মালয়েছিয়া এয়াৰলাইন্স ফ্লাইট ৩৭০

উৰণ সংখ্যা MH-370 নামৰ আন্তঃৰাষ্ট্ৰীয় উৰাজাহাজ এখন মালায়ছিয়াৰ কুৱালালামপুৰ চহৰৰ পৰা চীনদেশৰ বেইজিং চহৰলৈ গৈ থকাৰ মাজ আকাশত নোহোৱা হৈ যায়৷ ২২৭জন যাত্ৰী, দুজন বিমানচালক আৰু ১০গৰাকী পৰিচাৰীকাৰে সৈতে উৰাজাহাজখন ৮-মাৰ্চ-২০১৪-ৰ মাজনিশা স্থানীয় ০১:২০ বজাত উৰিবলৈ আৰম্ভ কৰাৰ ৪৫ মিনিটমানৰ পিছতে সকলোবোৰ ৰাডাৰ পৰ্দাৰ পৰা হেৰাই যায়৷ ভূমিস্থ নিয়ন্ত্ৰণ কেন্দ্ৰসমূহৰ লগতো সকলো ৰেডিঅ’ সংযোগ হেৰাই যায়৷

মালয়েছিয়া এয়াৰলাইন্স ফ্লাইট ৩৭০

নিৰুদ্দেশ হোৱা মালয়েছিয়া এয়াৰলাইন্সৰ 9M-MRO বিমানখন, ২০১১ চনত
নিৰুদ্দেশৰ সাৰাংশ
তাৰিখ	৮ মাৰ্চ ২০১৪ (2014-03-08); ১০ বছৰ পূৰ্বে
সংক্ষিপ্ত বিবৰণ	কাৰণ জনা নাযায়, বিমানৰ কিছু অংশ উদ্ধাৰ হৈছে
স্থান	দক্ষিণ ভাৰত মহাসাগৰ (অনুমান)
যাত্ৰীৰ সংখ্যা	২২৭
কৰ্মচাৰীৰ সংখ্যা	১২
নিহত	২৩৯ (অনুমান)
জীৱিত থাকে	০ (অনুমান)
বিমানৰ ধৰণ	Boeing 777-200ER
পৰিচালক	মালয়েছিয়া এয়াৰলাইন্স
পঞ্জীয়ন	9M-MRO
যাত্ৰাৰ আৰম্ভনি	কুৱালালামপুৰ আন্তঃৰাষ্ট্ৰীয় বিমানবন্দৰ
লক্ষ্যস্থান	বেইজিং কেপিটেল আন্তঃৰাষ্ট্ৰীয় বিমানবন্দৰ

লগে লগে এক বিশাল আন্তৰ্জাতিক অনুসন্ধান আৰু উদ্ধাৰ অভিযান আৰম্ভ কৰা যায়৷ প্ৰথমতে উৰাজাহাজখন দক্ষিণ চীন উপসাগৰ য’ৰ পৰা অন্তৰ্ধান হৈছিল তাৰ দাঁতীকাষৰীয়া অঞ্চলসমূহত অনুসন্ধান চলোৱা হয়৷ কিছুদিনৰ ভিতৰতে এই অনুসন্ধান মালাক্কা প্ৰণালী, আন্দামান সাগৰ আদিলৈও সম্প্ৰসাৰিত হয়৷ প্ৰত্যক্ষভাৱে জড়িত মালায়ছিয়া, চীনা, ভিয়েটনাম আদিৰ লগতে ভাৰত, থাইলেণ্ড, আমেৰিকা, অষ্ট্ৰেলিয়া আদি মুঠ ২৬খন দেশ এই অভিযানত জড়িত হৈ পৰে৷

উপৰোক্ত অঞ্চলসমূহত উৰাজাহাজখনৰ কোনো ভগ্নাংশ নোপোৱাত, ৰাডাৰ আৰু কৃত্ৰিম উপগ্ৰহত পোৱা সংকেত বিশ্লেষণ কৰি এতিয়া ই ভাৰত মহাসাগৰৰ দক্ষিণত অষ্ট্ৰেলিয়াৰ পাৰ্থ-নগৰৰ পৰা পশ্চীম দিশে প্ৰায় ২০০০ কি.মি. দূৰত সাগৰৰ তলীত পৰি আছে বুলি অনুমান কৰা হৈছে৷ সেইবাবে মালায়ছিয়াৰ অনুৰোধত, অষ্ট্ৰেলীয়াৰ নেতৃত্বত ভাৰত মহাসগৰৰ দক্ষিণ অংশত এক বিশাল অভিযান চলোৱা হয়৷ কেইবাখনো উচ্চ প্ৰযুক্তিৰ বিমান, নৌ-সেনাৰ জাহাজ আদিয়ে ৪৫০০ মিটাৰতকৈয়ো দ পানী থকা, নিকততম ভূখণ্ডৰ পৰা ১০০০-২০০০ কি.মি. নিলগত এই দুৰ্গম্য অঞ্চলৰ এক বৃহত অংশত কেইবাদিনো ধৰি অনুসন্ধান চলায়৷ তাৰে এটা অংশৰ পৰা অৱশেষত এক ধ্বনি-সংকেত পোৱা যায়, ইয়াক অন্তৰ্ধান হোৱা উৰাজাহাজখনৰ black-box-ৰ পৰা অহা সংকেত বুলি ঠাৱৰ কৰা হয়৷ সেই নিৰ্দিষ্ট অংশত অত্যাধুনিক স্বয়ংচালিত শিহুজাহাজৰ সহায়ত অনুসন্ধান চলোৱা হয়৷ কিন্তু তাতো এতিয়ালৈকে একো পোৱা নগ’ল৷

এই ঘটনাটিয়ে ইতিমধ্যে মানৱ উৰণ-প্ৰযুক্তিৰ বুৰঞ্জীত সবাতোকৈ ৰহস্যজনক আৰু অসমাধিত ঘটনা বুলি পৰিগণিত হৈছে৷

বাহ্যিক সংযোগ

• ৱিকিমিডিয়া কমন্সত মালয়েছিয়া এয়াৰলাইন্স ফ্লাইট ৩৭০ সম্পৰ্কীয় মিডিয়া ফাইল।
• Prime Minister of Malaysia Press Releases.
• Malaysian Ministry of Transport Archived 2014-10-29 at the Wayback Machine: Press Statements and Briefings from the Prime Minister, Minister of Defence and acting Minister of Transport, Director General of the Department of Civil Aviation and Director General of Immigration. Includes transcripts of questions and answers not available on other external links.
• Updates regarding MH370 Archived 2020-05-22 at the Wayback Machine from Malaysia Airlines
• Australian Maritime Safety Authority MH370 Search Media Kit Archived 2014-04-08 at the Wayback Machine Original Briefings and charts etc. for the MH370 search in the Australian area. Includes MP3 and MP4 videos of Media Briefings. From 1 April 2014, communication regarding the MH370 search were issued by the Joint Agency Coordination Centre (JACC). The AMSA site does however include all charts, including those after 1 April.
• JACC: Media releases, press conference transcripts.
• US Department of Defense – MH370: news & photos regarding MH370 from the US Department of Defense (content is in the public domain)