অনিৰ্বাণ (চলচ্চিত্ৰ)

অনিৰ্বাণ; (The Vigil)
পৰিচালক	ড° ভবেন্দ্ৰ নাথ শইকীয়া
চিত্ৰনাট্য	ভবেন্দ্ৰ নাথ শইকীয়া
প্ৰযোজক	প্ৰীতি শইকীয়া
অভিনয়ত	ভোলা কটকী; ৰুণু গোস্বামী; সংগীতা শইকীয়া; আনন্দ মোহন ভাগৱতী
চিত্ৰগ্ৰহণকাৰী	ইন্দুকল্প হাজৰিকা
সম্পাদনা	নিকুঞ্জ ভট্টাচাৰ্যি
সংগীত পৰিচালক	আখটাৰ খান
মুক্তি	৬ ফেব্ৰুৱাৰী, ১৯৮১
দেশ	ভাৰত
ভাষা	অসমীয়া

অনিৰ্বাণ ১৯৮১ চনত মুক্তি লাভ কৰা এখন ক'লা-বগা অসমীয়া চলচ্চিত্ৰ^[1]। এইখন ড° ভবেন্দ্ৰ নাথ শইকীয়া পৰিচালিত দ্বিতীয়খন ছবি। ড° শইকীয়াৰ অন্যান্য ছবিৰ দৰে এইখনৰো কাহিনী তেখেতৰে এটা চুটিগল্পৰ পৰা লোৱা হৈছিল। গল্পটো আছিল 'প্ৰহৰী'; ৰচনা কাল ১৯৬০ চন। ছবিখনত কোনো গীত নাছিল। তেখেতে পৰিচালনাৰ উপৰিও ছবিখনৰ চিত্ৰনাট্য আৰু সংলাপো ৰচনা কৰিছিল। প্ৰযোজক আছিল তেখেতৰ পত্নী প্ৰীতি শইকীয়া। অনিৰ্বাণে আঞ্চলিক ভাষাৰ শ্ৰেষ্ঠ ছবিৰ 'ৰজত কমল' বঁটা লাভ কৰিছিল^[1]।