ডিমাছা জনগোষ্ঠীৰ বিবাহৰ লগত জড়িত গীত-মাত সম্পাদনা কৰক

অসমীয়া বিবাহ অনুষ্ঠানত যিদৰে আয়তী সকলে বিয়া নামবোৰ পৰিৱেশন কৰে ঠিক তেনেদৰে ডিমাছা সমাজৰ বিয়ানামবোৰো আয়তী সকলে পৰিৱেশন কৰে । এই বিয়া নামবোৰ এক অমূল্য সম্পদ ।  বিয়াগীত বোৰ বিবাহৰ যিকোনো সময়তে গোৱা হয় । উদাহৰণস্বৰূপে - দৰা - কন্যা গা -ধোৱা সময়ত , পানী তুলিবলৈ যাওঁতে, দৰা কইনা দুয়োপক্ষৰ ল'ৰা - ছোৱালীৰ মাজত গোৱাৰ গীত ইত্যাদি ।

বিবাহ গীত আৰু ইয়াৰ ভাবাৰ্থ সম্পাদনা কৰক

পানী তুলিবলৈ যাওঁতে ডিমাছা সকলে গোৱা বিয়ানাম এফাঁকি হ'ল -

"লুগুখাহি ফাই খিৰিব ডিখাউ হিমা শাংমা যমুনাহা ,

ঘৰ  গাথেৰ নাহি লাবো ডিখাউহিমা থাংমা যমুনাহা ।

মাইজাং দুবৰি লাহি ফাই ডিখাউহিমা থাংমা যমুনাহা ।

লাগুৰাউকে জিৰিখাহি লাবো ডিমাউহিমা থাংমা যমুনাহা বাধা ।

মাছি চালামহি লাবো ডিখাউহিমা থাংমা যমুনাহা বাধা ।

মাছি চালামহি লাবো ডিখাউহিমা থাংমা যমুনাহা ।  

ভাবাৰ্থ :- আয়তীসকলে দৰা কন্যাক গা ধুৱাবৰ বাবে পানী তুলিবলৈ যমুনালৈ গৈছে । পানী তুলিবলৈ যাওঁতে প্ৰয়োজন হোৱা সামগ্ৰী যেনে - লোটা , ধান বা চাউল , দুৱৰি , তামোল-পান আদি ল'বলৈ কৈছে ।

আকৌ পানী তোলাৰ সময়ত গংগাদেৱীক স্তুতি কৰি লোৱা হয় এইবুলি -

"নমো নমো ভগীৰথী , নুংনো গংগা

গংগা হাবচাউনী খিৰিব '

বিলোদা মামা ছাৰাধানি

পাৰানানি মহিমা খলাহি খিৰিবখে

চুগুবা নুংনো আমাই

বিষ্ণুনি য়াঠেপহা চাগাইন মুনিচনি

বুমা ব্ৰহ্মামণ্ডল বিচিংঘা

ডাংবা , ব্ৰাহ্মমানি লুগু হাথানিখে

ৰাগাউ ৰিলাবা জীৱকে নুহি

হামায়া বালামহা হামবা

বালাম খলাই মানে দি ব্ৰামা ছাফাইখা

জিননি প্ৰিমিহা সূৰ্য্যবংশানি

ভগীৰথ সাগৰ লামা

ফুনুৰিহিনিখে প্ৰিথিমাহা লাবুবা

পাপ ৰাউয়াৰাউ পাপিৰাউ বুঠুনিনি

দিহা দুগাৰহিনি পাপ গাউলতা বৈকুণ্ঠাহাঠাং দু "।

ভাবাৰ্থ :- হে মা গংগা ভগীৰথী , তুমিয়ে মৰ্তবাসী কাৰণে সৰ্বেসৰ্বা দেৱী । তোমাৰ কৃপাতে আমি কুশলে আছোঁ । তুমি আমাক সৎপথেৰে লৈ যোৱা ।  ভগৰীথে তোমাক আনিছিল বোৱাই মৰ্তলৈ । তোমাৰ স্পৰ্শত সকলো পাপী তাপিয়ে মুক্তি লাভ কৰিছে । কন্যা গা ধোৱাৰ সময়ত অৰ্থাৎ নোৱাওঁতে  আয়তীসকলে উৰুলি  দি এনেদৰে গায় -

