সোমদেৱ কিশোৰ দেৱবৰ্মন ( ইংৰাজী: Somdev Kishore Devvarman জন্ম:১৩ ফেব্ৰুৱাৰী, ১৯৮৫),ভাৰতবৰ্ষৰ এজন পেচাদাৰী টেনিছ খেলুৱৈ। সোমদেৱৰ মহাবিদ্যালয়ৰ বিজয়ীসকলৰ তিনিজন খেলুৱৈ, জন ইজনাৰ, কেভিন এণ্ডাৰছন আৰু জেছে লেভিনে, হৈছে পেচাদাৰী টেনিছ খেলুৱৈ হিচাপে সফলতা অৰ্জন কৰিছে।[2][3][4] এন চি এ এ টেনিছ চেম্পিয়নশ্বীপত প্ৰথমবাৰৰ বাবে একেৰাহে তিনিবাৰকৈ ফাইনেলত প্ৰৱেশ কৰি সোমদেৱ দেৱবৰ্মন বাতৰিৰ শিৰোনামলৈ আহিছিল। সোমদেৱ এই প্ৰতিযোগিতাৰ জুনিয়ৰ আৰু ছিনিয়ৰ বৰ্ষত একেৰাহে ফাইনেলত জয়ী হৈছিল। ১৯৫০ চনলৈকে মাত্ৰ তিনিজন খেলুৱৈহে এই লক্ষ্যত উপনীত হ'ব পাৰিছিল। "এন চি এ এ টেনিছ চেম্পিয়নশ্বীপ"ত সোমদেৱৰ ৪৪-১ ব্যৱধানৰ জয়-পৰাজয়ৰ অভিলেখ অভূতপূৰ্ব আছিল।[5]

সোমদেৱ দেৱবৰ্মন
সম্পূৰ্ণ নাম সোমদেৱ কিশোৰ দেৱবৰ্মন
দেশ  ভাৰত
বাসস্থান ছাৰ্লটছভিল, আমেৰিকা যুক্তৰাষ্ট্ৰ
জন্ম ১৩ ফেব্ৰুৱাৰী, ১৯৮৫ (৩৫ বছৰ)
গুৱাহাটী, অসম, ভাৰতবৰ্ষ
উচ্চতা ১.৮ মিটাৰ (৫ ফুট ১১ ইঞ্চি)
ওজন ৭৩ কিঃগ্ৰাঃ (১৬০ পাউণ্ড)
মহাবিদ্যালয় ভাৰ্জিনিয়া বিশ্ববিদ্যালয়
পেচা গ্ৰহণ ২০০৮[1]
হস্তশৈলী সোঁহতীয়া
কেৰিয়াৰৰ মুঠ প্ৰাইজমাণি ৭৭৯,৩৩০ ডলাৰ[1]
একক
কেৰিয়াৰৰ অভিলেখ ৪০-৫১[1]
সৰ্ব্বোচ্চ ৰেংকিং ৬২ নং (২৫ জুলাই, ২০১১)
বৰ্তমানৰ ৰেংকিং ২৫৯ নং
দ্বৈত
কেৰিয়াৰৰ অভিলেখ ১১-১৮
সৰ্ব্বোচ্চ ৰেংকিং ১৩৯ নং (৩১ অক্টোবৰ, ২০১১)
বৰ্তমান ৰেংকিং ১৪৭ নং
২৫ জুন, ২০১২ত শেষবাৰ আপডেট কৰা হৈছে।
Medal record
প্ৰতিনিধিত্ব কৰা দেশ  ভাৰত
টেনিছ পুৰুষ শাখা
কমনৱেলথ গেমছ
Gold medal – first place ২০১০ দিল্লী ছিংগলছ
এছিয়ান গেমছ
Gold medal – first place ২০১০ গোৱাংজু ছিংগলছ
Gold medal – first place ২০১০ গোৱাংজু ডাবলছ
Bronze medal – third place ২০১০ গোৱাংজু দলীয় শাখা

