ৰঙা কাঞ্চন

ৰঙা কাঞ্চন
	ভাৰতৰ পশ্চিমবংগত ৰঙা কাঞ্চনৰ ফুল
জীৱবৈজ্ঞানিক শ্ৰেণীবিভাজন
ৰাজ্য:	Plantae;
(অশ্ৰেণীকৃত):	Angiosperms;
(অশ্ৰেণীকৃত):	Eudicots;
(অশ্ৰেণীকৃত):	Rosids;
বৰ্গ:	Fabales;
পৰিয়াল:	Fabaceae;
গণ:	Phanera;
প্ৰজাতি:	P. purpurea;
বৈজ্ঞানিক নাম
	Phanera purpurea; (L.) Benth.
সমাৰ্থক
	Bauhinia castrata Blanco; Bauhinia coromandeliana DC.; Bauhinia platyphylla Zipp. ex Span.; Bauhinia purpurea L.; Bauhinia rosea Corner; Bauhinia triandra Roxb.; Bauhinia violacea Corner; Caspareopsis purpurea (L.) Pittier;

ৰঙা কাঞ্চন (ইংৰাজী: camel's foot বা orchid tree, বৈজ্ঞানিক নাম-Phanera purpurea পূৰ্বতে Bauhinia purpurea ) ‘Fabaceae’ পৰিয়ালৰ অন্তৰ্ভুক্ত এবিধ সপুষ্পক উদ্ভিদৰ প্ৰজাতি। এই উদ্ভিদবিধ ঘাইকৈ দক্ষিণ-পূব এছিয়াত দেখা পোৱা যায়। ^[4]

বিৱৰণ

ৰঙা কাঞ্চন এবিধ সৰুৰ পৰা মজলীয়া আকাৰৰ পৰ্ণপাতী উদ্ভিদ। ইয়াৰ উচ্চতা প্ৰায় ১৭ ফুট পৰ্যন্ত হোৱা দেখা যায়। এই গছজোপাৰ পাতবোৰ ১০-২০ ছে:মি: দীঘল আৰু ঘূৰণীয়া বহল হয়। ফুলবোৰ গুলপীয়া আৰু সুগন্ধি হোৱা দেখা যায়। ৰঙা কাঞ্চনৰ ফল দীঘলীয়া আৰু ইয়াৰ ভিতৰত ১২-১৬ টাকৈ গুটি থাকে।

ভাৰতৰ পশ্চিমবংগত ৰঙা কাঞ্চনৰ ফুল

Bauhinia purpurea flower (Kaniar) in Hyderabad, India.

ঔষধি গুণ

পৰম্পৰাগতভাৱে বহুতো সৰু-বৰ ৰোগ নিৰাময়ত ৰঙা কাঞ্চন ব্যৱহাৱ কৰা হয়। এই উদ্ভিদৰ বিভিন্ন অংশত বহুমূত্ৰ, ডায়েৰিয়া, কেন্সাৰ আদি ৰোগ নিৰাময় কৰা গুণ থাকে বুলি ধাৰণা কৰা হৈছে। ^[5] ৰঙা কাঞ্চনৰ পৰা বহুতো ধৰণৰ ৰাসায়নিক পদাৰ্থও নিষ্কাশন কৰিব পৰা গৈছে। ইয়াৰ ভিতৰত, 5,6-dihydroxy-7-methoxyflavone 6-O-β-D-xylopyranoside, bis [3',4'-dihydroxy-6-methoxy-7,8-furano-5',6'-mono-methylalloxy]-5-C-5-biflavonyl and (4'-hydroxy-7-methyl 3-C-α-L-rhamnopyranosyl)-5-C-5-(4'-hydroxy-7-methyl-3-C-α-D-glucopyranosyl) bioflavonoid, bibenzyls, dibenzoxepins, mixture of phytol fatty esters, lutein, β-sitosterol, isoquercitin and astragalin.^[5] আদিয়ে প্ৰধান।