যোগ-বিয়োগ
যোগ-বিয়োগ (ইংৰাজী: Jog Biyog) ১৯৭১ চনত মুক্তি পোৱা এখন সঙ্গীত-মধুৰ অসমীয়া চলচ্চিত্ৰ। পৰিচালনা দ্বিবন বৰুৱাৰ। বৰুৱাই ছবিৰ কাহিনী আৰু চিত্ৰনাট্যও লিখিছিল। প্ৰযোজনা কৰিছিল সুপ্ৰভা দেৱীয়ে। সঙ্গীত ৰমেন বৰুৱাৰ। শব্দগ্ৰহণ অনিল দাসগুপ্তৰ। ২০১৩ চনত যোগ বিয়োগ ছবিৰ একমাত্ৰ প্ৰিণ্টটো জৰাজীৰ্ণ ৰূপত উদ্ধাৰ হয় আৰু সেইটো দূৰদৰ্শনযোগে সম্প্ৰচাৰিত কৰা হয়।[1]
| যোগ-বিয়োগ Jog Biyog | |
|---|---|
 | |
| পৰিচালক | দ্বিবন বৰুৱা |
| চিত্ৰনাট্য | দ্বিবন বৰুৱা |
| প্ৰযোজক | সুপ্ৰভা দেৱী |
| অভিনয়ত | ডাঃ হাদি আলম বৰা ইলা কাকতি |
| চিত্ৰগ্ৰহণকাৰী | বিজয় দে |
| সম্পাদনা | শিৱ ভট্টাচাৰ্য |
| সংগীত পৰিচালক | ৰমেন বৰুৱা |
মুক্তি |
৩১ ডিচেম্বৰ ১৯৭১ |
| দেশ | ভাৰত  |
| ভাষা | অসমীয়া |
কাহিনীৰ সাৰাংশ
সম্পাদনা কৰকনীৰু আৰু ধনীঘৰৰ সন্তান দীপকৰ মাজত বন্ধুত্ব হ’ল আৰু তাৰ ফলস্বৰূপে নীৰুৰ দেহত মাতৃত্বৰ চিন ফুটি উঠিল। উপায়হীন হৈ নীৰু ডাক্তৰ ফুকনৰ ওচৰ চাপিল। ডাক্তৰ ফুকনৰ চেষ্টাত দীপকে নীৰুক বিয়া কৰাবলৈ সন্মত হ’ল; কিন্তু এটা চৰ্তত। দীপকৰ সন্মান বচাবলৈ নীৰুৱে সন্তানটো নষ্ট কৰিব লাগিব। ডাক্তৰ ৰাজি হ’ল। বিনিময়ত দহহাজাৰ টকা দিব লাগিব। লগতে নীৰুৱে ডাক্তৰৰ শুশ্ৰূষা কেন্দ্ৰটোত কেইমাহমান থাকিব লাগিব।[1]
দুয়োৰো বিয়া হৈ গ’ল। তেওঁলোকৰ ছোৱালী এজনী ওপজিল। নাম থলে দীপা। লাহেলাহে দীপা ডাঙৰ হৈ আহিল আৰু দীপকৰ বন্ধুপুত্ৰ পৰাণৰ লগত ঘনিষ্ঠতা গঢ়ি উঠিল।[1]
গাঁৱৰ ল’ৰা নয়ন। গাঁৱৰে ছোৱালী জয়াক বিয়া পতাৰ প্ৰতিশ্ৰুতি দি নয়ন এদিন চহৰলৈ আহিল ইঞ্জিনিয়াৰিং পঢ়িবলৈ আৰু ইঞ্জিনিয়াৰিঙৰ পঢ়া শেষ কৰি দীপকৰ কাৰখানাতে চাকৰি ল’লে। কিন্তু কালচক্ৰত ঘটনাই এদিন বেলেগ ৰুপ ললে।[1]
অভিনয় শিল্পী
সম্পাদনা কৰকসঙ্গীত
সম্পাদনা কৰকসঙ্গীত-মধুৰ এই ছবিখনৰ সঙ্গীত পৰিচালনা কৰিছিল ৰমেন বৰুৱাই। গীত ৰচনা কেশৱ মহন্তৰ।[2]
| গীতৰ শীৰ্ষ | ||||||||||
|---|---|---|---|---|---|---|---|---|---|---|
| নং | শিৰোনাম | গীতিকাৰ | কন্ঠশিল্পী | দৈৰ্ঘ্য | ||||||
| 1. | "ৰিঙা ৰিঙা অ’ ৰিঙা ৰিঙা উদং পথাৰ, একাবেঁকা আলি" | কেশৱ মহন্ত | দ্বীপেন বৰুৱা, পাহাৰী শইকীয়া | |||||||
| 2. | "পোহৰে কি জানে ৰাতিৰ কি বেদনা" | কেশৱ মহন্ত | পাহাৰী শইকীয়া | |||||||
| 3. | "যিদিনা মনৰ দেউকা গজিল, নোৱাৰে সজাই আৰু ৰাখিব ধৰি" | কেশৱ মহন্ত | দ্বীপেন বৰুৱা | |||||||
| 4. | "কিয়নো ফুলে আজি বনৰীয়া ফুল" | কেশৱ মহন্ত | দ্বীপেন বৰুৱা, পাহাৰী শইকীয়া | |||||||
| 5. | "ইমান ধুনীয়াকৈ কোনে সৰজিলে কোনে নামে দিলে জয়া" | কেশৱ মহন্ত | দ্বীপেন বৰুৱা, পাহাৰী শইকীয়া | |||||||
| 6. | "টু শ্ৰী নহয় কাকতি পি.অ’. নাহৰজান, মোৰ জান, ডিয়াৰ চাৰ মানে মৰমৰ চাৰ" | কেশৱ মহন্ত | দ্বীপেন বৰুৱা | |||||||