২০০৯ চনৰ "চেন্নাই অপেন"ত তেওঁ এজন ৱাইল্ড কাৰ্ড এণ্ট্ৰি হিচাপে যোগদান কৰিছিল। এই প্ৰতিযোগিতাৰ ফাইনেলত প্ৰৱেশ কৰি তেওঁ "এ টি পি ৱৰ্ল্ড টুৰ"ত সৰ্বশ্ৰেষ্ঠ প্ৰদৰ্শন দাঙি ধৰিছিল। ২০১০ চনত, সোমদেৱে নতুন দিল্লীত অনুষ্ঠিত হোৱা ১৯তম কমনৱেলথ গেমছৰ টেনিছৰ পুৰুষৰ ছিংগলছ শাখাত স্বৰ্ণপদক দখল কৰিছিল। ইয়াৰ পিছত চীনৰ গোৱাংজুত অনুষ্ঠিত হোৱা এছিয়ান গেমছত টেনিছৰ পুৰুষৰ ছিংগলছ আৰু ডাবলছ শাখাত স্বৰ্ণপদক দখল কৰিছিল। সোমদেৱৰ প্ৰশিক্ষক হৈছে স্কট মেককেইন।

২০১১ চনত, ৰাষ্ট্ৰীয় পৰ্য্যায়ৰ টেনিছৰ পোৱা সফলতাৰ বাবে ভাৰত চৰকাৰৰ পৰা সোমদেৱে অৰ্জুন বঁটা লাভ কৰে।[6]

প্ৰাৰম্ভিক জীৱনসম্পাদনা কৰক

১৯৮৫ চনৰ ১৩ ফেব্ৰুৱাৰীত ভাৰতবৰ্ষঅসম ৰাজ্যৰ অন্তৰ্গত গুৱাহাটীত সোমদেৱ দেৱবৰ্মনৰ জন্ম হৈছিল। তেওঁৰ পিতৃৰ নাম প্ৰবাঞ্জন দেৱবৰ্মন আৰু মাতৃৰ নাম ৰঞ্জনা দেৱবৰ্মন। তেওঁৰ পিতৃ এজন আয়কৰ বিভাগৰ এজন অৱসৰপ্ৰাপ্ত কমিছনাৰ। তেওঁৰ পিতৃ-মাতৃৰ ঘৰ ত্ৰিপুৰা ৰাজ্যত। ৩-৪ মাহৰ কেঁচুৱা কালতে সোমদেৱৰ পৰিয়াল কলিকতালৈ যায় আৰু তাত ৮ বছৰ বয়সলৈকে থাকে।[7] পিতৃৰ চাকৰিৰ বাবে পৰিয়ালটো তামিলনাডুচেন্নাইলৈ স্থানান্তৰিত হৈছিল আৰু তাতেই ৯ বছৰ বয়সৰপৰা টেনিছ খেলিবলৈ আৰম্ভ কৰিছিল।[8] ১৭ বছৰ বয়সৰপৰা সোমদেৱে "ফিউছাৰ টুৰ্ণামেণ্ট"ত অংশগ্ৰহণ কৰিবিলৈ আৰম্ভ কৰিছিল। ২০০৪ চনত তেওঁ কলকাতাৰ এফ 2 চেম্পিয়নশ্বিপত খিতাপ দখল কৰাৰ ফলত তেওঁ বিশ্ব ৬৬৬তম বাছনিলৈ উন্নীত হৈছিল। ইয়াৰ পিছত তেওঁ আমেৰিকা যুক্তৰাষ্ট্ৰৰ ভাৰ্জিনিয়া বিশ্বিবিদ্যালয়ত অধ্যয়ন কৰিবলৈ গৈছিল। কলেজত পঢ়ি থাকোঁতে, ২০০৭ চনত এন চি এ এ টেনিছ চেম্পিয়নশ্বীপৰ খিতাপ দখল কৰিছিল। সোমদেৱ এই প্ৰতিযোগিতাৰ জুনিয়ৰ আৰু ছিনিয়ৰ বৰ্ষত একেৰাহে দুবাৰকৈ ফাইনেলত জয়ী হৈছিল। এই প্ৰতিযোগিতাত একেৰাহে খিতাপ দখল কৰা ১৩তম খেলুৱৈ আছিল। "এন চি এ এ টেনিছ চেম্পিয়নশ্বীপ"ত সোমদেৱৰ ৪৪-১ ব্যৱধানৰ জয়-পৰাজয়ৰ অভিলেখ অভূতপূৰ্ব আছিল। ১৯৫০ চনলৈকে মাত্ৰ তিনিজন খেলুৱৈহে এই লক্ষ্যত উপনীত হ'ব পাৰিছিল।

