মালিগাঁও

মালিগাঁও(ইংৰাজী: Maligaon) হৈছে অসমৰ কামৰূপ মহানগৰ জিলাত অৱস্থিত এটি জনবসতিপূৰ্ণ এলেকা৷ উত্তৰ-পূব সীমান্ত ৰেলৱেৰ মুখ্য কাৰ্যালয় আৰু উত্তৰ-পূব সীমান্ত ৰে'লৱে ষ্টেডিয়ামখনি মালিগাঁৱতেই অৱস্থিত৷ কামাখ্যা মন্দিৰ, কালী মন্দিৰ, হনুমান মন্দিৰকে ধৰি একাধিক উপাসনাগৃহ মালিগাঁৱৰ আশে-পাশে অৱস্থিত৷ দুৰ্গা দেৱীৰ পূজাও মালিগাঁৱত উলহ-মালহেৰে উদযাপন কৰা হয়৷

মালিগাঁও Maligaon
বসতি
মালিগাঁৱস্থিত কেন্দ্ৰীয় বিদ্যালয় আৰু কামাখ্যা মন্দিৰৰ এখন আলোকছবি
দেশ	ভাৰত
ৰাজ্য	অসম
জিলা	গুৱাহাটী

যাতায়াত

বিমান সেৱা

মালিগাঁৱৰ সমীপৱৰ্তী বিমান বন্দৰটো হৈছে বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰ৷

ৰে'ল সেৱা

উত্তৰ-পূব সীমান্ত ৰেলৱে বা চমুকৈ N.F.Railway ভাৰতবৰ্ষৰ ওঠৰটা ৰে'ল মণ্ডলৰ অন্তৰ্গত৷ ইয়াৰ মুখ্য কাৰ্যালয়টো মালিগাঁৱতেই অৱস্থিত৷ সমগ্ৰ উত্তৰ-পূৰ্বাঞ্চলৰ ৰে'ল সেৱাৰ লগতে পশ্চিম বংগ আৰু বিহাৰৰ কিছু অংশৰ ৰে'ল সেৱা মালিগাঁৱৰ পৰাই নিয়ন্ত্ৰিত হয়৷ কামাখ্যা ৰে'লৱে ষ্টেছন, আমিনগাওঁ ৰে'লৱে ষ্টেছনৰ পৰা মালিগাঁৱলৈ আহিব পাৰি৷ গুৱাহাটী ৰে'লৱে ষ্টেছন মালিগাঁৱৰ পৰা প্ৰায় চাৰি মাইল নিলগত৷

নিলাচল পাহাৰ

আকৰ্ষণৰ ঠাই

• কামাখ্যা মন্দিৰ
• নীলাচল পাহাৰ
• ভুৱনেশ্বৰ মন্দিৰ
• কালিপুৰ আশ্ৰম
• পঞ্চ পাণ্ডৱ মন্দিৰ

উত্তৰ-পূব সীমান্ত ৰে'লৱে ষ্টেডিয়াম

উত্তৰ-পূব সীমান্ত ৰে'লৱে ষ্টেডিয়াম হৈছে মালিগাঁৱত থকা এখন বহুমুখী ষ্টেডিয়াম৷ এইখন খেলপথাৰত সাধাৰণতে ফুটবল, ক্ৰিকেট খেল অনুষ্ঠিত কৰা হয়৷ ইয়াৰ লগতে অইন খেলসমূহো আয়োজিত হৈ থাকে৷ ১৯৭৬ চনত এইখন ষ্টেডিয়ামত ৩৩খন প্ৰথম শ্ৰেণীৰ ক্ৰিকেট খেল অনুষ্ঠিত হৈছিল৷ সেইবাৰ অসমৰ ক্ৰিকেট দলটোৱে উৰিষ্যাৰ ক্ৰিকেট দলটোৰ লগত প্ৰতিদ্বন্দ্বিতা কৰিছিল৷ ১৯৭৮ চনৰ পৰা ২০০৯ চনৰ ভিতৰত এইখন ষ্টেডিয়ামত আৰু ৩২খন প্ৰথম শ্ৰেণীৰ ক্ৰিকেট খেল আয়োজিত হৈছিল৷ in 1976 when Assam cricket team played against Orissa cricket team. মধ্য ক্ষেত্ৰ ক্ৰিকেট দলটোৱে যেতিয়া উত্তৰ ক্ষেত্ৰৰ ক্ৰিকেট দলৰ বিৰুদ্ধে প্ৰতিদ্বন্দ্বিতা কৰিছিল, তেতিয়া এইখন ষ্টেডিয়ামতে পুনৰ ১৮খন A-তালিকাভুক্ত মেচ অনুষ্ঠিত হৈছিল৷ অৱশ্যে তাৰপিছৰ পৰা ষ্টেডিয়ামখনত প্ৰথম শ্ৰেণীৰ ক্ৰিকেট খেল অনুষ্ঠিত হোৱা নাই৷

লগতে চাওক

• পল্টন বজাৰ
• পাণ বজাৰ
• গণেশগুৰি

বাহ্যিক সংযোগ

• উত্তৰ-পূব সীমান্ত ৰে'লৱেৰ ৱেবপৃষ্ঠা Archived 2023-10-19 at the Wayback Machine