম্বৰ ১৯৬৪)[2] এগৰাকী আমেৰিকান উন্নয়ন অৰ্থনীতিবিদ। তেওঁ বৰ্তমান হাৰ্ভাড বিশ্ববিদ্যালয়ৰ ডেভলপিং ছ'চাইটিছৰ গেট আসনৰ অধ্যাপক। তেওঁক অভিজিৎ বেনাৰ্জী আৰু ইস্থাৰ ডাফ্লোৰ সৈতে "গোলকীয় দৰিদ্ৰতা নিৰ্মূলৰ বাবে তেওঁলোকৰ পৰীক্ষামূলক অভিগমন"ৰ বাবে ২০১৯ চনৰ অৰ্থনীতিৰ ন'বেল বঁটা প্ৰদান কৰা হয়।[3][4]
| মাইকেল ক্ৰেমাৰ | |
|---|---|
| জন্ম | মাইকেল ৰবাৰ্ট ক্ৰেমাৰ ১২ নৱেম্বৰ, ১৯৬৪ (৬০ বছৰ) |
| ক্ষেত্ৰ | উন্নয়ন অৰ্থনীতি স্বাস্থ্য অৰ্থনীতি |
| কৰ্মস্থান | হাৰ্ভাড বিশ্ববিদ্যালয় |
| শিক্ষানুষ্ঠান | হাৰ্ভাড বিশ্ববিদ্যালয় (বিএ, এমএ, পিএইছডি) |
| ডক্তৰেল পৰামৰ্শদাতা | ৰবাৰ্ট বেৰ' |
| ডক্তৰেল বিদ্যাৰ্থী | এডৱাৰ্ড মিগুৱেল।[1] |
| প্ৰভাৱান্বিত কৰিছে | ইস্থাৰ ডাফ্লো |
| উল্লেখনীয় বঁটা | অৰ্থনীতিৰ ন'বেল বঁটা (২০১৯) |
প্ৰাৰম্ভিক জীৱন আৰু শিক্ষা
সম্পাদনা কৰক১৯৬৪ চনৰ ১২ নৱেম্বৰ তাৰিখে আমেৰিকাৰ ইহুদী পৰিয়ালত মাইকেল ক্ৰেমাৰৰ জন্ম হৈছিল। তেওঁৰ পিতৃ ইউজেন ক্ৰেমাৰ এজন অষ্ট্ৰিয়া-পোলেণ্ডৰ পৰা আমেৰিকা যুক্তৰাষ্ট্ৰলৈ ইহুদী শৰণাৰ্থী আছিল। তেওঁৰ মাতৃ ছাৰা লিলিয়াম ক্ৰেমাৰ এগৰাকী ইংৰাজী সাহিত্যৰ অধ্যাপিকা আছিল। তেওঁ আমেৰিকাৰ ইহুদী ধৰ্মালম্বী আৰু ইহুদী গণহত্যাৰ বিশেষজ্ঞ আছিল।[5]
মাইকেল ক্ৰেমাৰে হাৰ্ভাড বিশ্ববিদ্যালয়ৰ পৰা সমাজ বিজ্ঞানত স্নাতক আৰু স্নাতকোত্তৰ ডিগ্ৰী লাভ কৰে। পিছলৈ একে বিশ্ববিদ্যালয়ৰৰ পৰা ১৯৯২ চনত পিএইছডি ডিগ্ৰী লাভ কৰে।[6] তাৰপিছত তেওঁ ১৯৯২ চনৰ পৰা ১৯৯৩ চনলৈ মেছাছুচেটছ প্ৰযুক্তিবিদ্যা প্ৰতিষ্ঠানত পষ্ট ডক্টৰেট আছিল। তেওঁ ১৯৯৩ চনৰ বসন্তত চিকাগো বিশ্ববিদ্যালয়ৰ অতিথি সহকাৰী অধ্যাপক হিচাপে নিয়োজিত আছিল। তাৰপিছত তেওঁ ১৯৯৩চনৰ পৰা ১৯৯৯ চনলৈ মেছাছুচেটছ প্ৰযুক্তিবিদ্যা প্ৰতিষ্ঠানত অধ্যাপক আছিল। ১৯৯৯ চনৰ পিছৰ পৰা বৰ্তমানলৈ হাৰ্ভাড বিশ্ববিদ্যালয় অধ্যাপক পদত অধিষ্ঠিত হৈ আছে।[7]
কৰ্মজীৱন
