সন্ধান ডট কম
| এই প্ৰবন্ধটোত তথ্যসূত্ৰৰ এখন তালিকা দিয়া আছে, কিন্তু ইয়াৰ উত্স পৰিষ্কাৰ নহয় কাৰণ শাৰীবোৰৰ মাজত উদ্ধৃতি যথেষ্ট পৰিমাণে দিয়া হোৱা নাই। অনুগ্ৰহ কৰি উপযুক্ত উদ্ধৃতি অন্তৰ্ভুক্ত কৰি এই প্ৰবন্ধটো উন্নত কৰাত সহায় কৰক। |
সন্ধান হৈছে অসমীয়া ভাষাৰ এখন অনলাইন আলোচনী। ২০১২ চনৰ জুলাই মাহত এই আলোচনীখনৰ প্ৰথম সংখ্যা প্ৰকাশ হয়। ই-আলোচনীখনে ২০১৫ চনত 'দক্ষিণ এছিয়া আৰু এছিয়া পেচিফিক মন্থন বঁটা লাভ কৰে ৷[1] তদুপৰি ২০১৬ চনত ই-সংস্কৃতি আৰু ঐতিহ্য শিতানত ৬ষ্ঠ ই-নৰ্থ ইষ্ট বঁটা লাভ কৰে ৷[2]
Screenshot  ‘সন্ধান’ৰ মুখ্য পৃষ্ঠাৰ। | |
Type of site |
অসমীয়া অনলাইন আলোচনী। |
|---|---|
| Available in | ১ |
| Headquarters | অসম |
| Owner | সন্ধান ডট কম। |
| URL | xondhan.com |
| Commercial | অব্যৱসায়িক |
| Launched | জুলাই, ২০১২ |
উদ্দেশ্য
সম্পাদনা কৰক ইউনিক’ডৰ যোগেদি ই-বিশ্বত অসমীয়া ভাষা-সাহিত্য প্ৰচাৰ কৰাটো আলোচনীখনৰ মুখ্য উদ্দেশ্য৷
ল’গ’ৰ অৰ্থ
সম্পাদনা কৰকসন্ধানৰ ল’গ’টো অসমীয়াৰ বাপতিসাহোন বিহুৰ লগত সংগতি ৰাখি তৈয়াৰ কৰা হৈছে। দুটা ম’হৰ শিঙৰ পেপাৰ চিহ্নৰে ইয়াক সজোৱা হৈছে আৰু লগতে দুয়োফালে থকা জোনস্বৰূপ অংশকেইটাৰে এক নতুন দিগন্ত আৱিষ্কাৰৰ উমান পোৱাৰ কথা সুচোৱা হৈছে।
পৰিচালনা
সম্পাদনা কৰকআলোচনীখনৰ প্ৰতিষ্ঠাপক নয়ন জ্যোতি কলিতা ৷ উপদেষ্টা, ব্যৱস্থাপক, সম্পাদক, সমন্বয়ক সমন্বিতে এটি কৰ্মদলে আলোচনীখন পৰিচালনা কৰে৷[3]
আলোচনীখনৰ অন্যান্য শিতান আৰু আঁচনি
সম্পাদনা কৰকআলোচনীখনত খেল-ধেমালি শিতানটোৰ[4] জড়িয়তে অসমত পুৰণি কালত গাওঁ অঞ্চলত বহুল প্ৰচলিত অথচ বৰ্তমান লুপ্তপ্ৰায় খেল-ধেমালিসমূহ প্ৰচলনৰ সময়, খেলাৰ নিয়ম আদি সবিস্তাৰে প্ৰকাশিত হৈছে। আৰু প্ৰথা-পৰম্পৰা শিতানেৰে[5] ইয়াত পুৰণি কালত পৰম্পৰাগত ভাবে পালন কৰা বিভিন্ন কাৰ্যত মৌখিক ভাবে প্ৰচলন হোৱা গীত–মাত, সাধুকথা, প্ৰৱচন আদিৰ সম্পৰ্কে প্ৰকাশ কৰা হৈছে। আলোচনীখনত উত্তৰ-পূৱ ভাৰতৰ কলা-সংস্কৃতি আৰু পৰ্যটন সম্পৰ্কীয় আলোকচিত্ৰ সৈতে লেখা[6] , সাক্ষাৎকাৰ[7] প্ৰকাশ কৰা হয়।