হৰিকান্ত দুৱৰা

চেংধৰা গাঁও :

ডিব্ৰুগড় জিলাৰ লাহোৱাল বিধান সভা সমষ্টিৰ অন্তৰ্গত ৰহমৰীয়া মৌজাৰ পূৱ দিশত চেংধৰা গাঁওখন অৱস্থিত । চেংধৰা গাঁৱৰ চাৰিসীমা হ'ল :- পূৱে ফুকনৰখাট গাঁও, পশ্চিম-দক্ষিণে মোকালবাৰী চাহ বাগিচা, উত্তৰে চেংধৰাবাৰী চাহ বাগিচা । গড়পৰা সত্ৰ গড়কাপ্তানী পথটি গাঁওখনৰ সোমাজেৰে গৈছে ।

         চেংধৰা গাঁৱত প্ৰায় সত্তৰটি পৰিয়াল আছে । গাঁওখনৰ ৯০% লোক কৃষিজীৱী । গাঁওখনত এখন মজলীয়া বিদ্যালয়, এখন উচ্চ মাধ্যমিক বিদ্যালয়, দুটি নামঘৰ, ফুকনৰখাট গাঁও পঞ্চায়ত কাৰ্য্যালয়, মধুজ্যোতি যুৱক সংঘ আৰু চেংধৰা মহিলা সমিতিৰ কাৰ্য্যালয়টি আছে । গাঁওখনৰ উত্তৰে ভেঁগুৰি নামেৰে এখনি ৰাজহুৱা হাবি, এখনি শ্মশান ঘাট, এখনি খেলপথাৰ আৰু দক্ষিণ দিশত চেংধৰা বিল আছে । বিলখনিত পদুম ফুল, মেটেকা আদি জলজ উদ্ভিদ, শেৱালী হাঁহ, গঙ্গা চিলনী, দাউক আদি চৰাই আৰু বিভিন্ন প্ৰজাতিৰ মাছ, বেং আছে । বিল খনলৈ বনৰীয়া ৰাজহাঁহ, ৰাংকং, বৰটোকোলা, বগলী আদি কিছুমান পৰিভ্ৰমি চৰাই আহে ।

হৰিকান্ত দুৱৰাৰ সৈতে এক আলোচনা আৰম্ভ কৰক

আলোচনা পৃষ্ঠাখন হৈছে য'ত সদস্যসকলে অসমীয়া ৱিকিপিডিয়াৰ বিষয়বস্তু কেনেকৈ সৰ্বোত্তম কৰি তুলিব সেই বিষয়ে আলোচনা কৰে। হৰিকান্ত দুৱৰাৰ সৈতে সংযোগ আৰু সহযোগিতা কৰিবলৈ এটা নতুন আলোচনা আৰম্ভ কৰক। ইয়াত আপুনি যি লিখিব সেয়া আনৰ বাবে ৰাজহুৱা হ’ব।

আলোচনা আৰম্ভ কৰক