"খুনজাহা , মাজাংতি , ডুগুৰথা খিৰিব । পাইহি বাউগৈ ঠাংপাডো ডাইনলাই জানাবা মাজাংতি , গাজাউনি খামপ্লাইহা খামালখা । লুগুৰাউ গাজাউনি খাপৰাহা মাইজাং দুবৰি লাবুখা , খ্ৰাম , মুড়ি ।  খাজাচিচি দামদো , চেৰেবা চাউহা ঠাউ হুৰিদ চেৰেবা আৰগিলাডো ।।

ভাবাৰ্থ -: বেই ৰ মাজত সোণৰ পীৰাত বহি কন্যাই গা ধুইছে । দেখাত আকাশৰ জোনটি যেন লাগিছে । ওচৰতে এখন থালত দুবৰি , চাউল আদি ৰখা হৈছে । কেইগৰাকীমান  আয়তীয়ে কন্যাৰ মূৰত তেল দি আশীৰ্বাদ দিয়ে সুখী হ'বলৈ । ডিমাছা সমাজতো পানীক গংগা জ্ঞান কৰা হয় । সেয়ে গা পা ধুওৱাই দৰা কইনাক সাজু কৰি তোলে বিবাহৰ পবিত্ৰ বন্ধনলৈ ।

বিয়ানামৰ দৰে দৰা কইনা দুয়োপক্ষৰ  ল'ৰা -ছোৱালীৰ মাজত গীত গোৱাৰ নীতি আছে আৰু এনে বিয়ানামক তেওঁলোকে  'যামৰি বাণী চল' বুলি কয়। তলত এটা গীতৰ  একাংশ উদ্ধত কৰা হ'ল -

"মাচাইনজিক - লুগুৰাও তিলাকা গ্ৰাউনি কৰাইকে

জলাবা গ্ৰাউনি ৰাবাইকে লূগুৰাও

লুগুৰাওনি ৰিকাওচা হাবলিং লাইচজং

বাদাইহি দাওয়াবা থামনিমা গ্ৰামং

বাদাইহি দাওয়াবা বকেনিং বাদাদা তুলাগা

থিকাব য়ামচে বাচাও তাওলানাং

ৰিচে বাক্লাহা জলাংনা লুগুৰাও ।

মিয়াৰাও লুগুৰাওনি য়ামদেচা মালাংমা দাইনদ চিয়াৰ

মাইচিংমা দাইনদ হয়াবা

হাবলিং লাইচজাং বাদাইহি হয়াবা

জিনি দাওৰিলি তুৰাওজাং

জিনি মিচাইচা তুৰাওজাং

জিনি হৰিচ তুৰে তুয়ানি লুগুৰাও

লুগুৰাও য়ামদেচা গেবেং জিচাৰি জেলাংনাং

গচং পিচাৰি পিলাংনাং লুগুৰাও

লুগুৰাওনি য়ামদেচা দাওগিৰি নাইনেব মাইনাংয়া ।

ইয়াৰ অসমীয়া অৰ্থ -:

ল'ৰাৰ দল - সখীৰ পাটিৰ কাঠী তোলাতে ছমাহ লাগে

ছমাহ লাগে সখীৰ পাটীটো কওঁতে।

জুমৰ কলপাততকৈ ধুনীয়া পাটীত

আমাৰ চৰাইৰ দলে দলটো

আমাৰ হৰিণাৰ দৰে দলটো

আহি ৰাতি শুলে

সখীৰ পাটী বানীৰে ফাটিব

সখীৰ পাটী দীঘেৰে ফাটিব

সখীৰ পাতি ফুল মৰহি যাব ।

ছোৱালীৰ দল -:

এইটো কথাৰ কথাহে

পুৰণি জুমৰ কলপাতৰ দৰে তোমাৰ ৰিকাউচা

পাতলকৈ তাৰ ফুলবোৰ বছা ।

শুই পৰক বন্ধু , কাপোৰখন পাৰি

শুই পৰক বন্ধু কোনো চিন্তা নকৰি

পাটীটো ওপৰলৈ উঠি

ৰিকাউচা তল পৰিব ।  

এনেদৰে  বিবিধ গীত - মাতেৰে  ডিমাছা বিয়া এখন সম্পূৰ্ণ হয় ।

তথ্যদাতা সম্পাদনা কৰক

জীৱন হাষ্ণু, ডিফু ।