সম্পাদনা কৰকতেওঁ দৰিদ্ৰতা নিৰ্মূলকৰণক মুখ্য বিষয় হিচাপে গৱেষণা কৰিছিল। শিক্ষা অৰ্থনীতি আৰু স্বাস্থ্য অৰ্থনীতিৰ ওপৰত কাম কৰিছিল।[8] তেওঁ অভিজিৎ বেনাৰ্জী আৰু ইস্থাৰ ডাফ্লোৰ সৈতে উন্নয়ন অৰ্থনীতিৰ বিষয়ত গৱেষণা কৰিছিল। তেওঁ যাদৃচ্ছিক নিয়ন্ত্ৰিত পৰীক্ষাৰ উপযোগিতা স্থাপন কৰি দৰিদ্ৰতা বিৰোধী ক্ষেত্ৰত ব্যৱহাৰ কৰিছিল।[9] তেওঁৰ পৰীক্ষামূলক অন্বেষণৰ ফলত ইস্থাৰ ডাফ্লো প্ৰভাৱিত হৈছিল।[10]
তেওঁ আমেৰিকান কলা আৰু বিজ্ঞান একাডেমীৰ ফেল' নিৰ্বাচিত হৈছিল আৰু ১৯৯৭ চনত মেকআৰ্থাৰ ফেলশ্বিপ লাভ কৰিছিল।[11] ইয়াৰ লগতে তেওঁ ৰাষ্ট্ৰপতিৰ অধ্যাপক ফেলশ্বিপো লাভ কৰিছিল। ৱৰ্ল্ড ইকোনোমিক ফৰামে তেওঁক ইয়ং গ্লোৱেল লিডাৰ হিচাপে অভিহিত কৰিছিল। তেওঁ ইন'ভেচনছ ফৰ পভাৰ্তি নামৰ সংস্থাৰ লগত জড়িত। এই সংস্থায়ে উন্নয়নমূলক অসুবিধা সমূহৰ সামাজিক আৰু আন্তৰ্জাতিক সমাধানৰ বাবে গৱেষণা কৰে। তেওঁ গিভিং হোৱাট ৱি কেনৰ সদস্য। ই দৰিদ্ৰতা নিৰ্মূলকৰণৰ লগত জড়িত এক আন্তঃৰাষ্ট্ৰীয় সংগঠন।[12] তেওঁ ৱৰ্ল্ডটেক নামৰ সংস্থাৰ প্ৰতিষ্ঠাপক আৰু অধ্যক্ষ আছিল। সেইদৰে প্ৰিচিছন এগ্ৰীকালচাৰ ফৰ ডেভেলপমেণ্ট নামৰ সংস্থাৰ সহ প্ৰতিষ্ঠাপক আছিল। এই সংস্থায়ে ক্ষুদ্ৰ খেতিয়ক সকলক বিভিন্ন পৰামৰ্শ আগবঢ়ায়।[13]
তেওঁ এক মিলিয়ন বৰ্ষত অৰ্থনীতিৰ পৰিৱৰ্তন অধ্যয়ন কৰিছিল।[14] তেওঁ অৰ্থনৈতিক বৃদ্ধি আৰু জনসংখ্যাৰ বৃদ্ধিৰ লগত বৃদ্ধি হয় বুলি প্ৰমাণ কৰিছিল।
আন্তঃৰাষ্ট্ৰীয় বৃদ্ধি কেন্দ্ৰৰ বৃদ্ধি সপ্তাহ ২০১০ ত শিক্ষা ব্যৱস্থাৰ গুণগত মানদণ্ড উন্নত কৰিবলৈ এটি দলৰ নেতৃত্ব দিছিল।[15]
তেওঁ ডিএফআইডিৰ মুখ্য অৰ্থনীতিবিদ ৰাছেল গ্লেনষ্টাৰৰ স্বামী।
তথ্য উৎস
সম্পাদনা কৰক- ↑ "The political economy of education and health in Kenya / a thesis presented by Edward Andrew Miguel.". Research Kenya. http://researchkenya.or.ke/thesis/23220/political-economy-of-education-and-health-in-kenya। আহৰণ কৰা হৈছে: 3 May 2014.