সোমদেৱে সমাজবিজ্ঞান বিষয়ত স্নাতক ডিগ্ৰী গ্ৰহণ কৰে আৰু ২০০৮ চনৰপৰা পেছাদাৰী টেনিছ খেলিবলৈ লয়। নিউয়ৰ্কৰ ৰ'চেষ্টাৰত অনুষ্ঠিত "ফিউছাৰ টুৰ্ণামেণ্ট"ত কেৰিয়াৰৰ প্ৰথমটো খিতাপ দখল কৰিছিল।

পেচাদাৰী জীৱনসম্পাদনা কৰক

প্ৰাৰম্ভিক খেলুৱৈ জীৱনসম্পাদনা কৰক

  • ভাৰ্জিনিয়া বিশ্ববিদ্যালয়ৰপৰা স্নাতক ডিগ্ৰী লোৱাৰ পাছত, সোমদেৱে নিউয়ৰ্কৰ ৰ'চেষ্টাৰত অনুষ্ঠিত "ফিউছাৰছ টুৰ্ণামেণ্ট"ৰ ছিংগলছৰ খিতাপ দখল কৰি পেচাদাৰী জীৱন লাভ কৰিছিল। তেওঁৰ বিশ্ববিদ্যালয়ৰ সংগী ট্ৰিট হোৱেৰ লগত যুটি বান্ধি এই প্ৰতিযোগিতাৰ ডাবলছৰ খিতাপ দখল কৰিছিল। ইয়াৰ পাছৰ সপ্তাহতে, ট্ৰিট হোৱেৰ লগত পুনৰ যুটি বান্ধি পিটছবাৰ্গত অনুষ্ঠিত "ফিউছাৰছ টুৰ্ণামেণ্ট"ৰ ডাবলছৰ খিতাপ দখল কৰাৰ লগতে ছিংগলছৰ খিতাপো সোমদেৱে দখল কৰিছিল।
  • ইয়াৰ পিছত ২০০৮ চনৰ ২৭ জুলাইত "লেক্সিংটন চেলেঞ্জাৰ"ত সোমদেৱে খিতাপ দখল কৰিছিল।
  • ২০০৮ চনৰ আগষ্টত সোমদেৱ দেৱবৰ্মন "লেগ মেচন টেনিছ ক্লাছিক"ৰ কোৱাৰ্টাৰ ফাইনেল পৰ্য্যন্ত আগবাঢ়িছিল।

২০০৯ বৰ্ষসম্পাদনা কৰক

  • ২০০৯ চনৰ "চেন্নাই অপেন"ত সোমদেৱে কেৰিয়াৰৰ প্ৰথমটো "এ টি পি টুৰ"ৰ ফাইনেলত প্ৰৱেশ কৰিছিল। কিন্তু ফাইনেলত সোমদেৱ ক্ৰৱেটিয়াৰ মেৰিন চিলিকৰ হাতত পৰাস্ত হৈছিল।
  • "অষ্ট্ৰেলিয়ান অপেন" আৰু "ফ্ৰান্স অপেন"ৰ কোৱালিফায়িঙৰ দ্বিতীয় ৰাউণ্ডত পৰাস্ত হৈ প্ৰতিযোগিতাৰ বাহিৰ হৈছিল।
  • ইয়াৰ পিছত "কমেৰিকা বেংক চেলেঞ্জাৰ" প্ৰতিযোগিতাত ছেমিফাইনেল পৰ্য্যন্ত আগবাঢ়িছিল।
  • কেৰিয়াৰৰ প্ৰথম গ্ৰেণ্ডশ্লাম "ইউ এছ অপেন"ত দ্বিতীয় ৰাউণ্ডত প্ৰৱেশ কৰিছিল। কিন্তু সোমদেৱ দ্বিতীয় ৰাউণ্ডত জাৰ্মানীৰ ফিলিপ ক'লস্কৰেইবাৰৰ হাতত পৰাস্ত হৈছিল।

