ৰাকেশ শৰ্মা

ৰাকেশ শৰ্মা (জন্ম ১৩ জানুৱাৰী, ১৯৪৯) ভাৰতীয় বায়ু সেনাৰ এজন প্ৰাক্তন ব্যৱহাৰিক বৈমানিক। ১৯৮২ চনত তেওঁক ৰাছিয়াৰ মহাকাশ অভিযানত অৰ্ন্তভূক্ত কৰে আৰু ১৯৮৪ চনৰ ২ এপ্ৰিলত চয়ুজ টী-১১ মহাকাযানৰ জৰিয়তে আৰু দুজন মহাকাশচাৰীৰ মহাকাশলৈ যোৱা প্ৰথম ভাৰতীয় হিচাবে গৌৰৱ অৰ্জন কৰে।

ৰাকেশ শৰ্মা
ৰাকেশ শৰ্মা
জাতীয়তা	ভাৰতীয়
পদমৰ্যাদা	অৱসৰপ্ৰাপ্ত
জন্ম	১৩ জানুৱাৰী, ১৯৪৯ (৭৫ বছৰ) পাটিয়ালা, Patiala and East Punjab States Union, ভাৰত
অন্য পেছা	ব্যৱহাৰিক বৈমানিক/মহাকাশচাৰী
স্থান	ৱিং কামাণ্ডাৰ, ভাৰতীয় বায়ু বাহিনী
মহাকাশত কটোৱা সময়	৭দিন ২১ ঘণ্টা ৪০ মিনিট
অভিযান	চয়ুজ টি-১১ / চয়ুজ টি-১০
অভিযানৰ প্ৰতীক
বঁটা	অশোক চক্ৰ চোভিয়েট গোটৰ বীৰ

জন্ম আৰু প্ৰাৰম্ভিক জীৱন

১৯৪৯ চনৰ ১৩ জানুৱাৰীত পাটিলায়াত ৰাকেশ শৰ্মাৰ জন্ম হৈছিল। ১৯৬৬ চনত তেওঁ আই,এ,এফ কেডাৰ ৰূপে যোগদান কৰিছিল আৰু পিছলৈ ১৯৭০ চনত ভাৰতীয় বায়ু বাহিনী ত এজন বৈমানিক হিচাবে যোগদান কৰে। ১৯৭১ চনত হোৱা ভাৰত-পাকিস্থানৰ যুদ্ধত তেওঁ এজন বৈমানিক হিচাবে যুঁজাৰু মিগ শ্ৰেণীৰ বিমান সফলতাৰে উৰুৱাইছিল। ১৯৮৪ চনত তেওঁ স্কুৱাডন লীডাৰ হিচাবে স্বীকিতি পায়। তেওঁৰ উৰণশৈলী লাহে লাহে সকলোৰে জ্ঞাত হ'বলৈ ধৰে আৰু তেতিয়াই ISRO আৰু Soviet Intercosmos space program ৰ মহাকাশ অভিযানবোৰত ব্যৱহাৰিক বৈমানিক ৰূপে অৰ্ন্তভূক্ত কৰে।

কৃতিত্ব

স্কুৱাডন লীডাৰ ৰাকেশ শৰ্মা মুখ্যত এজন ব্যৱহাৰিক বৈমানিক আছিল। ১৯৮২ চনত তেওঁ ৰাছিয়াৰ মহাকাশ অভিযানত অৰ্ন্তভূক্ত কৰে আৰু ১৯৮৪ চনৰ ২ এপ্ৰিলত চয়ুজ ট-১১ মহাকাযানৰ জৰিয়তে আৰু দুজন মহাকাশচাৰীৰ মহাকাশলৈ যোৱা প্ৰথম ভাৰতীয় হিচাবে গৌৰৱ অৰ্জন কৰে। মহাকাশত তেওঁৰ প্ৰধান কাম আছিল জৈৱ-দৰৱ(bio medicine) আৰু remote sensing। ৰাকেশ শৰ্মা মহাকাশলৈ যোৱাৰ লগে লগে ভাৰতেও অন্য এক এক কৃতিত্ব লাভ কৰে, মহাকাশলৈ মানুহ পঠিওৱা ১৪ সংখ্যক দেশ হিচাবে। এইটো সফলতাৰ কাৰনে ভাৰত চৰকৰে ৰাকেশ শৰ্মাক অশোক চক্ৰ সন্মান প্ৰদান কৰে। ইয়াৰ সামন্তৰালকৈ Malyshev আৰু Strekalov লৈও এই সন্মান আগবঢ়োৱা হয় আৰু ইয়াৰ লগে লগে প্ৰথম বাৰৰ বাবে আৰু অন্তিম বাৰৰ বাবে ভাৰতীয় ইতিহাসত দুজন বিদেশীক এই বিৰল সন্মান যঁচা হয়। পিছলৈ ৰাকেশ শৰ্মাই HAL বিমান কেন্দ্ৰত ব্যৱহাৰিক বৈমানিক হিচাবে যোগদান কৰে। তাত তেওঁৰ প্ৰধান কাম আছিল ওঝাৰ কাৰখানাৰ পৰা তৈয়াৰ কৰা যুঁজাৰু বিমান সমূহৰ উৰণৰ পূৰ্বে অন্তিম পৰীক্ষা কৰি স্বীকিতি দিয়া(testing officer)। শেষত ৱিং কামাণ্ডাৰ হিচাবে তেওঁ অৱসৰ গ্ৰহন কৰে। অৱসৰৰ পাছত ১৯৮৭ চনত তেওঁ HAL যোগদান কৰে আৰু ১৯৯২ চনত মুখ্য ব্যৱহাৰিক বৈমানিক হিচাবে HAL ৰ নাশিক শাখাত যোগদান কৰে আৰু অন্তিম পৰ্য্যায়ত HAL ৰ বাংগালোৰো শাখাত যোগদান কৰি ২০১৩ চনত সকলোধৰনৰ পদবীৰ পৰা অৱসৰ গ্ৰহণ কৰে।

বাহ্যিক সংযোগ

• Interview with Rakesh Sharma in August 2013 Archived 2013-12-04 at the Wayback Machine
• Biography of Rakesh Sharma