- ↑ U.S. Public Records Index Vol 1 & 2 (Provo, UT: Ancestry.com Operations, Inc.), 2010.
- ↑ "The Prize in Economic Sciences 2019" (Press release). Royal Swedish Academy of Sciences. October 14, 2019. https://www.nobelprize.org/uploads/2019/10/press-economicsciences2019.pdf.
- ↑ Desk, The Hindu Net (2019-10-14). "Abhijit Banerjee among three to receive Economics Nobel" (en-IN ভাষাত). The Hindu. ISSN 0971-751X. https://www.thehindu.com/news/international/india-origin-abhijit-banerjee-among-three-to-receive-economics-nobel/article29680388.ece.
- ↑ "JEWISH NOBEL PRIZE WINNERS IN ECONOMICS". http://www.jinfo.org/Nobels_Economics.html.
- ↑ Aggarwal-Schifellite, Manisha (October 14, 2019). "Nobel in economic sciences awarded: Michael Kremer wins Sveriges Riksbank Prize in Economic Sciences in Memory of Alfred Nobel". The Harvard Gazette. https://news.harvard.edu/gazette/story/2019/10/harvards-michael-kremer-recognized-with-nobel-in-economics/.
- ↑ "Curriculum Vitae (Michael Kremer)". Harvard University. Archived from the original on October 14, 2019. https://web.archive.org/web/20191014105816/https://scholar.harvard.edu/files/kremer/files/kremer_cv_19.05.03.pdf। আহৰণ কৰা হৈছে: October 14, 2019.
- ↑ Wiseman, Paul; Ljubojevic, Aleksandar; LeBlanc, Steve (October 14, 2019). "3 economists who study poverty win Nobel Prize". Associated Pressapnews.com. https://www.apnews.com/777efc95f30f41cc997ee47ce04c1c89. "The three winners, who have worked together, revolutionized developmental economics by pioneering field experiments that generate practical insights into how poor people respond to education, health care and other programs meant to lift them out of poverty."
- ↑ Cho, Adrian (October 14, 2019). "Economics Nobel honors trio taking an experimental approach to fighting poverty". Science. https://www.sciencemag.org/news/2019/10/economics-nobel-honors-trio-taking-experimental-approach-fighting-poverty.
- ↑ Smialek, Jeanna (October 14, 2019). "Nobel Economics Prize Goes to Pioneers in Reducing Poverty: Three professors, Abhijit Banerjee and Esther Duflo, both of M.I.T., and Michael Kremer of Harvard, were honored.". The New York Times. https://www.nytimes.com/2019/10/14/business/nobel-economics.html.
- ↑ "MacArthur Foundation" (en ভাষাত). www.macfound.org. https://www.macfound.org/fellows/556/। আহৰণ কৰা হৈছে: July 23, 2018.
- ↑ "Members". www.givingwhatwecan.org. https://www.givingwhatwecan.org/about-us/members/.
- ↑ "PAD". www.precisionag.org. https://www.precisionag.org.
- ↑ Kremer, Michael (1993). "Population Growth and Technological Change: One Million B.C. to 1990". The Quarterly Journal of Economics খণ্ড 108 (3): 681–716. doi:10.2307/2118405. ISSN 0033-5533. https://www.jstor.org/stable/2118405.
- ↑ "Growth Week 2010 – Summary". https://www.theigc.org/wp-content/uploads/2014/08/GROWTH-WEEK-2010-Summary.pdf.