২০১০ বৰ্ষসম্পাদনা কৰক

  • জোহান্সবাৰ্গত অনুষ্ঠিত "এছ এ অপেন"ৰ কোৱাৰ্টাৰ ফাইনেল আৰু "এ টি পি ৱৰ্ল্ড টুৰ 500 ছিৰিজ ডুবাই টেনিছ চেম্পিয়নশ্বিপ"ত দ্বিতীয় ৰাউণ্ড পৰ্য্যন্ত আগবাঢ়িছিল।
  • ইয়াৰ উপৰি সোমদেৱে "ডেভিছ কাপ"ত ৰাছিয়াৰ বিৰূদ্ধে ভাৰতৰ হৈ প্ৰতিনিধিত্ব কৰিছিল।
  • ২০১০ বৰ্ষৰ ফ্ৰান্স অপেন আৰু ইউ এছ অপেনৰ প্ৰথম ৰাউণ্ডৰপৰাই বিদায় লৈছিল। ইয়াৰ পিছত তেওঁৰ বিশ্ববিদ্যালয়ৰ সংগী ট্ৰিট হোৱেৰ লগত যুটি বান্ধি উইম্বলডনৰ ডাবলছত অংশগ্ৰহণ কৰিছিল। ইয়াত ৰোহন বোপান্না আৰু আইচাম-উল-হক-কুৰেশ্বিৰ হাতত ৬-৩, ৫-৭, ৩-৬, ৬-৭ ছেটত পৰাস্ত হৈ প্ৰতিযোগিতাৰ বাহিৰ হৈছিল।
  • ২০১০ চনৰ ১০ অক্টোবৰত দিল্লীত অনুষ্ঠিত কমনৱেলথ গেমছৰ টেনিছৰ পুৰুষ শাখাত স্বৰ্ণ পদক লাভ কৰিছিল।
  • ২০১০ চনৰ ২৩ নৱেম্বৰত চীনৰ গোৱাংজুত অনুষ্ঠিত এছিয়ান গেমছত টেনিছৰ পুৰুষৰ ছিংগলছত স্বৰ্ণ পদক লাভ কৰিছিল। ইয়াৰ উপৰি সনম সিঙৰ লগত যুটি বান্ধি ডাবলছতো স্বৰ্ণ পদক লাভ কৰিছিল।[9]
  • ২৫ অক্টোবৰত কেৰিয়াৰৰ সৰ্ব্বোচ্চ ৰেংকিং ৯৪ নম্বৰলৈ উন্নীত হৈছিল।

২০১১ বৰ্ষসম্পাদনা কৰক

  • "চেন্নাই অপেন"ৰ সৈতে ২০১১ বৰ্ষৰ আৰম্ভণি কৰিছিল। তেতিয়া তেওঁ ৰেংকিং আছিল ১০৮ নং। কিন্তু প্ৰথম ৰাউণ্ডতে পৰাস্ত হৈ প্ৰতিযোগিতাৰ বাহিৰ হৈছিল।
  • ২০১০ বৰ্ষত দেখুওৱা উন্নত প্ৰদৰ্শনৰ বাবে সোমদেৱে কেৰিয়াৰত প্ৰথম বাৰৰ বাবে ২০১১ অষ্ট্ৰেলিয়ান অপেনত ভাগ ল'বলৈ ৱাইল্ড কাৰ্ড পাইছিল। ইয়াতো প্ৰথম ৰাউণ্ডত পৰাস্ত হৈছিল।
  • সোমদেৱ দেৱবৰ্মনে "২০১১ ছাউথ আফ্ৰিকা টেনিছ অপেন"ৰ ফাইনেলত প্ৰৱেশ কৰিছিল। কিন্তু ফাইনেলত কেভিন এণ্ডাৰছনৰ হাতত ৬-৪, ৩-৬, ২-৬ ত পৰাস্ত হৈছিল। ইয়াত দেখুওৱা প্ৰদৰ্শনৰ বাবে সোমদেৱ কেৰিয়াৰৰ সৰ্বশ্ৰেষ্ঠ ৰেংকিং ৮০ নম্বৰলৈ উন্নীত হৈছিল।
  • ইয়াৰ পিছত "২০১১ ডুবাই টেনিছ চেম্পিয়নশ্বিপ"ত ভাগ ল'বৰ বাবে ৱাইল্ড কাৰ্ড পাইছিল। কিন্তু "ডুবাই ডিউটি ফ্ৰি টেনিছ চেম্পিয়নশ্বিপ"ৰ প্ৰথম ৰাউণ্ডত বিশ্বৰ আগশাৰীৰ খেলুৱৈ ৰ'জাৰ ফেডেৰাৰৰ লগত মুখামুখি হৈছিল। ইয়াত পৰাস্ত হোৱাৰ পিছত সোমদেৱৰ ৰেংকিং ৯৩ নম্বৰলৈ অৱনমিত হৈছিল।
  • ২০১১ উইম্বলডনৰ পুৰুষৰ ছিংগলছত অংশগ্ৰহণ কৰিছিল যদিও দ্বিতীয় ৰাউণ্ডত পৰাস্ত হৈ প্ৰতিযোগিতাৰ বাহিৰ হৈছিল।
  • ইয়াৰ পিছত "আটলাণ্টা টেনিছ চেম্পিয়নশ্বিপ"ত কোৱাৰ্টাৰ ফাইনেল পৰ্য্যন্ত আগবাঢ়িছিল।

