ৰাষ্ট্ৰীয় ভেষজবিজ্ঞান শিক্ষা আৰু গৱেষণা প্ৰতিষ্ঠান, গুৱাহাটী
ৰাষ্ট্ৰীয় ভেষজবিজ্ঞান শিক্ষা আৰু গৱেষণা প্ৰতিষ্ঠান, গুৱাহাটী (en: National Institute of Pharmaceutical Education and Research, Guwahati বা NIPER-Guwahati বা NIPER-G) ভাৰত চৰকাৰৰ ৰসায়নিক আৰু সাৰ মন্ত্ৰণালয়ে ২০০৮ চনত প্ৰতিষ্ঠা কৰা আন সাত খন বিদ্যালয়ৰ অন্যতম ভাৰতীয় ৰাজহুৱা ভেষজবিজ্ঞান গৱেষণা প্ৰতিষ্ঠান। প্ৰতিষ্ঠানখনে ভেষজবিজ্ঞানত স্নাতকোত্তৰ আৰু ডক্টৰেট পৰ্যায়ৰ ডিগ্ৰী প্ৰদান কৰে। ৰাষ্ট্ৰীয় গুৰুত্বপূৰ্ণ প্ৰতিষ্ঠান হিচাপে মানৱ সম্পদ উন্নয়নত প্ৰতিষ্ঠানখনে ভাৰতীয় ভেষজবিজ্ঞান উদ্যোগত এক গুৰুত্বপূৰ্ণ ভূমিকা পালন কৰিছে। ভাৰতৰ বিজ্ঞান বিষয়ক বিভিন্ন উদ্যোগৰ লগতে প্ৰচুৰ সম্ভাৱনাময় ঔষধ প্ৰস্তুতকৰণৰ ক্ষেত্ৰ খনত ই প্ৰত্যক্ষ ভাৱে জড়িত হৈ আছে।[1][2]
| ৰাষ্ট্ৰীয় ভেষজবিজ্ঞান শিক্ষা আৰু গৱেষণা প্ৰতিষ্ঠান, গুৱাহাটী National Institute of Pharmaceutical Education and Research, Guwahati | |
|---|---|
 | |
| ধৰণ | ৰাজহুৱা, ৰাষ্ট্ৰীয় গুৰুত্বপূৰ্ণ প্ৰতিষ্ঠান |
| সঞ্চালক | ডঃ ইউ এছ এন মূৰ্তি |
| স্থান | চিলা কটামুৰ, চাংচাৰি, কামৰূপ জিলা, অসম, ভাৰত |
| উপনাম | নাইপাৰ-জি(NIPER-G) |
| ৱেবছাইট | niperguwahati |
ইতিহাস
সম্পাদনা কৰক২০০৮ চনৰ ছেপ্টেম্বৰ মাহত ৰাষ্ট্ৰীয় ভেষজবিজ্ঞান শিক্ষা আৰু গৱেষণা প্ৰতিষ্ঠান, গুৱাহাটী আৰম্ভ হৈছিল। কেন্দ্ৰীয় সাৰ আৰু ৰসায়ন মন্ত্ৰী ৰাম বিলাস পাচোৱানে ২০০৮ চনৰ ১৬ ছেপ্টেম্বৰ তাৰিখে প্ৰতিষ্ঠানখন উদ্বোধন কৰিছিল।[3] ইয়াৰ অস্থায়ী চৌহদ গুৱাহাটীৰ ভাঙাগড়ত অৱস্থিত গুৱাহাটী চিকিৎসা মহাবিদ্যালয়ৰ প্ৰাংগণত আছিল। ২০১৫ চনৰ ৩০ মে' তাৰিখে কেন্দ্ৰীয় সাৰ আৰু ৰসায়ন মন্ত্ৰী অনন্ত কুমাৰে অসমৰ মুখ্যমন্ত্ৰী তৰুণ গগৈ আৰু যুৱ পৰিক্ৰমা বিভাগৰ কেন্দ্ৰীয় ৰাজ্যমন্ত্ৰী সৰ্বানন্দ সোণোৱালৰ উপস্থিতিত প্ৰতিষ্ঠান খনৰ স্থায়ী প্ৰাংগণৰ আধাৰশিলা কামৰূপ জিলাৰ চাংচাৰিত স্থাপন কৰে।
শিক্ষা
সম্পাদনা কৰকপ্ৰতিষ্ঠানখনে চাৰিটা বিভাগত দুবছৰীয়া স্নাতকোত্তৰ পাঠ্যক্ৰমত এমএচ(ফাৰ্ম.) প্ৰদান কৰে। ইয়াৰ লগতে ই পিএইছডি ডিগ্ৰীয়ো প্ৰদান কৰে।
বিভাগসমূহ
সম্পাদনা কৰক- ভেষজবিজ্ঞান আৰু বিষবিজ্ঞান (Pharmacology and Toxicology
Biotechnology)
- ফাৰ্মাচী অনুশীলন (Pharmacy Prctice)
- ঔষধ বিজ্ঞান (Pharmaceutics)
- ঔষধীয় বিশ্লেষণ (Pharmaceutical Analysis)[4]
নামভৰ্তি
সম্পাদনা কৰকৰাষ্ট্ৰীয় ভেষজবিজ্ঞান শিক্ষা আৰু গৱেষণা প্ৰতিষ্ঠানসমূহত নামভৰ্তি গ্ৰেজুয়েট ফাৰ্মাচী এপ্তিটিউড টেষ্ট পৰীক্ষাৰ দ্বাৰা হয়। এই পৰীক্ষাৰ পিছত শিক্ষাৰ্থী সকলক নাইপাৰ সকলে অনুষ্ঠিত কৰা সংযুক্ত প্ৰৱেশ পৰীক্ষাৰ দ্বাৰা বাচনি কৰা হয়।
তথ্য উৎস
সম্পাদনা কৰক- ↑ "The Hindu : Education Plus Bangalore : NIPER sets the benchmark". Archived from the original on 2008-02-12. https://web.archive.org/web/20080212073758/http://www.hindu.com/edu/2006/04/10/stories/2006041000490200.htm। আহৰণ কৰা হৈছে: 2016-02-08.
- ↑ All-India level rank in NIPER for SC boy - The Hindu
- ↑ "NIPER paves pharma path - Paswan inaugurates the fifth centre of the higher education & research institute". telegraphindia.com. https://m.telegraphindia.com/states/north-east/niper-paves-pharma-path-paswan-inaugurates-the-fifth-centre-of-the-higher-education-research-institute/cid/545873। আহৰণ কৰা হৈছে: 11 June 2020.
- ↑ NIPER conducts convocation - The Hindu