২০১২ বৰ্ষসম্পাদনা কৰক

  • ২০১২ চনৰ লণ্ডন অলিম্পিকৰ টেনিছৰ পুৰুষৰ ছিংগলছত অংশগ্ৰহণ কৰিবৰ বাবে ৱাইল্ড কাৰ্ড এণ্ট্ৰি লাভ কৰিছে।[10]

ব্যক্তিগত জীৱনসম্পাদনা কৰক

সোমদেৱৰ পিতৃ-মাতৃ ভাৰতবৰ্ষৰ ত্ৰিপুৰা ৰাজ্যৰ। তেওঁ হৈছে ত্ৰিপুৰাৰ পূৰ্বৰ ৰাজকীয় পৰিয়ালৰ বংশধৰ।[11] সোমদেৱ ত্ৰিপুৰাৰ ৰাজবংশৰ স্বৰ্গীয় বিক্ৰমেন্দ্ৰ দেৱবৰ্মনৰ নাতি।[12] তেওঁ ৰ'জাৰ ফেডেৰাৰৰ অনুগামী। সোমদেৱে কৃনছ, লিয়েণ্ডাৰ পেজ আৰু মহেশ ভূপতিৰ দ্বাৰা অনুপ্ৰাণিত।[7]

তথ্য সংযোগসম্পাদনা কৰক

  1. 1.0 1.1 1.2 "Somdev Devvarman". ATP World Tour. http://www.atpworldtour.com/Tennis/Players/Top-Players/Somdev-K-Devvarman.aspx। আহৰণ কৰা হৈছে: 2012-06-25. 
  2. "John-Isner Profile". www.atpworldtour.com. http://www.atpworldtour.com/Tennis/Players/Top-Players/John-Isner.aspx। আহৰণ কৰা হৈছে: 2010-11-06. 
  3. "Kevin-Anderson Profile". www.atpworldtour.com. http://www.atpworldtour.com/Tennis/Players/An/K/Kevin-Anderson.aspx। আহৰণ কৰা হৈছে: 2010-11-06. 
  4. "Jesse-Levine Profile". www.atpworldtour.com. http://www.atpworldtour.com/Tennis/Players/Le/J/Jesse-Levine.aspx। আহৰণ কৰা হৈছে: 2010-11-06. 
  5. "Devvarman Repeats as NCAA Tennis Singles Champion". VirginiaSports.com. http://www.virginia.edu/uvatoday/newsRelease.php?id=5336। আহৰণ কৰা হৈছে: 2010-11-06. 
  6. http://www.atpworldtour.com/News/Tennis/2011/09/Features/Devvarman-Receives-Arjuna-Award.aspx
  7. 7.0 7.1 Is, He (26 October 2009). "Racquetman". The Telegraph (Calcutta, India). http://www.telegraphindia.com/1091026/jsp/entertainment/story_11656530.jsp. 
  8. Diwan, Kunal (31 December 2010). "Somdev hopes to break into the top 50". The Hindu (Chennai, India). http://www.thehindu.com/sport/tennis/article1019051.ece. 
  9. "Asian Games: Somdev Devvarman wins seventh gold for India". The Times of India. 23 November 2010. http://timesofindia.indiatimes.com/sports/16th-asian-games-2010/india-news/Asian-Games-Somdev-Devvarman-wins-seventh-gold-for-India/articleshow/6974595.cms। আহৰণ কৰা হৈছে: 23 November 2010. 
  10. "Sania, Somdev get wild cards for London Olympics". 26 June 2012. http://timesofindia.indiatimes.com/sports/tournaments/london-olympics/Sania-Somdev-get-wild-cards-for-London-Olympics/articleshow/14415955.cms. 
  11. Somdev Devvarman - Shinning Bright Neblog.in
  12. http://sports.in.msn.com/othersports/article.aspx?cp-documentid=4449363&page=2


বাহ্যিক সংযোগসম্পাদনা কৰক